دنیا کی حقیقتDuniya Ki Haqeeqat

انسانی پیکر میں نہاں حیوان ملے گا ہر دانا کے بھیتر اک نادان ملے گا

insani paikar mein nihan haiwan milega har dana ke bheetar ik nadan milega

پیسے ہوں تو کوئی شئے نایاب نہیں ہے دنیا کے بازار میں ہر سامان ملے گا

paise hon to koi shai nayab nahin hai duniya ke bazar mein har saman milega

خوشبو سے کم نسبت ہے رنگوں سے زیادہ اب گھر گھر میں کاغذ کا گلدان ملے گا

khushbu se kam nisbat hai rangon se ziyada ab ghar ghar mein kaghaz ka guldan milega

رام انھیں کیسے کرنا ہے یہ تو جانے ہر دروازے پر تجھکو دربان ملے گا

ram unhein kaise karna hai yeh to jane har darwaze par tujhko darban milega

ستّر سال سے میں تو یہی سنتا آیا ہوں گیانی لوگوں سے ملئے تو گیان ملے گا

sattar saal se main to yahi sunta aaya hoon gyani logon se miliye to gyan milega

شہر میں جس کی نمائش کے بڑے چرچے ہیں میں نے اس کو کبھی دیکھا نہیں آتے جاتے

shahar mein jis ki numaish ke bade charche hain main ne us ko kabhi dekha nahin aate jate

کیسے کر پاتے عقیدت کے تقاضے پورے ہاتھ گر ہر کس و ناکس سے ملاتے جاتے

kaise kar pate aqeedat ke taqaze poore hath gar har kas o nakas se milate jate

دیکھ کر دنگ ہیں زمین کے سانپ اتنے مہلک ہیں آستین کے سانپ

dekh kar dang hain zameen ke sanp itne mohlik hain aasteen ke sanp

خونِ مزدور پیتے رہتے ہیں یوں ہی زندہ نہیں مشین کے سانپ

khoon-e-mazdoor peete rehte hain yoon hi zinda nahin machine ke sanp

کھل گئے راستے در آمد کے آگئے انڈیا میں چین کے سانپ

khul gaye raste daraamad ke aa gaye India mein Cheen ke sanp

امن وسکوں غارت کر کے ڈر چھوڑ گیا شہر میں کوئی دشت کا منظر چھوڑ گیا

aman o sukoon ghaarat kar ke dar chhod gaya shahar mein koi dasht ka manzar chhod gaya

وراثت کی تقسیم سے پیشتر ذرا چین سے مجھ کو مرنے تو دو

wirasat ki taqseem se peshtar zara chain se mujh ko marne to do

ہنس رہا تھا دیکھ کر جو کل مرا گھر بے چراغ کر گئی اس کامکاں بھی باد صر صر بے چراغ

hans raha tha dekh kar jo kal mera ghar be-chiragh kar gai us ka makan bhi baad-e-sarsar be-chiragh

کوئی فرہاد بھی ہے ہجوم کوہ کن میں

koi Farhad bhi hai hujoom-e-koh-kan mein

خدارا ڈھونڈئے مت تفاوت مرد و زن میں

khudara dhoondiye mat tafawut mard o zan mein

خدا جانے وہ کیسے جی رہا ہے بنا آنکھیں، بنا چہرہ ، بنا سر

khuda jane wo kaise ji raha hai bina aankhein, bina chehra, bina sar

لگانا قہقہے، چلنا اکڑ کے تکبر کی نشانی ہے سرا سر

lagana qahqahe, chalna akad ke takabbur ki nishani hai sarasar

عجب ہے رہگزارِ زندگی بھی بچائے پاؤں تو زخمی ہوا سر

ajab hai rahguzar-e-zindagi bhi bachaye paon to zakhmi hua sar

بے حسی کام کر گئی اپنا اس سے پہلے کہ جاگتا احساس

be-hisi kaam kar gai apna is se pehle ke jagta ehsas

اصل کے بھاؤ میں بک جاتی ہے نقلی شئے بھی نام رکھ لے کسی فنکار سے ملتا جلتا

asl ke bhao mein bik jati hai naqli shai bhi nam rakh le kisi fankar se milta julta

