وقت و عمرWaqt o Umr

ستّر سال سے میں تو یہی سنتا آیا ہوں گیانی لوگوں سے ملئے تو گیان ملے گا

sattar saal se main to yahi sunta aaya hoon gyani logon se miliye to gyan milega

اس سے نمٹنے کی کچھ کر تدبیر ریاضؔ وقت جو ذمے داری تجھ پر چھوڑ گیا

is se nipatne ki kuchh kar tadbeer Riyaz waqt jo zimmedari tujh par chhod gaya

وراثت کی تقسیم سے پیشتر ذرا چین سے مجھ کو مرنے تو دو

wirasat ki taqseem se peshtar zara chain se mujh ko marne to do

یہ بڑھاپا اور یہ اولاد کا حسنِ سلوک ان چراغوں سے خدایا ہم تھے بہتر بے چراغ

yeh budhapa aur yeh aulad ka husn-e-sulook in chiraghon se khudaya ham the behtar be-chiragh

ابھی ہے جان تن میں لپیٹو مت کفن میں

abhi hai jaan tan mein lapeto mat kafan mein

چمک کر بجھ گئے ہیں کئی تارے گگن میں

chamak kar bujh gaye hain kai tare gagan mein

عجب ہے رہگزارِ زندگی بھی بچائے پاؤں تو زخمی ہوا سر

ajab hai rahguzar-e-zindagi bhi bachaye paon to zakhmi hua sar

وقت بے رحم حکمراں جیسے اور خاموش التجا احساس

waqt be-rahm hukmaran jaise aur khamosh iltija ehsas

آج وہ شیر مال میں بھی نہیں ذائقہ کل جو خشک نان میں تھا

aaj wo sheermal mein bhi nahin zaiqa kal jo khushk nan mein tha

رشتے غموں سے جوڑ لئے اور مر گئے تا عمر دل کے زخم سئے اور مر گئے

rishte ghamon se jod liye aur mar gaye ta-umr dil ke zakhm siye aur mar gaye

ایسے بھی لوگ تھے جو بڑے طمطراق سے جینے کا اہتمام کئے اور مر گئے

aise bhi log the jo bade tamtaraq se jeene ka ehtimam kiye aur mar gaye

کیسی امید، کیسی طلب، کیسی آرزو ہم نے بجھائے سارے دئے اور مر گئے

kaisi umeed, kaisi talab, kaisi aarzu ham ne bujhaye sare diye aur mar gaye

اوروں کی طرح جی نہیں پائے پسِ گناہ سوخود کو سنگسار کئے اور مر گئے

auron ki tarah ji nahin paye pas-e-gunah so khud ko sangsar kiye aur mar gaye

آخر فریب دے کے رہی اپنی سادگی سانسوں پہ اعتبار کئے اور مر گئے

aakhir fareb de ke rahi apni sadgi sanson pe etibar kiye aur mar gaye

اک عام آدمی کی طرح تم بھی اے ریاضؔ یہ کیا کہ اپنی عمر جئے اور مر گئے

ik aam aadmi ki tarah tum bhi ai Riyaz yeh kya ke apni umr jiye aur mar gaye

عہد پیری میں بھی نہیں جاتی خصلتِ آدمی نہیں جاتی

ahd-e-peeri mein bhi nahin jati khaslat-e-aadmi nahin jati

اپنی اوقات بھولنے والے چند لمحوں کی داستاں ہے تو

apni auqat bhoolne wale chand lamhon ki dastan hai tu

جیون کے ہر اک پل کو دھوؤ اور نچوڑو بھی

jeevan ke har ik pal ko dhoo aur nichodo bhi

