اندھیرا اور روشنیAndhera aur Roshni

خود تو تھا ملبوس سنہرے کپڑوں میں رات کی خاطر کالی چادر چھوڑ گیا

khud to tha malboos sunehre kapdon mein raat ki khatir kali chadar chhod gaya

مظالم اندھیروں کے اپنی جگہ سمندر سے سورج ابھرنے تو دو

mazalim andheron ke apni jagah samundar se suraj ubharne to do

سرِ بام آجائے گا چاند بھی اندھیرا گلی میں پسرنے تو دو

sar-e-bam aa jayega chand bhi andhera gali mein pasarne to do

سیاہ شب کے حصار میں ہوں میں چاند کے انتظار میں ہوں

siyah shab ke hisar mein hoon main chand ke intezar mein hoon

ہنس رہا تھا دیکھ کر جو کل مرا گھر بے چراغ کر گئی اس کامکاں بھی باد صر صر بے چراغ

hans raha tha dekh kar jo kal mera ghar be-chiragh kar gai us ka makan bhi baad-e-sarsar be-chiragh

اس کی نکتہ چینیوں پر خوش ہوں میں یہ سوچ کر روشنی پر تبصرہ کرتے ہیں اکثر بے چراغ

us ki nukta-cheeniyon par khush hoon main yeh soch kar roshni par tabsira karte hain aksar be-chiragh

یہ بڑھاپا اور یہ اولاد کا حسنِ سلوک ان چراغوں سے خدایا ہم تھے بہتر بے چراغ

yeh budhapa aur yeh aulad ka husn-e-sulook in chiraghon se khudaya ham the behtar be-chiragh

کاش تم بھی میری آنکھوں سے کسی دن دیکھتے دھند میں ڈوبا ہوا ساحل سمندر بے چراغ

kash tum bhi meri aankhon se kisi din dekhte dhund mein dooba hua sahil samundar be-chiragh

آپ آئے تو مری دنیا منور ہوگئی میں سمجھتا تھا کہ ہے میرا مقدر بے چراغ

aap aaye to meri duniya munawwar ho gai main samajhta tha ke hai mera muqaddar be-chiragh

چمک کر بجھ گئے ہیں کئی تارے گگن میں

chamak kar bujh gaye hain kai tare gagan mein

کیسی امید، کیسی طلب، کیسی آرزو ہم نے بجھائے سارے دئے اور مر گئے

kaisi umeed, kaisi talab, kaisi aarzu ham ne bujhaye sare diye aur mar gaye

اندھیروں سے نمٹنا جانتی ہوں مجھے مت روکئے میں روشنی ہوں

andheron se nipatna janti hoon mujhe mat rokiye main roshni hoon

تو بصد شوق اٹھا صحن میں دیوار مگر مجھ سے مت چھین مرے بھائی اجالا میرا

tu ba-sad shauq utha sehn mein deewar magar mujh se mat chheen mere bhai ujala mera