نغمۂ امن ہر جگہ ناحق ہر جگہ سازِ اشتعال غلط

naghma-e-aman har jagah na-haq har jagah saz-e-ishteal ghalat

مجھ کو حاضر جواب پاتے ہی لوگ کرنے لگے سوال غلط

mujh ko hazir-jawab pate hi log karne lage sawal ghalat

جھوٹ کو لوگ سچ سمجھنے لگے کیسا جادو تری زبان میں تھا

jhoot ko log sach samajhne lage kaisa jadu teri zaban mein tha

آج وہ شیر مال میں بھی نہیں ذائقہ کل جو خشک نان میں تھا

aaj wo sheermal mein bhi nahin zaiqa kal jo khushk nan mein tha

سب اک اپنا اپنا طور سب کی اپنی اپنی سوچ

sab ik apna apna taur sab ki apni apni soch

قلم میں ان کے جادو ہے بلا کا جو جی چاہے ہمیں افسر بنائیں

qalam mein un ke jadu hai bala ka jo ji chahe hamein afsar banaen

کھپت بازار میں جس کی نہیں ہے ہم ایسا مال ہی کیو نکر بنائیں

khapat bazar mein jis ki nahin hai ham aisa maal hi kyunkar banaen

ایسے بھی لوگ تھے جو بڑے طمطراق سے جینے کا اہتمام کئے اور مر گئے

aise bhi log the jo bade tamtaraq se jeene ka ehtimam kiye aur mar gaye

عہد پیری میں بھی نہیں جاتی خصلتِ آدمی نہیں جاتی

ahd-e-peeri mein bhi nahin jati khaslat-e-aadmi nahin jati

جو ہیں خود بے کسی کے نرغے میں ان سے فریاد کی نہیں جاتی

jo hain khud be-kasi ke narghe mein un se faryad ki nahin jati

ہے ازل سے مسابقت پھر بھی غم سے آگے خوشی نہیں جاتی

hai azal se musabaqat phir bhi gham se aage khushi nahin jati

اپنی اوقات بھولنے والے چند لمحوں کی داستاں ہے تو

apni auqat bhoolne wale chand lamhon ki dastan hai tu

بہت کم لوگ مجھ سے مطمئن ہیں خلش ہوں، مفلسی ہوں، بے کسی ہوں

bahut kam log mujh se mutmain hain khalish hoon, muflisi hoon, be-kasi hoon

حسد، کینہ، کپٹ رکھتا ہوں دل میں نئے یگ کا مکمل آدمی ہوں

hasad, keena, kapat rakhta hoon dil mein naye yug ka mukammal aadmi hoon

رحم دلی کے درس بھی دو شاخ سے کلیاں توڑو بھی

reham-dili ke dars bhi do shakh se kaliyan todo bhi

سنا ہے آندھیوں کی بے بسی پر شجر کا پتہ پتہ رو رہا تھا

suna hai aandhiyon ki be-basi par shajar ka patta patta ro raha tha

بیاباں تو بیاباں ہے چمن اچھا نہیں لگتا میں کس منہ سے کہوں ، حالِ و طن اچھا نہیں لگتا

bayaban to bayaban hai chaman achchha nahin lagta main kis munh se kahoon, hal-e-watan achchha nahin lagta

بدل کر بھیس انسانوں کا آبیٹھے ہیں بستی میں سنا ہے اب درندوں کو بھی بن اچھا نہیں لگتا

badal kar bhes insanon ka aa baithe hain basti mein suna hai ab darindon ko bhi ban achchha nahin lagta

یہ مانا تم بہت غمگین ہو رنجور ہو لیکن خوشی کی بزم میں ذکر محن اچھا نہیں لگتا

yeh mana tum bahut ghamgeen ho ranjoor ho lekin khushi ki bazm mein zikr-e-mihan achchha nahin lagta

