امید و حوصلہUmeed o Hausla

مشکل تو ہوتی ہی ہے آغاز سفر میں آگے بڑھوگے تو رستہ آسان ملے گا

mushkil to hoti hi hai aaghaz-e-safar mein aage badhoge to rasta aasan milega

چل گیا میرے عزم کا منتر بھاگ نکلے مخالفین کے سانپ

chal gaya mere azm ka mantar bhag nikle mukhalifeen ke sanp

ہو طبیعت ترنگ میں تو ریاضؔ ناچتے ہیں بغیر بین کے سانپ

ho tabiyat tarang mein to Riyaz nachte hain baghair been ke sanp

اس سے نمٹنے کی کچھ کر تدبیر ریاضؔ وقت جو ذمے داری تجھ پر چھوڑ گیا

is se nipatne ki kuchh kar tadbeer Riyaz waqt jo zimmedari tujh par chhod gaya

مظالم اندھیروں کے اپنی جگہ سمندر سے سورج ابھرنے تو دو

mazalim andheron ke apni jagah samundar se suraj ubharne to do

زمیں خیر مقدم کو تیار ہے اسے آسماں سے اترنے تو دو

zameen khair-maqdam ko taiyar hai use aasman se utarne to do

سرِ بام آجائے گا چاند بھی اندھیرا گلی میں پسرنے تو دو

sar-e-bam aa jayega chand bhi andhera gali mein pasarne to do

کبھی تو آئے گا میرا نمبر ہوں پیچھے، لیکن قطار میں ہوں

kabhi to aayega mera number hoon peechhe, lekin qatar mein hoon

آپ آئے تو مری دنیا منور ہوگئی میں سمجھتا تھا کہ ہے میرا مقدر بے چراغ

aap aaye to meri duniya munawwar ho gai main samajhta tha ke hai mera muqaddar be-chiragh

ابر کا چھوٹا سا اک ٹکڑا تھا وہ لیکن ریاضؔ لکھ گیا مغرور سورج کی جبیں پر بے چراغ

abr ka chhota sa ik tukda tha wo lekin Riyaz likh gaya maghroor suraj ki jabeen par be-chiragh

