نہ پڑھ حالات کا نوحہ، اٹھا سرNa padh halat ka nauha, utha sar

نہ پڑھ حالات کا نوحہ، اٹھا سر تجھے کرنا ہے خود ہی معر کہ سر

na padh halat ka nauha, utha sar tujhe karna hai khud hi maarka sar

خدا جانے وہ کیسے جی رہا ہے بنا آنکھیں، بنا چہرہ ، بنا سر

khuda jane wo kaise ji raha hai bina aankhein, bina chehra, bina sar

بلا سے ہو رہی ہے سنگباری مرے کاندھوں پہ ہے سنگ آشنا سر

bala se ho rahi hai sangbari mere kandhon pe hai sang-aashna sar

یہ بستی ہے کہ مقتل ہے خدایا یہاں بکھرے ہوئے ہیں جابجا سر

yeh basti hai ke maqtal hai khudaya yahan bikhre hue hain ja-ba-ja sar

لگانا قہقہے، چلنا اکڑ کے تکبر کی نشانی ہے سرا سر

lagana qahqahe, chalna akad ke takabbur ki nishani hai sarasar

عجب ہے رہگزارِ زندگی بھی بچائے پاؤں تو زخمی ہوا سر

ajab hai rahguzar-e-zindagi bhi bachaye paon to zakhmi hua sar

سلامت ہے ریاضؔ ایمان اپنا بلا سے ہو گیا تن سے جدا سر

salamat hai Riyaz iman apna bala se ho gaya tan se juda sar