سب ہیں اپنی انا کے قبضے میں اختلافات کون سلجھائے

sab hain apni ana ke qabze mein ikhtilafat kaun suljhaye

ہر حسیں چیز کی تمنا ہے نا سمجھ کون تجھ کو سمجھائے

har haseen cheez ki tamanna hai na-samajh kaun tujh ko samjhaye

ایک دن تو ضرور آئے گا دامنِ احتیاج پھیلائے

ek din to zaroor aayega daman-e-ehtiyaj phailaye

زندگی کو فروغ ملتا ہے پاؤں ماں باپ کے دبانے سے

zindagi ko farogh milta hai paon man baap ke dabane se

اچھی باتیں کشید کرتے ہیں کچھ حقیقت سے کچھ فسانے سے

achchhi baatein kasheed karte hain kuchh haqeeqat se kuchh fasane se

لوگ شک کی نظر سے دیکھتے ہیں وقت بے وقت آنے جانے سے

log shak ki nazar se dekhte hain waqt be-waqt aane jane se

اہل دانش سنگ گئے ہوں گے راستے سے بھٹک گئے ہوں گے

ahl-e-danish sanak gaye honge raste se bhatak gaye honge

خود غرض لوگ مطلبی دنیا اے خدا دیکھ لی تری دنیا

khud-gharaz log matlabi duniya ai khuda dekh li teri duniya

اس نے ویسی سمجھ لیا اسکو جس کو جس روپ میں ملی دنیا

us ne waisi samajh liya us ko jis ko jis roop mein mili duniya

مجھ سے خوں مستعار لیتی ہے میری مقروض ہے تری دنیا

mujh se khoon mustaar leti hai meri maqrooz hai teri duniya

کب کسی کی گرفت میں آئے روشنی، خواب، زندگی، دنیا

kab kisi ki girift mein aaye roshni, khwab, zindagi, duniya

نت نئے زاویے بدلتی ہے ایک محور پہ کب رکی دنیا

nit naye zawiye badalti hai ek mehwar pe kab ruki duniya

بوڑھی آنکھوں میں کچھ شکستہ خواب ہے یہی اک غریب کی دنیا

boodhi aankhon mein kuchh shikasta khwab hai yahi ik ghareeb ki duniya

گھر جلانے کے لئے تہذیب کا شمعِ خانہ محفلوں تک آگئی

ghar jalane ke liye tehzeeb ka shama-e-khana mehfilon tak aa gai

ایک دوجے کا حال پوچھتے ہیں ورنہ رکھا ہے چائے پان میں کیا

ek duje ka hal poochhte hain warna rakha hai chai pan mein kya

سرد جھونکوں سے لرزاں ہیں جن کے بدن اہمیت جانتے ہیں وہی دھوپ کی

sard jhonkon se larzan hain jin ke badan ahmiyat jante hain wohi dhoop ki

شرافت سر جھکائے رو رہی ہے خدا وندا یہ کیسی بے کسی ہے

sharafat sar jhukaye ro rahi hai khudawanda yeh kaisi be-kasi hai

میں اپنے آپ سے نا آشنا ہوں مگر دنیا مجھے پہچانتی ہے

main apne aap se na-aashna hoon magar duniya mujhe pehchanti hai

معتبر دعویٰ نہیں ہوتا دلائل کے بغیر کون مانے گا کہ سورج ضو فشاں پانی میں ہے

motabar dawa nahin hota dalail ke baghair kaun manega ke suraj zau-fishan pani mein hai

شہر سارا دیکھتے ہی دیکھتے جلنے لگا جب اڑی افواہ کوئی نیم جاں پانی میں ہے

shahar sara dekhte hi dekhte jalne laga jab udi afwah koi neem-jaan pani mein hai