ایک دن تو ضرور آئے گا دامنِ احتیاج پھیلائے

ek din to zaroor aayega daman-e-ehtiyaj phailaye

جس کو جدت طراز کہتے تھے وہ بھی لگنے لگے پرانے سے

jis ko jiddat-taraz kehte the wo bhi lagne lage purane se

نت نئے زاویے بدلتی ہے ایک محور پہ کب رکی دنیا

nit naye zawiye badalti hai ek mehwar pe kab ruki duniya

بوڑھی آنکھوں میں کچھ شکستہ خواب ہے یہی اک غریب کی دنیا

boodhi aankhon mein kuchh shikasta khwab hai yahi ik ghareeb ki duniya

کیا شکایت کرے آدمی دھوپ کی شام ہی تک تو ہے زندگی دھوپ کی

kya shikayat kare aadmi dhoop ki sham hi tak to hai zindagi dhoop ki

وقت کے سیلاب نے دیکھا ہے یہ منظر ریاضؔ ایک مدت سے مری کشتی رواں پانی میں ہے

waqt ke sailab ne dekha hai yeh manzar Riyaz ek muddat se meri kashti rawan pani mein hai

نسخۂ جاں فضا تھا جس کا وجود حیف! وہ چارہ گر تمام ہوا

nuskha-e-jaan-faza tha jis ka wujood haif! wo chara-gar tamam hua

وقت کے ساتھ اچھے اچھوں کا جلوۂ کرّوفر تمام ہوا

waqt ke sath achchhe achchhon ka jalwa-e-karr o farr tamam hua

ہے بلندی کی تاک میں پستی جو چڑھا عرش پر تمام ہوا

hai bulandi ki tak mein pasti jo chadha arsh par tamam hua

ختم ہونا تھا ایک دن سو ریاضؔ چند روزہ سفر تمام ہوا

khatm hona tha ek din so Riyaz chand roza safar tamam hua

یہ زندگی کی صداقت بیان کرتے ہیں نقیبِ صبح ہوا یا چراغِ شام ہوا

yeh zindagi ki sadaqat bayan karte hain naqeeb-e-subh hua ya chiragh-e-sham hua

عجیب کیا جو مری بند ہو گئیں آنکھیں تمھیں بتاؤ کہ حاصل کسے دوام ہوا

ajeeb kya jo meri band ho gain aankhein tumhein batao ke hasil kise dawam hua

مسائل کے دن رات ریلے رہیں گے اگر زندگی ہے جھمیلے رہیں گے

masail ke din raat rele rahenge agar zindagi hai jhamele rahenge

حقیقت یہی ہے کہ بابِ لحد تک ترے ساتھ دنیا کے میلے رہیں گے

haqeeqat yahi hai ke bab-e-lahad tak tere sath duniya ke mele rahenge

سبھی اپنے نمبر سے ہوں گے روانہ نہ استاد ہوگا نہ چیلے رہیں گے

sabhi apne number se honge rawana na ustad hoga na chele rahenge

عہدِ فردا کے تو کل پر ریاضؔ پر سکوں ہو گا دل بیتاب کیا

ahd-e-farda ke tawakkul par Riyaz pur-sukoon hoga dil-e-betab kya

پودے سے پھول پھل کی توقع غلط ہے کیا ہر باپ چاہتا ہے کہ بیٹا کما کے دے

paude se phool phal ki tawaqqo ghalat hai kya har baap chahta hai ke beta kama ke de

جیسے حالات ہوں ویسی ہی یہ لگتی ہے ریاضؔ گدگداتی ہے کبھی خوف دلاتی ہے ہوا

jaise halat hon waisi hi yeh lagti hai Riyaz gudgudati hai kabhi khauf dilati hai hawa

