ریاکاری و بے وفائیRiyakari o Bewafai

انسانی پیکر میں نہاں حیوان ملے گا ہر دانا کے بھیتر اک نادان ملے گا

insani paikar mein nihan haiwan milega har dana ke bheetar ik nadan milega

خوشبو سے کم نسبت ہے رنگوں سے زیادہ اب گھر گھر میں کاغذ کا گلدان ملے گا

khushbu se kam nisbat hai rangon se ziyada ab ghar ghar mein kaghaz ka guldan milega

کیا خطا مجھ سے ہوئی ہے یہ بتاتے جاتے اتنا احسان تو کر سکتے تھے جاتے جاتے

kya khata mujh se hui hai yeh batate jate itna ehsan to kar sakte the jate jate

شہر میں جس کی نمائش کے بڑے چرچے ہیں میں نے اس کو کبھی دیکھا نہیں آتے جاتے

shahar mein jis ki numaish ke bade charche hain main ne us ko kabhi dekha nahin aate jate

دیکھ کر دنگ ہیں زمین کے سانپ اتنے مہلک ہیں آستین کے سانپ

dekh kar dang hain zameen ke sanp itne mohlik hain aasteen ke sanp

میں اس کو اپنا ہمدرد سمجھتا ہوں سانپ جو میرے گھر میں لاکر چھوڑگیا

main us ko apna hamdard samajhta hoon sanp jo mere ghar mein la kar chhod gaya

خود تو تھا ملبوس سنہرے کپڑوں میں رات کی خاطر کالی چادر چھوڑ گیا

khud to tha malboos sunehre kapdon mein raat ki khatir kali chadar chhod gaya

وہ ہوگیا خود فرار، اور میں اسیر قول و قرار میں ہوں

wo ho gaya khud farar, aur main aseer-e-qaul o qarar mein hoon

یہ بڑھاپا اور یہ اولاد کا حسنِ سلوک ان چراغوں سے خدایا ہم تھے بہتر بے چراغ

yeh budhapa aur yeh aulad ka husn-e-sulook in chiraghon se khudaya ham the behtar be-chiragh

ہمیں اک غیر ٹھہرے تمھاری انجمن میں

hamein ik ghair thehre tumhari anjuman mein

لگانا قہقہے، چلنا اکڑ کے تکبر کی نشانی ہے سرا سر

lagana qahqahe, chalna akad ke takabbur ki nishani hai sarasar

اصل کے بھاؤ میں بک جاتی ہے نقلی شئے بھی نام رکھ لے کسی فنکار سے ملتا جلتا

asl ke bhao mein bik jati hai naqli shai bhi nam rakh le kisi fankar se milta julta

سادگی ہے کہ شرارت یہ وہی جانتا ہے جس کا اقرار ہے انکار سے ملتا جلتا

sadgi hai ke shararat yeh wohi janta hai jis ka iqrar hai inkar se milta julta

اشک کے پھول لٹاتا ہے مری تربت پر مِرا قاتل بھی ہے غم خوار سے ملتا جلتا

ashk ke phool lutata hai meri turbat par mera qatil bhi hai gham-khwar se milta julta

ظرف اپنوں کا پرکھنا ہے اگرتجھ کو ریاضؔ سچ بتا کیوں نہیں اغیار ملتا جلتا

zarf apnon ka parakhna hai agar tujh ko Riyaz sach bata kyon nahin aghyar milta julta

