اندھیروں سے نمٹنا جانتی ہوںAndheron se nipatna janti hoon

اندھیروں سے نمٹنا جانتی ہوں مجھے مت روکئے میں روشنی ہوں

andheron se nipatna janti hoon mujhe mat rokiye main roshni hoon

مرے دم سے ہی تیرے دم میں دم ہے مری تعظیم کر، میں زندگی ہوں

mere dam se hi tere dam mein dam hai meri taazeem kar, main zindagi hoon

بہت کم لوگ مجھ سے مطمئن ہیں خلش ہوں، مفلسی ہوں، بے کسی ہوں

bahut kam log mujh se mutmain hain khalish hoon, muflisi hoon, be-kasi hoon

بہت مربوط ہے رشتہ ہمارا تو نغمہ ہے میں تیری نغمگی ہوں

bahut marboot hai rishta hamara tu naghma hai main teri naghmagi hoon

گلوں کی تازگی ہے میرے ذمّہ بظاہر میں ردائے شبنمی ہوں

gulon ki tazgi hai mere zimma bazahir main rida-e-shabnami hoon

حسد، کینہ، کپٹ رکھتا ہوں دل میں نئے یگ کا مکمل آدمی ہوں

hasad, keena, kapat rakhta hoon dil mein naye yug ka mukammal aadmi hoon

جو اپنا مدعا تک کہہ نہ پایا ریاضؔ الدین میں وہ مدعی ہوں

jo apna mudda tak keh na paya Riyazuddin main wo muddai hoon