وقت کا چکر ہر دم چلتا رہتا ہے موسم کا انداز بدلتا رہتا ہے

waqt ka chakkar har dam chalta rehta hai mausam ka andaz badalta rehta hai

گاہے گرتا، گاہے سنبھلتا رہتا ہے لیکن چلنے والا چلتا رہتا ہے

gahe girta, gahe sambhalta rehta hai lekin chalne wala chalta rehta hai

کب میسر تھیں آسائشیں اس قدر کب پریشان تھا اس قدر آدمی

kab muyassar theen aasaishein is qadar kab pareshan tha is qadar aadmi

لگتا ہے اب عمر کی کشتی اپنے نشاں تک آپہنچی ہے

lagta hai ab umr ki kashti apne nishan tak aa pahunchi hai

وقت میری ہنسی اڑاتا ہے میں ہوں بگڑی ہوئی گھڑی کی طرح

waqt meri hansi udata hai main hoon bigdi hui ghadi ki tarah

لیکے آیا قیامتیں کیا کیا وہ بھی اکیسویں صدی کی طرح

le ke aaya qayamatein kya kya wo bhi ikeesween sadi ki tarah

کمتر نہ جان سوچ سمجھ کر خرید لے مہنگے بکیں گے کل یہی پتھر خرید لے

kamtar na jaan soch samajh kar khareed le mehnge bikenge kal yahi pathar khareed le

یہ واقعہ ہے کہ میں آخری پڑاؤ پہ ہوں مگر گئی نہیں عادت فریب کھانے کی

yeh waqia hai ke main aakhiri padao pe hoon magar gai nahin aadat fareb khane ki

اس پہ موسم کے تغیر کا اثر ہوتا نہیں مجھ کو ایسی شال دی ہے گردشِ ایّام نے

us pe mausam ke taghayyur ka asar hota nahin mujh ko aisi shal di hai gardish-e-ayyam ne

بوڑھوں کی بے جا باتیں سنتے سنتے بچوں نے بھی زہر اگلنا سیکھ لیا

boodhon ki be-ja baatein sunte sunte bachchon ne bhi zehr ugalna seekh liya

زندگی کے دن سہانے اڑ گئے باغ سونا ہے پرندے اڑ گئے

zindagi ke din suhane ud gaye bagh soona hai parinde ud gaye

کیا طنابیں کیا طنابوں کی گرفت یوں چلی آندھی کے خیمے اڑ گئے

kya tanabein kya tanabon ki girift yoon chali aandhi ke khaime ud gaye

وقت طوفان کی مانند گذر جاتا ہے روز قدموں سے مسلتے ہوئے چہرے کتنے

waqt toofan ki manind guzar jata hai roz qadmon se masalte hue chehre kitne

تو سوئچ آن تو کر عہد گزشتہ کی ریاضؔ پھر نظر آئیں گے چلتے ہوئے چہرے کتنے

tu switch on to kar ahd-e-guzishta ki Riyaz phir nazar aayenge chalte hue chehre kitne

وہ جو رہتے ہیں ہمیشہ زندگی کی کھوج میں دیکھ لینا ایک دن بے موت مارے جائیں گے

wo jo rehte hain hamesha zindagi ki khoj mein dekh lena ek din be-maut mare jayenge

کوئی شام شامِ طرب نہیں یہی رنج تھا مگر اب نہیں

koi sham sham-e-tarab nahin yahi ranj tha magar ab nahin

کریدو اب نہ میری خاک یارو بڑی مشکل سے دفنایا گیا ہوں

kuredo ab na meri khak yaro badi mushkil se dafnaya gaya hoon

کل بدل جائیں گے میرے خدو خال آج تو جی بھر کے مجھ کو دیکھ لے

kal badal jayenge mere khad o khal aaj to ji bhar ke mujh ko dekh le

جم گئی کائی در و دیوار پر اپنی غفلت کا نتیجہ دیکھ لے

jam gai kai dar o deewar par apni ghaflat ka nateeja dekh le

شمعِ ہستی بجھنے والی ہے ریاضؔ پھر چراغوں کی نمائش کس لئے

shama-e-hasti bujhne wali hai Riyaz phir chiraghon ki numaish kis liye

یہ بات صبحِ درخشاں کو کون سمجھائے ازل سے اس کے تعاقب میں کوئی شام بھی ہے

yeh baat subh-e-darakhshan ko kaun samjhaye azal se us ke taaqub mein koi sham bhi hai

سامنے ظلم کا انجام نہیں ہے شاید ہوش میں گردش ایام نہیں ہے شاید

samne zulm ka anjam nahin hai shayad hosh mein gardish-e-ayyam nahin hai shayad

ریاضؔ کھائی تھیں قسمیں جو پیار میں ہم نے میں یاد رکھ نہ سکا بھول سا گیا وہ بھی

Riyaz khai theen qasmein jo pyar mein ham ne main yad rakh na saka bhool sa gaya wo bhi