مجھ کو حاضر جواب پاتے ہی لوگ کرنے لگے سوال غلط

mujh ko hazir-jawab pate hi log karne lage sawal ghalat

تھا حقیقت، مگر گمان میں تھا وہ جو اک شخص درمیان میں تھا

tha haqeeqat, magar guman mein tha wo jo ik shakhs darmiyan mein tha

مجھ کو آئی نہیں اداکاری جو تھا گھر میں وہی دکان میں تھا

mujh ko aai nahin adakari jo tha ghar mein wohi dukan mein tha

جھوٹ کو لوگ سچ سمجھنے لگے کیسا جادو تری زبان میں تھا

jhoot ko log sach samajhne lage kaisa jadu teri zaban mein tha

کیا بتائیں تمھیں ہم برے وقت میں کون تھا معتبر، کس نے سازش نہ کی

kya bataen tumhein ham bure waqt mein kaun tha motabar, kis ne sazish na ki

رقیبوں سے بھی ہیں اسکے مراسم اسے ہم کیسے نامہ بر بنائیں

raqeebon se bhi hain us ke marasim use ham kaise nama-bar banaen

دھوپ میں جل گیا وجود مرا میں سمجھتا تھا سائباں ہے تو

dhoop mein jal gaya wujood mera main samajhta tha saiban hai tu

حسد، کینہ، کپٹ رکھتا ہوں دل میں نئے یگ کا مکمل آدمی ہوں

hasad, keena, kapat rakhta hoon dil mein naye yug ka mukammal aadmi hoon

رحم دلی کے درس بھی دو شاخ سے کلیاں توڑو بھی

reham-dili ke dars bhi do shakh se kaliyan todo bhi

لیلیٰ سے بھی ہمدردی مجنوں کا سر پھوڑو بھی

Laila se bhi hamdardi Majnu ka sar phodo bhi

تمھیں خوش دیکھنا تھی میری فطرت ستم ڈھانا تمھارا مشغلہ تھا

tumhein khush dekhna thi meri fitrat sitam dhana tumhara mashghala tha

ریاضؔ اک خوف تھا سینے میں گویا مرا قاتل مرے گھر میں چھپاتھا

Riyaz ik khauf tha seene mein goya mera qatil mere ghar mein chhupa tha

بدل کر بھیس انسانوں کا آبیٹھے ہیں بستی میں سنا ہے اب درندوں کو بھی بن اچھا نہیں لگتا

badal kar bhes insanon ka aa baithe hain basti mein suna hai ab darindon ko bhi ban achchha nahin lagta

دھوپ سے بھی شدید ہیں سائے بے کسی جائے تو کہاں جائے

dhoop se bhi shadeed hain saye be-kasi jaye to kahan jaye

تم نے بھی پھیر لیں ریاضؔ آنکھیں زندگی بوجھ بن گئی ہائے

tum ne bhi pher leen Riyaz aankhein zindagi bojh ban gai haye

آنکھ ملتے ہی مسکراتا ہے تیر مانوس ہے نشانے سے

aankh milte hi muskurata hai teer manoos hai nishane se

لوگ شک کی نظر سے دیکھتے ہیں وقت بے وقت آنے جانے سے

log shak ki nazar se dekhte hain waqt be-waqt aane jane se

نکلا چالاک بہت چاہنے والا میرا چھین کر لے گیا کم بخت نوالہ میرا

nikla chalak bahut chahne wala mera chheen kar le gaya kambakht nawala mera

بن گیا ہے برے وقتوں میں سنبھالا میرا دشمن جاں نے بہت کام نکالا میرا

ban gaya hai bure waqton mein sambhala mera dushman-e-jaan ne bahut kaam nikala mera

تو بصد شوق اٹھا صحن میں دیوار مگر مجھ سے مت چھین مرے بھائی اجالا میرا

tu ba-sad shauq utha sehn mein deewar magar mujh se mat chheen mere bhai ujala mera