ابھی ہے جان تن میں لپیٹو مت کفن میں

abhi hai jaan tan mein lapeto mat kafan mein

خزاں بھی چاہتی ہے بہاریں ہوں چمن میں

khizan bhi chahti hai baharein hon chaman mein

نہ پڑھ حالات کا نوحہ، اٹھا سر تجھے کرنا ہے خود ہی معر کہ سر

na padh halat ka nauha, utha sar tujhe karna hai khud hi maarka sar

بلا سے ہو رہی ہے سنگباری مرے کاندھوں پہ ہے سنگ آشنا سر

bala se ho rahi hai sangbari mere kandhon pe hai sang-aashna sar

کاش آئے وہ اپنے وعدے پر کاش ہو میرا احتمال غلط

kash aaye wo apne wade par kash ho mera ehtimal ghalat

کیا عجب اس کا مدفن بھی ہو قید میں جس نے باہر نکلنے کی کوشش نہ کی

kya ajab us ka madfan bhi ho qaid mein jis ne bahar nikalne ki koshish na ki

ہر پل ہر دم منفی سوچ یار بدل لے اپنی سوچ

har pal har dam manfi soch yar badal le apni soch

ذہن کو مثبت رکھ ورنہ لے ڈوبے گی منفی سوچ

zehn ko musbat rakh warna le doobegi manfi soch

راہِ سخن پر دوڑ پڑی آخر میری لنگڑی سوچ

rah-e-sukhan par daud padi aakhir meri langdi soch

بہت آسان ہو جائے گا جینا دلوں کو درد کا خوگر بنائیں

bahut aasan ho jayega jeena dilon ko dard ka khoogar banaen

اندھیروں سے نمٹنا جانتی ہوں مجھے مت روکئے میں روشنی ہوں

andheron se nipatna janti hoon mujhe mat rokiye main roshni hoon

مرے دم سے ہی تیرے دم میں دم ہے مری تعظیم کر، میں زندگی ہوں

mere dam se hi tere dam mein dam hai meri taazeem kar, main zindagi hoon

خود کو ذرا جھنجھوڑو بھی نیند سے رشتہ توڑو بھی

khud ko zara jhanjhodo bhi neend se rishta todo bhi

جیون کے ہر اک پل کو دھوؤ اور نچوڑو بھی

jeevan ke har ik pal ko dhoo aur nichodo bhi

کتنے نشانے باندھو گے تیر کماں سے چھوڑو بھی

kitne nishane bandhoge teer kaman se chhodo bhi

بدن پر تھے ہزاروں زخم پھر بھی پرندہ اپنی طاقت بھر اڑا تھا

badan par the hazaron zakhm phir bhi parinda apni taqat bhar uda tha

تمھیں دیکھا تو اک امید جاگی کہ ریگستان میں سبزہ اگا تھا

tumhein dekha to ik umeed jagi ke registan mein sabza uga tha

سانس لینا جہاں پہ مشکل تھا ہم وہاں زندگی گزار آئے

sans lena jahan pe mushkil tha ham wahan zindagi guzar aaye

بن گیا ہے برے وقتوں میں سنبھالا میرا دشمن جاں نے بہت کام نکالا میرا

ban gaya hai bure waqton mein sambhala mera dushman-e-jaan ne bahut kaam nikala mera

پھول کے ساتھ رہ کے کانٹے بھی کچھ نہ کچھ تو مہک گئے ہوں گے

phool ke sath reh ke kante bhi kuchh na kuchh to mehak gaye honge

ان سے کہئے کہ تازہ دم ہو لیں وہ مسافر جو تھک گئے ہوں گے

un se kahiye ke taza-dam ho len wo musafir jo thak gaye honge

رات کے شہزادے رخصت ہوگئے صبح کی ملکہ چھتوں تک آگئی

raat ke shahzade rukhsat ho gaye subh ki malika chhaton tak aa gai

کیا کرے گی ریاضؔ اب مخالف ہوا بادلوں نے چمک لوٹ لی دھوپ کی

kya karegi Riyaz ab mukhalif hawa badalon ne chamak loot li dhoop ki

ہمیں آتی ہے فطرت سے بغاوت زمیں کروٹ بدلنا جانتی ہے

hamein aati hai fitrat se baghawat zameen karwat badalna janti hai

اے خدا تیرے کرم تیری عنایت کے طفیل کس قدر محفوظ مٹی کا مکاں پانی میں ہے

ai khuda tere karam teri inayat ke tufail kis qadar mahfooz mitti ka makan pani mein hai

وقت کے سیلاب نے دیکھا ہے یہ منظر ریاضؔ ایک مدت سے مری کشتی رواں پانی میں ہے

waqt ke sailab ne dekha hai yeh manzar Riyaz ek muddat se meri kashti rawan pani mein hai