رات کے شہزادے رخصت ہوگئے صبح کی ملکہ چھتوں تک آگئی

raat ke shahzade rukhsat ho gaye subh ki malika chhaton tak aa gai

جا لیا ایماں نے آخر کفر کو روشنی تاریکیوں تک آگئی

ja liya iman ne aakhir kufr ko roshni tareekiyon tak aa gai

گھر جلانے کے لئے تہذیب کا شمعِ خانہ محفلوں تک آگئی

ghar jalane ke liye tehzeeb ka shama-e-khana mehfilon tak aa gai

چاند سورج کی دہلیز پر جھک گیا رات کرنے لگی پیروی دھوپ کی

chand suraj ki dahleez par jhuk gaya raat karne lagi pairavi dhoop ki

دئیے غم کے نہ آہوں کے پرندے حویلی ان دنوں سونی پڑی ہے

diye gham ke na aahon ke parinde haweli in dinon sooni padi hai

تم کہو تو کہو میری فطرت نہیں گھپ اندھیرے کو نورِ سحر بولنا

tum kaho to kaho meri fitrat nahin ghup andhere ko noor-e-sahar bolna

آگیا اشتعال پر سورج انتظارِ سحر تمام ہوا

aa gaya ishteal par suraj intezar-e-sahar tamam hua

اندھیرا جب سے خود سر ہو گیا ہے چراغ آپے سے باہر ہو گیاہے

andhera jab se khud-sar ho gaya hai chiragh aape se bahar ho gaya hai

یہ زندگی کی صداقت بیان کرتے ہیں نقیبِ صبح ہوا یا چراغِ شام ہوا

yeh zindagi ki sadaqat bayan karte hain naqeeb-e-subh hua ya chiragh-e-sham hua

ہر دل عزیز بننے کی خاطر مرے عزیز بستی کو روشنی نہ مرا گھر جلا کے دے

har dil azeez banne ki khatir mere azeez basti ko roshni na mera ghar jala ke de

طول شب دردو غم تو آتے ہیں بس نویدِ سحر نہیں آتی

tool-e-shab dard o gham to aate hain bas naweed-e-sahar nahin aati

گھپ اندھیرے میں روشنی کی طرح تم بلا شک ہو زندگی کی طرح

ghup andhere mein roshni ki tarah tum bila-shak ho zindagi ki tarah

یہ شہر ارتقا ہے، یہاں دوپہر میں بھی ہیں دستیاب شام کے منظر خرید لے

yeh shahar irtiqa hai, yahan dopahar mein bhi hain dastyab sham ke manzar khareed le

ریاضؔ اک ننھا سا دیپک جلا کر مزاج باد صرصر دیکھتا ہوں

Riyaz ik nanha sa deepak jala kar mizaj-e-bad-e-sarsar dekhta hoon

تو نہیں آیا تو اس نے اپنی آنکھیں پھوڑ لیں تیرے استقبال کی قیمت چکائی شام نے

tu nahin aaya to us ne apni aankhein phod leen tere istiqbal ki qeemat chukai sham ne

برانہ مان ، یہی وقت کا تقاضا ہے چراغ ایسی جگہ رکھ جہاں ہوا نہ لگے

bura na man, yahi waqt ka taqaza hai chiragh aisi jagah rakh jahan hawa na lage

ایسا کچھ کیجئے ریاضؔ میاں روشنی ہات پر اتر آئے

aisa kuchh kijiye Riyaz miyan roshni hath par utar aaye

شمعِ ہستی بجھنے والی ہے ریاضؔ پھر چراغوں کی نمائش کس لئے

shama-e-hasti bujhne wali hai Riyaz phir chiraghon ki numaish kis liye

یہ بات صبحِ درخشاں کو کون سمجھائے ازل سے اس کے تعاقب میں کوئی شام بھی ہے

yeh baat subh-e-darakhshan ko kaun samjhaye azal se us ke taaqub mein koi sham bhi hai

تمھاری بزم کی نیرنگیوں کے کیا کہنے دئیے کے ساتھ ہواؤں کا اہتمام بھی ہے

tumhari bazm ki nairangiyon ke kya kehne diye ke sath hawaon ka ehtimam bhi hai

اندھیری رات کرے گی اب اپنی من مانی تھا ایک چاند نبردآزما، گیا وہ بھی

andheri raat karegi ab apni man-mani tha ek chand nabard-aazma, gaya wo bhi

منور ہے گزر گاہِ تمنا کوئی جگنو صفت ہے سات میرے

munawwar hai guzar-gah-e-tamanna koi jugnu-sifat hai sath mere

سیاہ شب کیوں چراغ پا ہے مجھے پتہ ہے اے چاند تیرا قصور کیاہے مجھے پتہ ہے

siyah shab kyon chiragh-pa hai mujhe pata hai ai chand tera qusoor kya hai mujhe pata hai

ریاضؔ آؤ چلیں اب گھر کی جانب اندھیرا منتظر ہوگا ہمارا

Riyaz aao chalein ab ghar ki janib andhera muntazir hoga hamara

دل میں تیری روشن یادیں اچھی لگتی ہیں شیشے پر سورج کی کرنیں اچھی لگتی ہیں

dil mein teri roshan yadein achchhi lagti hain sheeshe par suraj ki kirnein achchhi lagti hain

جب آنکھوں میں جل اٹھتے ہیں آشاؤں کے دیپ سونی رات آوارہ سڑکیں اچھی لگتی ہیں

jab aankhon mein jal uthte hain aashaon ke deep sooni raat aawara sadkein achchhi lagti hain