کیا کہا؟ میکدے میں پہلے پہل شیخ جی بے جھجھک گئے ہوں گے

kya kaha? maikade mein pehle pahal Shaikh ji be-jhijhak gaye honge

آج پرساں نہیں ریاضؔ کوئی کل تلک میرے ساتھ تھی دنیا

aaj pursan nahin Riyaz koi kal talak mere sath thi duniya

بدگمانی دوستوں تک آگئی دھول آخر آئنوں تک آگئی

badgumani doston tak aa gai dhool aakhir aainon tak aa gai

میرا تیکھا سوال سنتے ہی آبلے پڑ گئے زبان میں کیا

mera teekha sawal sunte hi aable pad gaye zaban mein kya

پیٹھ پیچھے برائی بری بات ہے بولنا جو بھی پیش نظر بولنا

peeth peechhe burai buri baat hai bolna jo bhi pesh-e-nazar bolna

غلاموں کی خوشامد، توبہ توبہ تمھیں کیا بندہ پرور ہو گیا ہے

ghulamon ki khushamad, tauba tauba tumhein kya banda-parwar ho gaya hai

سراہا تم نے مجھ کو میں نے تم کو حساب اپنا برابر ہوگیا ہے

saraha tum ne mujh ko main ne tum ko hisab apna barabar ho gaya hai

وہ شخص جس کے اشارے پہ قتل عام ہوا غضب ہوا کہ وہی قوم کا امام ہوا

wo shakhs jis ke ishare pe qatl-e-aam hua ghazab hua ke wohi qaum ka imam hua

ہر دل عزیز بننے کی خاطر مرے عزیز بستی کو روشنی نہ مرا گھر جلا کے دے

har dil azeez banne ki khatir mere azeez basti ko roshni na mera ghar jala ke de

رکھتا نہیں میں ان سے تعلق کہ جو ریاضؔ پوجا کرے بتوں کی حوالے خدا کے دے

rakhta nahin main un se talluq ke jo Riyaz pooja kare buton ki hawale khuda ke de

انکساری ہے جس حسیں کا نام آجکل تو نظر نہیں آتی

inkisari hai jis haseen ka nam aajkal to nazar nahin aati

ہونٹوں پر شمشیر وسناں کی باتیں ہیں سینے میں اندیشہ پلتا رہتا ہے

honton par shamsheer o sinan ki baatein hain seene mein andesha palta rehta hai

بھول نہ جانا عشق و وفا کے دیوانو نرم زمیں پر پاؤں پھسلتا رہتا ہے

bhool na jana ishq o wafa ke deewano narm zameen par paon phisalta rehta hai

مخلص ہونے کا کرتا ہے دعوی بھی اور حسد کی آگ میں جلتا رہتا ہے

mukhlis hone ka karta hai dawa bhi aur hasad ki aag mein jalta rehta hai

کیوں جارہے ہو روٹھ کر منہ موڑ کر تہذیب ہو آداب ہو تم کون ہو

kyon ja rahe ho rooth kar munh mod kar tehzeeb ho aadab ho tum kaun ho

اگر شائستگی سے سن، تو میں اک بات بولوں مجھے اچھا نہیں لگتا، ترا مغرور ہونا

agar shaistagi se sun, to main ik baat boloon mujhe achchha nahin lagta, tera maghroor hona

یہ بد ذوقی ہے انسانی تقدس کے منافی کسی کو دیکھ کر رنجور خود مسرور ہونا

yeh bad-zauqi hai insani taqaddus ke munafi kisi ko dekh kar ranjoor khud masroor hona

مدرسے اس سے پہلے تو اتنے نہ تھے اتنا جاہل نہیں تھا مگر آدمی

madrase is se pehle to itne na the itna jahil nahin tha magar aadmi

دشمنوں کا تو خیر ذکر ہی کیا دوست ملتے ہیں اجنبی کی طرح

dushmanon ka to khair zikr hi kya dost milte hain ajnabi ki tarah

نہ جانے کتنے جرائم کا مر تکب ہے مگر کچھ اندھ بھکت اسے دیوتا سمجھتے ہیں

na jane kitne jaraim ka murtakib hai magar kuchh andh-bhakt use devta samajhte hain

توکیوں نہ ان کی فراست پہ شک کیا جائے اگر یہ لوگ دھوئیں کو گھٹا سمجھتے ہیں

to kyon na un ki firasat pe shak kiya jaye agar yeh log dhuen ko ghata samajhte hain

اسی اکھاڑے کے ہیں پہلوان ہم جو ترا ہر ایک داؤ ہر ایک پیترہ سمجھتے ہیں

isi akhade ke hain pehlwan ham jo tera har ek dao har ek paintra samajhte hain

مرے سوال پہ اس درجہ بے رخی کیوں ہے اگر حضور مرا مدعا سمجھتے ہیں

mere sawal pe is darja be-rukhi kyon hai agar huzoor mera mudda samajhte hain

ہم اہل دل بھی ہیں اہل تمیز بھی ہیں ریاضؔ تمھاری چال تمہاری ادا سمجھتے ہیں

ham ahl-e-dil bhi hain ahl-e-tameez bhi hain Riyaz tumhari chal tumhari ada samajhte hain