اصل موضوع سے وہ بھٹکنے لگا اس کو آتا نہیں مختصر بولنا

asl mauzu se wo bhatakne laga us ko aata nahin mukhtasar bolna

ہے مقدس وہی جگہ کہ جہاں فرق زیر و زبر تمام ہوا

hai muqaddas wohi jagah ke jahan farq-e-zer o zabar tamam hua

وقت کے ساتھ اچھے اچھوں کا جلوۂ کرّوفر تمام ہوا

waqt ke sath achchhe achchhon ka jalwa-e-karr o farr tamam hua

ہے بلندی کی تاک میں پستی جو چڑھا عرش پر تمام ہوا

hai bulandi ki tak mein pasti jo chadha arsh par tamam hua

غلاموں کی خوشامد، توبہ توبہ تمھیں کیا بندہ پرور ہو گیا ہے

ghulamon ki khushamad, tauba tauba tumhein kya banda-parwar ho gaya hai

ریاضؔ اہل سیاست کی بدولت لہو آشام منظر ہو گیا ہے

Riyaz ahl-e-siyasat ki badaulat lahu-aasham manzar ho gaya hai

مسائل کے دن رات ریلے رہیں گے اگر زندگی ہے جھمیلے رہیں گے

masail ke din raat rele rahenge agar zindagi hai jhamele rahenge

حقیقت یہی ہے کہ بابِ لحد تک ترے ساتھ دنیا کے میلے رہیں گے

haqeeqat yahi hai ke bab-e-lahad tak tere sath duniya ke mele rahenge

بڑھ گیا ہے زندگی کا اعتبار پی رہے ہو آجکل زہراب کیا

badh gaya hai zindagi ka etibar pi rahe ho aajkal zahrab kya

مت پلا ساقی فقط اتنا بتا میکدے میں ہے شرابِ ناب کیا

mat pila saqi faqat itna bata maikade mein hai sharab-e-nab kya

کثرت سے پینے والوں سے تھوڑی بچاکے دے ساقی! شراب کم ہے تو پانی ملاکے دے

kasrat se peene walon se thodi bacha ke de saqi! sharab kam hai to pani mila ke de

پودے سے پھول پھل کی توقع غلط ہے کیا ہر باپ چاہتا ہے کہ بیٹا کما کے دے

paude se phool phal ki tawaqqo ghalat hai kya har baap chahta hai ke beta kama ke de

یہ التجا نہیں ہے قلندر کا حکم ہے پھینکا ہے جو زمین پہ سکّہ اٹھاکے دے

yeh iltija nahin hai qalandar ka hukm hai phenka hai jo zameen pe sikka utha ke de

آبرو اہل چمن کی ہے بڑی مشکل میں کوئی سنتا ہی نہیں لاکھ بتاتی ہے ہوا

aabroo ahl-e-chaman ki hai badi mushkil mein koi sunta hi nahin lakh batati hai hawa

یہ کسی سے کوئی تفریق کہاں کرتی ہے تازگی ہر کس ونا کس پہ لٹاتی ہے ہوا

yeh kisi se koi tafreeq kahan karti hai tazgi har kas o nakas pe lutati hai hawa

انکساری ہے جس حسیں کا نام آجکل تو نظر نہیں آتی

inkisari hai jis haseen ka nam aajkal to nazar nahin aati

عزم و عمل سے دور کھڑا دوراہے پر ہاتھ جسے ملنا ہے ملتا رہتا ہے

azm o amal se door khada dorahe par hath jise milna hai milta rehta hai

اس دورِ فتنہ ساز میں ہو مطمئن صحرا میں بھی شاداب ہو تم کون ہو

is daur-e-fitna-saz mein ho mutmain sahra mein bhi shadab ho tum kaun ho

یہ بد ذوقی ہے انسانی تقدس کے منافی کسی کو دیکھ کر رنجور خود مسرور ہونا

yeh bad-zauqi hai insani taqaddus ke munafi kisi ko dekh kar ranjoor khud masroor hona