جان پر آگیا ہو اگر بولنا ایسے حالات میں بے خطر بولنا

jaan par aa gaya ho agar bolna aise halat mein be-khatar bolna

تو نے سر گوشیوں میں کہی تھی کبھی پھر وہی بات بارِ دگر بولنا

tu ne sargoshiyon mein kahi thi kabhi phir wohi baat bar-e-digar bolna

آگیا اشتعال پر سورج انتظارِ سحر تمام ہوا

aa gaya ishteal par suraj intezar-e-sahar tamam hua

اندھیرا جب سے خود سر ہو گیا ہے چراغ آپے سے باہر ہو گیاہے

andhera jab se khud-sar ho gaya hai chiragh aape se bahar ho gaya hai

ترا بچھڑنا قیامت سہی مگر اے دوست ترے بغیر بھی جینے کا اہتمام ہوا

tera bichhadna qayamat sahi magar ai dost tere baghair bhi jeene ka ehtimam hua

ڈراتے رہیں گے ہمیں سنگ پارے جو ہم یوں ہی مٹی کے ڈھیلے رہیں گے

darate rahenge hamein sang-pare jo ham yoon hi mitti ke dhele rahenge

پئیں گے اگر تشنگانِ ادب تو خمِ شاعری ہم انڈیلے رہیں گے

piyenge agar tishnagan-e-adab to khum-e-shayari ham undele rahenge

کیوں رہائی کی تمنا چھوڑ دیں ہوگئے ہیں بند سارے باب کیا

kyon rihai ki tamanna chhod den ho gaye hain band sare bab kya

عہدِ فردا کے تو کل پر ریاضؔ پر سکوں ہو گا دل بیتاب کیا

ahd-e-farda ke tawakkul par Riyaz pur-sukoon hoga dil-e-betab kya

گاہے گرتا، گاہے سنبھلتا رہتا ہے لیکن چلنے والا چلتا رہتا ہے

gahe girta, gahe sambhalta rehta hai lekin chalne wala chalta rehta hai

دھوپ، ہوا اور بارش کی نگرانی میں خود رو پودا پھولتا پھلتا رہتا ہے

dhoop, hawa aur barish ki nigrani mein khud-rau paudha phoolta phalta rehta hai

اس دورِ فتنہ ساز میں ہو مطمئن صحرا میں بھی شاداب ہو تم کون ہو

is daur-e-fitna-saz mein ho mutmain sahra mein bhi shadab ho tum kaun ho

نا سے ہاں تک آپہنچی ہے بات یہاں تک آپہنچی ہے

na se han tak aa pahunchi hai baat yahan tak aa pahunchi hai

شکر کرو ایماں کی تجلی کوئے بتاں تک آپہنچی ہے

shukr karo iman ki tajalli koo-e-butan tak aa pahunchi hai

ہمت دیکھو ایک ندی کی کوہ گراں تک آپہنچی ہے

himmat dekho ek nadi ki koh-e-giran tak aa pahunchi hai

مال و دولت تو نہیں پاس ہمارے پھر بھی کچھ نہ کچھ دستِ طلبگار پہ رکھ دیتے ہیں

maal o daulat to nahin pas hamare phir bhi kuchh na kuchh dast-e-talabgar pe rakh dete hain

دلوں سے دور خطر ہو گیا تو کیا ہوگا ہر ایک سینہ سپر ہوگیا تو کیا ہوگا

dilon se door khatar ho gaya to kya hoga har ek seena sipar ho gaya to kya hoga

یہ یاد رکھنا کہ پانسہ پلٹ بھی سکتا ہے ادھر کا درد ادھر ہو گیا تو کیا ہوگا

yeh yad rakhna ke pansa palat bhi sakta hai idhar ka dard udhar ho gaya to kya hoga

ریاضؔ مشرق و مغرب کا ایک ہو جانا بہت کٹھن ہے مگر ہوگیا تو کیا ہوگا

Riyaz mashriq o maghrib ka ek ho jana bahut kathin hai magar ho gaya to kya hoga

نظر آتے نہیں ساحل پہ موتی سمندر میں اتر کر دیکھتا ہوں

nazar aate nahin sahil pe moti samundar mein utar kar dekhta hoon

ریاضؔ اک ننھا سا دیپک جلا کر مزاج باد صرصر دیکھتا ہوں

Riyaz ik nanha sa deepak jala kar mizaj-e-bad-e-sarsar dekhta hoon

شکست کھاتی رہیں سختیاں زمانے کی قدم قدم پہ اعانت مری خدا نے کی

shikast khati rahin sakhtiyan zamane ki qadam qadam pe eanat meri khuda ne ki

کوئی تو دادرسی کو مرے قریب آئے کوئی تو وجہ میسر ہو مسکرانے کی

koi to dad-rasi ko mere qareeb aaye koi to wajh muyassar ho muskurane ki

یہ کرشمہ کر دِکھایا بندۂ بے دام نے ہوگیا بے بس وہ میری التجا کے سامنے

yeh karishma kar dikhaya banda-e-be-dam ne ho gaya be-bas wo meri iltija ke samne

اس پہ موسم کے تغیر کا اثر ہوتا نہیں مجھ کو ایسی شال دی ہے گردشِ ایّام نے

us pe mausam ke taghayyur ka asar hota nahin mujh ko aisi shal di hai gardish-e-ayyam ne

باغباں کی مستقل پابندیوں کے باوجود تتلیوں کا رقص جاری ہے گلوں کے سامنے

baghban ki mustaqil pabandiyon ke bawajood titliyon ka raqs jari hai gulon ke samne

میں گناہوں کے بھنور میں ڈوبنے والا ہی تھا آگئی رحمت خدا کی میری باہیں تھامنے

main gunahon ke bhanwar mein doobne wala hi tha aa gai rahmat khuda ki meri baahein thamne

کینچووں سے کوئی نہیں ڈرتا اپنے جذبوں کو اژدہا کیجے

keenchuon se koi nahin darta apne jazbon ko azhdaha kijiye

زخم خود اعتذار کرنے لگیں درد کچھ اس طرح سہا کیجے

zakhm khud etizar karne lagein dard kuchh is tarah saha kijiye

جستجو ہے اگر سمندر کی ندیوں کی طرح بہا کیجے

justuju hai agar samundar ki nadiyon ki tarah baha kijiye

ایسا کچھ کیجئے ریاضؔ میاں روشنی ہات پر اتر آئے

aisa kuchh kijiye Riyaz miyan roshni hath par utar aaye

رفتہ رفتہ ہر بیساکھی چھوٹ گئی دھیرے دھیرے میں نے چلنا سیکھ لیا

rafta rafta har baisakhi chhoot gai dheere dheere main ne chalna seekh liya

مفلس کے دل میں بھی ہیں ارمان ریاضؔ غنچوں نے، کانٹوں میں پلنا سیکھ لیا

muflis ke dil mein bhi hain arman Riyaz ghunchon ne, kanton mein palna seekh liya