میرے ہمسائے مرا رکھتے ہیں کس درجہ خیال اپنی چھت بھی مری دیوار پہ رکھ دیتے ہیں

mere hamsaye mera rakhte hain kis darja khayal apni chhat bhi meri deewar pe rakh dete hain

مہربانی کی نظر ڈالنے والے اکثر بارِ احساں دلِ خوددار پہ رکھ دیتے ہیں

mehrbani ki nazar dalne wale aksar bar-e-ehsan dil-e-khuddar pe rakh dete hain

ہم کہاں جائیں امیدوں کا جنازہ لے کر آپ تو جمعہ کو اتوار پہ رکھ دیتے ہیں

ham kahan jayen umeedon ka janaza le kar aap to juma ko itwar pe rakh dete hain

جس کی برہنگی کے ہیں چرچے گلی گلی وہ مجھ سے کہ رہا ہے کہ چادر خرید لے

jis ki barahnagi ke hain charche gali gali wo mujh se keh raha hai ke chadar khareed le

ہمسایگی کا بوجھ کہاں تک اٹھاؤں میں میرا مکان میرے برادر خرید لے

hamsayagi ka bojh kahan tak uthaoon main mera makan mere baradar khareed le

جذبۂ مہر و مروّت اب کہاں ہے فقط پھولوں میں خوشبو نام کی

jazba-e-mehr o murawwat ab kahan hai faqat phoolon mein khushbu nam ki

وہ شیشہ ہے کہ پتھر دیکھتا ہوں ذرا نزدیک جاکر دیکھتا ہوں

wo sheesha hai ke pathar dekhta hoon zara nazdeek ja kar dekhta hoon

تجھے بھی اپنی فیاضی کا ہر دم پاس رہتا ہے ترے سائل کو خالی ہاتھ ٹلنا بھی نہیں آتا

tujhe bhi apni fayyazi ka har dam pas rehta hai tere sail ko khali hath talna bhi nahin aata

سمجھ لو یہ تمہاری بے حسی کی آخری حد ہے اگر تم کو کف افسوس ملنا بھی نہیں آتا

samajh lo yeh tumhari be-hisi ki aakhiri had hai agar tum ko kaf-e-afsos malna bhi nahin aata

وہ اکثر مسکرا دیتا ہے میرے سامنے آکر سلیقے سے مرے دشمن کو جلنا بھی نہیں آتا

wo aksar muskura deta hai mere samne aa kar saleeqe se mere dushman ko jalna bhi nahin aata

بنالوں تم کو اپنا ہم سفر یہ میں نے سوچا ہے مگر پھر سوچتا ہوں تم کو چلنا بھی نہیں آتا

bana loon tum ko apna hamsafar yeh main ne socha hai magar phir sochta hoon tum ko chalna bhi nahin aata

یہ واقعہ ہے کہ میں آخری پڑاؤ پہ ہوں مگر گئی نہیں عادت فریب کھانے کی

yeh waqia hai ke main aakhiri padao pe hoon magar gai nahin aadat fareb khane ki

میں اپنے حال پہ روتا رہا بلکتا رہا کسی نے کی نہیں زحمت گلے لگا نے کی

main apne hal pe rota raha bilakta raha kisi ne ki nahin zehmat gale lagane ki

مجھ کو خوش کرنا ہے تو کچھ اور حربہ آزما میرے دشمن کی برائی کر نہ میرے سامنے

mujh ko khush karna hai to kuchh aur harba aazma mere dushman ki burai kar na mere samne

نہیں ہے پاسِ محبت اگر ، تو کم از کم ملو، تو ملنے کا انداز والہانہ لگے

nahin hai pas-e-mohabbat agar, to kam az kam milo, to milne ka andaz walihana lage

