منظر سے پرے جشن مناتا ہے کوئی اورManzar se pare jashn manata hai koi aur

منظر سے پرے جشن مناتا ہے کوئی اور پلکوں کے تلے اشک چھپاتا ہے کوئی اور

manzar se pare jashn manata hai koi aur palkon ke tale ashk chhupata hai koi aur

اس خام خیالی کو جگہ دل میں نہ دیجو دیتا ہے کوئی اور دلاتا ہے کوئی اور

is kham-khayali ko jagah dil mein na deejo deta hai koi aur dilata hai koi aur

اس درجہ مخالف مرا چہرہ تو نہیں تھا آئینے میں مجھ کو نظر آتا ہے کوئی اور

is darja mukhalif mera chehra to nahin tha aaine mein mujh ko nazar aata hai koi aur

دیتا ہے در دل پہ کوئی اور صدائیں ادراک کے پردے کو ہلاتا ہے کوئی اور

deta hai dar-e-dil pe koi aur sadayein idrak ke parde ko hilata hai koi aur

تو دیکھ تو پھولوں سے نظر اپنی ہٹا کر آنکھیں تری راہوں میں بچھاتا ہے کوئی اور

tu dekh to phoolon se nazar apni hata kar aankhein teri rahon mein bichhata hai koi aur

حالانکہ وہ میرے لئے بے سود ہے پھر بھی ہر روز مجھے خواب دکھاتا ہے کوئی اور

halanke wo mere liye be-sood hai phir bhi har roz mujhe khwab dikhata hai koi aur