خدا و ایمانKhuda o Imaan

متصادم ہمیشہ رہتے ہیں وہم کے نیولے یقین کے سانپ

mutasadim hamesha rehte hain wahm ke neole yaqeen ke sanp

سلامت ہے ریاضؔ ایمان اپنا بلا سے ہو گیا تن سے جدا سر

salamat hai Riyaz iman apna bala se ho gaya tan se juda sar

تیری منطق ریاضؔ خوب مگر ہے غلط کام کا مآل غلط

teri mantiq Riyaz khoob magar hai ghalat kam ka maal ghalat

سب سوچوں سے بالا تر تو ہے میری پہلی سوچ

sab sochon se bala-tar tu hai meri pehli soch

لاکھ مخفی سہی ، عیاں ہے تو مجھ کو معلوم ہے کہاں ہے تو

lakh makhfi sahi, ayan hai tu mujh ko maloom hai kahan hai tu

میں سمجھ ہی نہیں سکا اب تک ممتحن ہے کہ امتحاں ہے تو

main samajh hi nahin saka ab tak mumtahin hai ke imtihan hai tu

زندگی کو فروغ ملتا ہے پاؤں ماں باپ کے دبانے سے

zindagi ko farogh milta hai paon man baap ke dabane se

کیا کہا؟ میکدے میں پہلے پہل شیخ جی بے جھجھک گئے ہوں گے

kya kaha? maikade mein pehle pahal Shaikh ji be-jhijhak gaye honge

خود غرض لوگ مطلبی دنیا اے خدا دیکھ لی تری دنیا

khud-gharaz log matlabi duniya ai khuda dekh li teri duniya

جا لیا ایماں نے آخر کفر کو روشنی تاریکیوں تک آگئی

ja liya iman ne aakhir kufr ko roshni tareekiyon tak aa gai

چپ رہوں، عرض مدعا نہ کروں یہ بھی شامل ہے امتحان میں کیا

chup rahoon, arz-e-mudda na karoon yeh bhi shamil hai imtihan mein kya

شرافت سر جھکائے رو رہی ہے خدا وندا یہ کیسی بے کسی ہے

sharafat sar jhukaye ro rahi hai khudawanda yeh kaisi be-kasi hai

کسی کو وقف کر دے اپنی ہستی ریاضؔ! اللہ کی مرضی یہی ہے

kisi ko waqf kar de apni hasti Riyaz! Allah ki marzi yahi hai

اے خدا تیرے کرم تیری عنایت کے طفیل کس قدر محفوظ مٹی کا مکاں پانی میں ہے

ai khuda tere karam teri inayat ke tufail kis qadar mahfooz mitti ka makan pani mein hai

ہے مقدس وہی جگہ کہ جہاں فرق زیر و زبر تمام ہوا

hai muqaddas wohi jagah ke jahan farq-e-zer o zabar tamam hua

یہ التجا نہیں ہے قلندر کا حکم ہے پھینکا ہے جو زمین پہ سکّہ اٹھاکے دے

yeh iltija nahin hai qalandar ka hukm hai phenka hai jo zameen pe sikka utha ke de

رکھتا نہیں میں ان سے تعلق کہ جو ریاضؔ پوجا کرے بتوں کی حوالے خدا کے دے

rakhta nahin main un se talluq ke jo Riyaz pooja kare buton ki hawale khuda ke de

وہ جو ایمان لائے ہیں ان کے سوا ہے خسارے میں دنیا کا ہر آدمی

wo jo iman laye hain un ke siwa hai khasare mein duniya ka har aadmi

تیرا ایمان شیطان کی زد پہ ہے کچھ خبر ہے تجھے بے خبر آدمی

tera iman shaitan ki zad pe hai kuchh khabar hai tujhe be-khabar aadmi

شکر کرو ایماں کی تجلی کوئے بتاں تک آپہنچی ہے

shukr karo iman ki tajalli koo-e-butan tak aa pahunchi hai

اس کو سجدے کریں فرشتے بھی آدمی ہو تو ، آدمی کی طرح

us ko sajde karein farishte bhi aadmi ho to, aadmi ki tarah

صنم صنم کو، خدا کو خدا سمجھتے ہیں جو اہل فہم ہیں اچھا برا سمجھتے ہیں

sanam sanam ko, khuda ko khuda samajhte hain jo ahl-e-fahm hain achchha bura samajhte hain

لکشمن ریکھا اگر مٹتی رہی مشکلیں بڑھتی رہیں گی رام کی

Lakshman-rekha agar mitti rahi mushkilein badhti rahengi Ram ki

شکست کھاتی رہیں سختیاں زمانے کی قدم قدم پہ اعانت مری خدا نے کی

shikast khati rahin sakhtiyan zamane ki qadam qadam pe eanat meri khuda ne ki

اسے بتائیے کچھ فرق آگ پانی کا وہ جانتا ہی نہیں کیا بدی ہے ، کیا نیکی

use bataiye kuchh farq aag pani ka wo janta hi nahin kya badi hai, kya neki

یہ کرشمہ کر دِکھایا بندۂ بے دام نے ہوگیا بے بس وہ میری التجا کے سامنے

yeh karishma kar dikhaya banda-e-be-dam ne ho gaya be-bas wo meri iltija ke samne

میں گناہوں کے بھنور میں ڈوبنے والا ہی تھا آگئی رحمت خدا کی میری باہیں تھامنے

main gunahon ke bhanwar mein doobne wala hi tha aa gai rahmat khuda ki meri baahein thamne

آسمانی عذاب سے پہلے شوق سے کار ابرہا کیجے

aasmani azab se pehle shauq se kar-e-Abraha kijiye

ایسی آئی وبا کہ بستی میں سب مناجات پر اتر آئے

aisi aai waba ke basti mein sab munajat par utar aaye

اصل مقصد بھول بیٹھے ہیں ریاضؔ ایسے الجھے منبر و محراب میں

asl maqsad bhool baithe hain Riyaz aise uljhe mimbar o mehrab mein

مری التجا جو نہ سن سکا کوئی اور ہے مرا رب نہیں

meri iltija jo na sun saka koi aur hai mera rab nahin

خدایا تیری صناعی کے صدقے زمیں روشن منور آسماں ہے

khudaya teri sanai ke sadqe zameen roshan munawwar aasman hai

خدایا میں تری دنیا میں اکثر حسیں چیزوں کو ترسایا گیا ہوں

khudaya main teri duniya mein aksar haseen cheezon ko tarsaya gaya hoon

تھر تھر ائیں گے آسمان و زمیں چیخ اٹھے گی خامشی اک دن

thartharaenge aasman o zameen cheekh uthegi khamshi ik din

اس خام خیالی کو جگہ دل میں نہ دیجو دیتا ہے کوئی اور دلاتا ہے کوئی اور

is kham-khayali ko jagah dil mein na deejo deta hai koi aur dilata hai koi aur

دیتا ہے در دل پہ کوئی اور صدائیں ادراک کے پردے کو ہلاتا ہے کوئی اور

deta hai dar-e-dil pe koi aur sadayein idrak ke parde ko hilata hai koi aur

ریاضؔ اہل سرا سوتے ہیں بے حس مگر اللہ والا جاگتا ہے

Riyaz ahl-e-sara sote hain be-his magar Allah wala jagta hai