سب کی تعریف ہو جہاں کا اصول ایسی محفل میں چپ رہا کیجے

sab ki tareef ho jahan ka usool aisi mehfil mein chup raha kijiye

تم شکایات پر اتر آئے اپنی اوقات پر اتر آئے

tum shikayaat par utar aaye apni auqat par utar aaye

پوچھ خود سے کہ میرے ہاتھ کے زخم کیوں ترے ہات پر اتر آئے

poochh khud se ke mere hath ke zakhm kyon tere hath par utar aaye

باتیں کرنا سیکھ لیا سناٹوں نے تصویروں نے رنگ بدلنا سیکھ لیا

baatein karna seekh liya sannaton ne tasweeron ne rang badalna seekh liya

چل نہیں سکتے تھے جو گھٹنوں کے بل لوگ حیراں ہے وہ کیسے اڑ گئے

chal nahin sakte the jo ghutnon ke bal log hairan hai wo kaise ud gaye

وسوسے لاکھوں جنم لینے لگے قدر جب بڑھنے لگی احباب میں

waswase lakhon janam lene lage qadr jab badhne lagi ahbab mein

اصل مقصد بھول بیٹھے ہیں ریاضؔ ایسے الجھے منبر و محراب میں

asl maqsad bhool baithe hain Riyaz aise uljhe mimbar o mehrab mein

ان گنت روپ بدلتے ہوئے چہرے کتنے ہم نے دیکھے ہیں پگھلتے ہوئے چہرے کتنے

an-ginat roop badalte hue chehre kitne ham ne dekhe hain pighalte hue chehre kitne

غور سے دیکھیں تو لگتے ہیں تپ دق کے مریض گوشۂ عیش میں پلتے ہوئے چہرے کتنے

ghaur se dekhein to lagte hain tap-e-diq ke mareez gosha-e-aish mein palte hue chehre kitne

ستم ایجاد سے امید کرم نازکی چاہتے ہو پتھر سے

sitam-ejad se umeed-e-karam nazuki chahte ho pathar se

مدتوں خود پہ ظلم کرتا رہا بھائیوں میں نفاق کے ڈر سے

muddaton khud pe zulm karta raha bhaiyon mein nifaq ke dar se

نئے وعدے، نئی قسمیں، نئے غم کھلونے دیکے بہلایا گیا ہوں

naye wade, nai qasmein, naye gham khilaune de ke behlaya gaya hoon

بہت پہلے سے مجھ کو جانتے ہیں میں جن سے آج ملوایا گیا ہوں

bahut pehle se mujh ko jante hain main jin se aaj milwaya gaya hoon

تعلقات کا پنچھی اسیر دام بھی ہے ہے اختلاف بھی قائم دعا سلام بھی ہے

talluqat ka panchhi aseer-e-dam bhi hai hai ikhtilaf bhi qaim dua salam bhi hai

تمھاری بزم کی نیرنگیوں کے کیا کہنے دئیے کے ساتھ ہواؤں کا اہتمام بھی ہے

tumhari bazm ki nairangiyon ke kya kehne diye ke sath hawaon ka ehtimam bhi hai

ریاضؔ کیا ترے اوسان کھو گئے ہیں کہیں خلوص ڈھونڈنے والوں میں تیرا نام بھی ہے

Riyaz kya tere ausan kho gaye hain kahin khuloos dhoondne walon mein tera nam bhi hai

سبھی خلاف تھے اپنے کسی سے کیا کہتے قصور وار ہمیں تھے کسی سے کیا کہتے

sabhi khilaf the apne kisi se kya kehte qusoorwar hamein the kisi se kya kehte

اے ریاضؔ کیسے ہوتا حقِ اعتبار پورا وہ اگر مجھے نہ ڈستا مری آستیں میں پل کے

ai Riyaz kaise hota haq-e-etibar poora wo agar mujhe na dasta meri aasteen mein pal ke

اب بھی کرتے ہیں مجھے لوگ شریفوں میں شمار معتبر آپ کا الزام نہیں ہے شاید

ab bhi karte hain mujhe log shareefon mein shumar motabar aap ka ilzam nahin hai shayad

آخرش کر ہی لیا غیر کا احسان قبول تیرے نزدیک یہ دشنام نہیں ہے شاید

aakhirash kar hi liya ghair ka ehsan qubool tere nazdeek yeh dushnam nahin hai shayad