کھول کر آرزؤں کے پر آدمی اڑ رہا ہے اِدھر سے اُدھر آدمی

khol kar aarzuon ke par aadmi ud raha hai idhar se udhar aadmi

وہ جو ایمان لائے ہیں ان کے سوا ہے خسارے میں دنیا کا ہر آدمی

wo jo iman laye hain un ke siwa hai khasare mein duniya ka har aadmi

کب میسر تھیں آسائشیں اس قدر کب پریشان تھا اس قدر آدمی

kab muyassar theen aasaishein is qadar kab pareshan tha is qadar aadmi

ذوقِ آوارگی اس کی فطرت میں ہے اتفاقاً نہیں در بہ در آدمی

zauq-e-aawargi us ki fitrat mein hai ittefaqan nahin dar-ba-dar aadmi

مدرسے اس سے پہلے تو اتنے نہ تھے اتنا جاہل نہیں تھا مگر آدمی

madrase is se pehle to itne na the itna jahil nahin tha magar aadmi

لیکے آیا قیامتیں کیا کیا وہ بھی اکیسویں صدی کی طرح

le ke aaya qayamatein kya kya wo bhi ikeesween sadi ki tarah

صنم صنم کو، خدا کو خدا سمجھتے ہیں جو اہل فہم ہیں اچھا برا سمجھتے ہیں

sanam sanam ko, khuda ko khuda samajhte hain jo ahl-e-fahm hain achchha bura samajhte hain

توکیوں نہ ان کی فراست پہ شک کیا جائے اگر یہ لوگ دھوئیں کو گھٹا سمجھتے ہیں

to kyon na un ki firasat pe shak kiya jaye agar yeh log dhuen ko ghata samajhte hain

زندگی درہم و دینار پہ رکھ دیتے ہیں پھول سے جسم کو کیوں خار پہ رکھ دیتے ہیں

zindagi dirham o dinar pe rakh dete hain phool se jism ko kyon khar pe rakh dete hain

میرے ہمسائے مرا رکھتے ہیں کس درجہ خیال اپنی چھت بھی مری دیوار پہ رکھ دیتے ہیں

mere hamsaye mera rakhte hain kis darja khayal apni chhat bhi meri deewar pe rakh dete hain

پیش گوئی پہ بہت تجھ کو بھروسہ ہے تو چل فیصلہ صبح کے اخبار پہ رکھ دیتے ہیں

pesh-goi pe bahut tujh ko bharosa hai to chal faisla subh ke akhbar pe rakh dete hain

ریاضؔ مشرق و مغرب کا ایک ہو جانا بہت کٹھن ہے مگر ہوگیا تو کیا ہوگا

Riyaz mashriq o maghrib ka ek ho jana bahut kathin hai magar ho gaya to kya hoga

کمتر نہ جان سوچ سمجھ کر خرید لے مہنگے بکیں گے کل یہی پتھر خرید لے

kamtar na jaan soch samajh kar khareed le mehnge bikenge kal yahi pathar khareed le

جس کی برہنگی کے ہیں چرچے گلی گلی وہ مجھ سے کہ رہا ہے کہ چادر خرید لے

jis ki barahnagi ke hain charche gali gali wo mujh se keh raha hai ke chadar khareed le

یہ شہر ارتقا ہے، یہاں دوپہر میں بھی ہیں دستیاب شام کے منظر خرید لے

yeh shahar irtiqa hai, yahan dopahar mein bhi hain dastyab sham ke manzar khareed le

مٹ جائے تشنگی یہ ضروری نہیں ریاضؔ چاہے خرید نے کو سمندر خرید لے

mit jaye tishnagi yeh zaroori nahin Riyaz chahe khareedne ko samundar khareed le

جذبۂ مہر و مروّت اب کہاں ہے فقط پھولوں میں خوشبو نام کی

jazba-e-mehr o murawwat ab kahan hai faqat phoolon mein khushbu nam ki

لکشمن ریکھا اگر مٹتی رہی مشکلیں بڑھتی رہیں گی رام کی

Lakshman-rekha agar mitti rahi mushkilein badhti rahengi Ram ki

شکایت کچھ نہ کچھ ہے سب کو سب سے تماشہ میں یہ گھر گھر دیکھتا ہوں

shikayat kuchh na kuchh hai sab ko sab se tamasha main yeh ghar ghar dekhta hoon

حصارِ خود فریبی سے نکلنا بھی نہیں آتا اسے اڑنے کی ضد ہے جسکو چلنا بھی نہیں آتا

hisar-e-khud-farebi se nikalna bhi nahin aata use udne ki zid hai jis ko chalna bhi nahin aata