رفتہ رفتہ ختم ہوئے سارے کردار اور کہانی کار ابھی تک زندہ ہے

rafta rafta khatm hue sare kirdar aur kahani-kar abhi tak zinda hai

سرد ہونی ہے بیٹری اک دن بند ہو جائے گی گھڑی اک دن

sard honi hai battery ik din band ho jayegi ghadi ik din

موت آکر گلے لگائے گی سرخ رو ہوگی زندگی اک دن

maut aa kar gale lagayegi surkh-roo hogi zindagi ik din

ایک ایسا بھی وقت آئے گا آشنا ہوں گے اجنبی اک دن

ek aisa bhi waqt aayega aashna honge ajnabi ik din

سارے رشتے الگ تھلگ ہوں گے ٹوٹ جائے گی ہر کڑی اک دن

sare rishte alag-thalag honge toot jayegi har kadi ik din

اس حقیقت کے معترف ہوں گے میرے ہمراہ آپ بھی اک دن

is haqeeqat ke motarif honge mere hamrah aap bhi ik din

ہوئے تبدیل کچھ حالات میرے مشینیں کھا چکیں جب ہات میرے

hue tabdeel kuchh halat mere masheenein kha chukin jab hath mere

اس درجہ مخالف مرا چہرہ تو نہیں تھا آئینے میں مجھ کو نظر آتا ہے کوئی اور

is darja mukhalif mera chehra to nahin tha aaine mein mujh ko nazar aata hai koi aur

میں روز و شب کے بدلتے منظر سے آشنا ہوں عروج کیا ہے زوال کیا ہے مجھے پتہ ہے

main roz o shab ke badalte manzar se aashna hoon urooj kya hai zawal kya hai mujhe pata hai

وقت مسلسل چلنے کی ضد کرتا ہے اور تھکانیں بستر ڈھونڈتی رہتی ہیں

waqt musalsal chalne ki zid karta hai aur thakanein bistar dhoondti rehti hain

حالات سے لڑنے کا ہنر تو نے سکھایا اے گردش ایام تجھے کیوں نہ سرا ہوں

halat se ladne ka hunar tu ne sikhaya ai gardish-e-ayyam tujhe kyon na saraha hoon

خرمنِ ہستی خاک ہی کر ڈالے نہ ریاضؔ آتشِ غم کی سوزش سے ڈر لگتا ہے

khirman-e-hasti khak hi kar dale na Riyaz aatish-e-gham ki sozish se dar lagta hai

سمندر کے تھپیڑے سہتے سہتے کنارے آلگے ہم بہتے بہتے

samundar ke thapede sehte sehte kinare aa lage ham behte behte

تصور کھو چکے ہیں اپنے گھر کا کرائے کے مکاں میں رہتے رہتے

tasawwur kho chuke hain apne ghar ka kiraye ke makan mein rehte rehte

نہ جانے کتنے ٹکڑوں میں بٹے گی عمارت زندگی کی ڈھہتے ڈھہتے

na jane kitne tukdon mein bategi imarat zindagi ki dhahte dhahte

بود و نابود کے سفر میں ریاضؔ چند سانسوں کا فاصلہ نکلا

bood o nabood ke safar mein Riyaz chand sanson ka fasla nikla

رقصاں ہیں دھوپ چھاؤں کی پریاں چہار سو بکھرے ہیں تجربات کے گھنگرو سمیٹ لے

raqsan hain dhoop chhaon ki pariyan chahar-soo bikhre hain tajribat ke ghunghru sameit le

پڑھاتا ہے سبق بچہ ہمارا کہ ہم سے بڑھ گیا سایہ ہمارا

padhata hai sabaq bachcha hamara ke ham se badh gaya saya hamara

مہلتیں ختم ہو گئیں ورنہ اور کچھ تجربے کئے ہوتے

mohlatein khatm ho gain warna aur kuchh tajribe kiye hote