قہقہے میری تباہی پہ لگانے والے تو ابھی واقف آلام نہیں ہے شاید

qahqahe meri tabahi pe lagane wale tu abhi waqif-e-aalam nahin hai shayad

برے دنوں میں تعلق نبھا گیا وہ بھی بھنور میں چھوڑ کے آخر چلا گیا وہ بھی

bure dinon mein talluq nibha gaya wo bhi bhanwar mein chhod ke aakhir chala gaya wo bhi

ضرور مجھ میں کوئی بات اس کی جیسی تھی اسی لئے تو مرے ساتھ آ گیا وہ بھی

zaroor mujh mein koi baat us ki jaisi thi isi liye to mere sath aa gaya wo bhi

ضرورت سامنے رکھ کر تعلق آزمانا ہے

zaroorat samne rakh kar talluq aazmana hai

تکلّف ہے تعلق میں تعارف غائبانہ ہے

takalluf hai talluq mein taaruf ghaibana hai

سارے رشتے الگ تھلگ ہوں گے ٹوٹ جائے گی ہر کڑی اک دن

sare rishte alag-thalag honge toot jayegi har kadi ik din

وہ اپنی داستاں کہنے سے پہلے سناتا ہے مجھے نغمات میرے

wo apni dastan kehne se pehle sunata hai mujhe naghmat mere

یہ میری ذات پر احسان ہوگا بھلا دے سارے احسانات میرے

yeh meri zat par ehsan hoga bhula de sare ehsanat mere

مجھے تسلیم میں اچھا نہیں ہوں برا کیا ہے اگر تجھ سا نہیں ہوں

mujhe tasleem main achchha nahin hoon bura kya hai agar tujh sa nahin hoon

جو آئے سال بھر میں ایک دن کو تمھارے گاؤں کا میلہ نہیں ہوں

jo aaye sal bhar mein ek din ko tumhare gaon ka mela nahin hoon

حالانکہ وہ میرے لئے بے سود ہے پھر بھی ہر روز مجھے خواب دکھاتا ہے کوئی اور

halanke wo mere liye be-sood hai phir bhi har roz mujhe khwab dikhata hai koi aur

ریاضؔ اہل سرا سوتے ہیں بے حس مگر اللہ والا جاگتا ہے

Riyaz ahl-e-sara sote hain be-his magar Allah wala jagta hai

ہے اس کے منہ میں زباں اسی کی یہ سچ ہے لیکن وہ کس کے لہجے میں بولتاہے مجھے پتہ ہے

hai us ke munh mein zaban usi ki yeh sach hai lekin wo kis ke lahje mein bolta hai mujhe pata hai

ریاضؔ میں بھی محلے والوں کے ساتھ چپ ہوں اگرچہ قاتل کہاں چھپاہے مجھے پتہ ہے

Riyaz main bhi mohalle walon ke sath chup hoon agarche qatil kahan chhupa hai mujhe pata hai

کچھ لوگوں کو دکھ دے کر سکھ ملتا ہے تیز ہوائیں چھپر ڈھونڈتی رہتی ہیں

kuchh logon ko dukh de kar sukh milta hai tez hawaein chhappar dhoondti rehti hain

پیش نظر ہے ٹوٹے ہوئے رشتوں کی لاش چھوٹی چھوٹی رنجش سے ڈر لگتا ہے

pesh-e-nazar hai toote hue rishton ki lash chhoti chhoti ranjish se dar lagta hai

میں احسان فراموشی کو کفر کا درجہ دیتا ہوں تیری جفائیں بھول گیا ہوں تو نے کیسے سوچ لیا

main ehsan-faramoshi ko kufr ka darja deta hoon teri jafaein bhool gaya hoon tu ne kaise soch liya

میرے خوابوں سے دور جا نکلا تو بھی اے دوست بے وفا نکلا

mere khwabon se door ja nikla tu bhi ai dost be-wafa nikla

جیب سے اسکی جو ملا تھا ہمیں وہ کسی اور کا پتہ نکلا

jeb se us ki jo mila tha hamein wo kisi aur ka pata nikla

ذرّوں کو یہ ضد ہے ان کو سونا بولا جائے لوگوں کو جھوٹی تعریفیں اچھی لگتی ہیں

zarron ko yeh zid hai un ko sona bola jaye logon ko jhoothi tareefein achchhi lagti hain