تجھے بھی اپنی فیاضی کا ہر دم پاس رہتا ہے ترے سائل کو خالی ہاتھ ٹلنا بھی نہیں آتا

tujhe bhi apni fayyazi ka har dam pas rehta hai tere sail ko khali hath talna bhi nahin aata

سمجھ لو یہ تمہاری بے حسی کی آخری حد ہے اگر تم کو کف افسوس ملنا بھی نہیں آتا

samajh lo yeh tumhari be-hisi ki aakhiri had hai agar tum ko kaf-e-afsos malna bhi nahin aata

اسے بتائیے کچھ فرق آگ پانی کا وہ جانتا ہی نہیں کیا بدی ہے ، کیا نیکی

use bataiye kuchh farq aag pani ka wo janta hi nahin kya badi hai, kya neki

پیش قدمی کی توقع اس سے مت رکھیو ریاضؔ ابتدا ہی سے ڈرایا ہے جسے انجام نے

pesh-qadmi ki tawaqqo us se mat rakhiyo Riyaz ibtida hi se daraya hai jise anjam ne

برانہ مان ، یہی وقت کا تقاضا ہے چراغ ایسی جگہ رکھ جہاں ہوا نہ لگے

bura na man, yahi waqt ka taqaza hai chiragh aisi jagah rakh jahan hawa na lage

مخالفت کی نہیں وجہ اور کچھ بیٹا میں چاہتا ہوں تجھے شہر کی ہوا نہ لگے

mukhalifat ki nahin wajh aur kuchh beta main chahta hoon tujhe shahar ki hawa na lage

ایسی آئی وبا کہ بستی میں سب مناجات پر اتر آئے

aisi aai waba ke basti mein sab munajat par utar aaye

بوڑھوں کی بے جا باتیں سنتے سنتے بچوں نے بھی زہر اگلنا سیکھ لیا

boodhon ki be-ja baatein sunte sunte bachchon ne bhi zehr ugalna seekh liya

ہم ابھی تک ہیں تذبذب کے شکار آسماں پر اڑنے والے اڑ گئے

ham abhi tak hain tazabzab ke shikar aasman par udne wale ud gaye

چل نہیں سکتے تھے جو گھٹنوں کے بل لوگ حیراں ہے وہ کیسے اڑ گئے

chal nahin sakte the jo ghutnon ke bal log hairan hai wo kaise ud gaye

ہم نے وہ پنچھی بھی دیکھے ہیں ریاضؔ لیکے اپنے ساتھ پنجرے اڑ گئے

ham ne wo panchhi bhi dekhe hain Riyaz le ke apne sath pinjre ud gaye

غریب لوگ بڑی تمکنت سے جیتے ہیں یقیں نہ ہو تو مرے ساتھ چل کے دیکھ ذرا

ghareeb log badi tamkanat se jeete hain yaqeen na ho to mere sath chal ke dekh zara

یوں لگے تحریر اخبارات کی جیسے ڈوبے ہوں قلم تیزاب میں

yoon lage tehreer akhbarat ki jaise doobe hon qalam tezab mein

ان گنت روپ بدلتے ہوئے چہرے کتنے ہم نے دیکھے ہیں پگھلتے ہوئے چہرے کتنے

an-ginat roop badalte hue chehre kitne ham ne dekhe hain pighalte hue chehre kitne

غور سے دیکھیں تو لگتے ہیں تپ دق کے مریض گوشۂ عیش میں پلتے ہوئے چہرے کتنے

ghaur se dekhein to lagte hain tap-e-diq ke mareez gosha-e-aish mein palte hue chehre kitne

وہ جو رہتے ہیں ہمیشہ زندگی کی کھوج میں دیکھ لینا ایک دن بے موت مارے جائیں گے

wo jo rehte hain hamesha zindagi ki khoj mein dekh lena ek din be-maut mare jayenge

وہاں علم و فن کا سوال کیا جہاں اہتمامِ ادب نہیں

wahan ilm o fan ka sawal kya jahan ehtimam-e-adab nahin

جہاں تہذیب نے آواز دی ہے لٹا کر سارا سرمایہ گیا ہوں

jahan tehzeeb ne aawaz di hai luta kar sara sarmaya gaya hoon

بہت پہلے سے مجھ کو جانتے ہیں میں جن سے آج ملوایا گیا ہوں

bahut pehle se mujh ko jante hain main jin se aaj milwaya gaya hoon

کیا اٹھے گا پھر کوئی فتنہ نیا کیوں سجائے جا رہے ہیں راستے

kya uthega phir koi fitna naya kyon sajaye ja rahe hain raste

تعلقات کا پنچھی اسیر دام بھی ہے ہے اختلاف بھی قائم دعا سلام بھی ہے

talluqat ka panchhi aseer-e-dam bhi hai hai ikhtilaf bhi qaim dua salam bhi hai

تمھیں کہو کہ جہاں قہقہوں کی بارش ہو ہم آنسوؤں کی زباں سے کسی سے کیا کہتے

tumhein kaho ke jahan qahqahon ki barish ho ham aansuon ki zaban se kisi se kya kehte

ضرورت سامنے رکھ کر تعلق آزمانا ہے

zaroorat samne rakh kar talluq aazmana hai

یہاں مزدور ہیں ہم سب یہ دنیا کار خانہ ہے

yahan mazdoor hain ham sab yeh duniya kar-khana hai

خود سوزی کر بیٹھی مفلس کی بیٹی بدنیت زردار ابھی تک زندہ ہے

khud-sozi kar baithi muflis ki beti bad-niyat zardar abhi tak zinda hai

اس حقیقت کے معترف ہوں گے میرے ہمراہ آپ بھی اک دن

is haqeeqat ke motarif honge mere hamrah aap bhi ik din

گفتگو میز تک نہیں پہونچی اور پھر جنگ چھڑ گئی اک دن

guftagu mez tak nahin pahunchi aur phir jang chhid gai ik din

ہوئے تبدیل کچھ حالات میرے مشینیں کھا چکیں جب ہات میرے

hue tabdeel kuchh halat mere masheenein kha chukin jab hath mere

منظر سے پرے جشن مناتا ہے کوئی اور پلکوں کے تلے اشک چھپاتا ہے کوئی اور

manzar se pare jashn manata hai koi aur palkon ke tale ashk chhupata hai koi aur

اس خام خیالی کو جگہ دل میں نہ دیجو دیتا ہے کوئی اور دلاتا ہے کوئی اور

is kham-khayali ko jagah dil mein na deejo deta hai koi aur dilata hai koi aur

ہے اس کے منہ میں زباں اسی کی یہ سچ ہے لیکن وہ کس کے لہجے میں بولتاہے مجھے پتہ ہے

hai us ke munh mein zaban usi ki yeh sach hai lekin wo kis ke lahje mein bolta hai mujhe pata hai

کچھ لوگوں کو دکھ دے کر سکھ ملتا ہے تیز ہوائیں چھپر ڈھونڈتی رہتی ہیں

kuchh logon ko dukh de kar sukh milta hai tez hawaein chhappar dhoondti rehti hain

شاعر سے گانے کی توقع رکھتے ہیں لوگوں کی فرمائش سے ڈر لگتا ہے

shayar se gane ki tawaqqo rakhte hain logon ki farmaish se dar lagta hai

دنیا جھلس رہی ہے تعصب کی آنچ سے بن جا ریاضؔ سرد ہوا لو سمیٹ لے

duniya jhulas rahi hai taassub ki aanch se ban ja Riyaz sard hawa lau sameit le

پڑھاتا ہے سبق بچہ ہمارا کہ ہم سے بڑھ گیا سایہ ہمارا

padhata hai sabaq bachcha hamara ke ham se badh gaya saya hamara

ذرّوں کو یہ ضد ہے ان کو سونا بولا جائے لوگوں کو جھوٹی تعریفیں اچھی لگتی ہیں

zarron ko yeh zid hai un ko sona bola jaye logon ko jhoothi tareefein achchhi lagti hain

رشک ہماری قسمت پر اوروں کو آتا ہے ہم کو غیروں کی تقدیریں اچھی لگتی ہیں

rashk hamari qismat par auron ko aata hai ham ko ghairon ki taqdeerein achchhi lagti hain