غریب لوگ بڑی تمکنت سے جیتے ہیں یقیں نہ ہو تو مرے ساتھ چل کے دیکھ ذرا

ghareeb log badi tamkanat se jeete hain yaqeen na ho to mere sath chal ke dekh zara

تری شکست میں تیرا قصور کتنا ہے ابھی ہے وقت سنبھل، اور سنبھل کے دیکھ ذرا

teri shikast mein tera qusoor kitna hai abhi hai waqt sambhal, aur sambhal ke dekh zara

دوائے تلخ سہی مشورے عزیزوں کے خلش مٹے گی یقینا نگل کے دیکھ ذرا

dawa-e-talkh sahi mashware azeezon ke khalish mitegi yaqeenan nigal ke dekh zara

دکھائی دیں گے تجھے باکمال لوگ ریاضؔ حصار ذات سے باہر نکل کے دیکھ ذرا

dikhai denge tujhe ba-kamal log Riyaz hisar-e-zat se bahar nikal ke dekh zara

ہو مبارک تم کو ساحل کا سکون مطمئن ہیں ہم بہت گرداب میں

ho mubarak tum ko sahil ka sukoon mutmain hain ham bahut girdab mein

کب تلک ہوں گی صدائیں چشم پوشی کی شکار آپ آئیں یا نہ آئیں ہم پکارے جائیں گے

kab talak hongi sadayein chashm-poshi ki shikar aap aayein ya na aayein ham pukare jayenge

اتنے ذمہ دار ہیں یہ اپنی خدمت کے تئیں آئے گا سورج فلک پر تب ستارے جائیں گے

itne zimmedar hain yeh apni khidmat ke taeen aayega suraj falak par tab sitare jayenge

نہ رہبر ہے ، نہ کوئی کارواں ہے مرے ذوقِ سفر کا امتحاں ہے

na rahbar hai, na koi karwan hai mere zauq-e-safar ka imtihan hai

کبھی تو اہتمامِ امن ہوگا اسی امید میں سارا جہاں ہے

kabhi to ehtimam-e-aman hoga isi umeed mein sara jahan hai

کئی طوفان آئے راستے میں مگر جذبات کی کشتی رواں ہے

kai toofan aaye raste mein magar jazbat ki kashti rawan hai

اک زمیں بوس کو اٹھانے میں میری دستار گرگئی سر سے

ik zameen-bos ko uthane mein meri dastar gir gai sar se

ملے جو آپ تو اس پر یقین کرنا پڑا تسلسلِ غمِ دوراں کا اختتام بھی ہے

mile jo aap to us par yaqeen karna pada tasalsul-e-gham-e-dauran ka ikhtitam bhi hai

کبھی جگمگا دے آکر مرے پیار کا مقدر تری راہ دیکھتے ہیں مری شام کے دھندلکے

kabhi jagmaga de aa kar mere pyar ka muqaddar teri rah dekhte hain meri sham ke dhundhalke

رسم صلیب و دار ابھی تک زندہ ہے پرکھوں کا ایثار ابھی تک زندہ ہے

rasm-e-saleeb o dar abhi tak zinda hai parkhon ka esar abhi tak zinda hai

بوئے وفا سے خالی ہوں گے دل کیوں کر پھولوں میں مہکار ابھی تک زندہ ہے

boo-e-wafa se khali honge dil kyunkar phoolon mein mehkar abhi tak zinda hai

رشتہ ہے محدود مگر یہ کم تو نہیں برسوں کا بیمار ابھی تک زندہ ہے

rishta hai mahdood magar yeh kam to nahin barson ka beemar abhi tak zinda hai

اپنے فن کے بل بوتے پر دیکھ ریاضؔ صدیوں سے فنکار ابھی تک زندہ ہے

apne fan ke bal-boote par dekh Riyaz sadiyon se fankar abhi tak zinda hai

موت آکر گلے لگائے گی سرخ رو ہوگی زندگی اک دن

maut aa kar gale lagayegi surkh-roo hogi zindagi ik din

ایک ایسا بھی وقت آئے گا آشنا ہوں گے اجنبی اک دن

ek aisa bhi waqt aayega aashna honge ajnabi ik din

منور ہے گزر گاہِ تمنا کوئی جگنو صفت ہے سات میرے

munawwar hai guzar-gah-e-tamanna koi jugnu-sifat hai sath mere

ہواؤ! کوشش شب خوں نہ کرنا شجر کا پتا پتا جاگتا ہے

hawao! koshish-e-shab-khoon na karna shajar ka patta patta jagta hai

بپا اک حشر کر دیتا ہے اکثر میاں ، جب سونے والا جاگتا ہے

bapa ik hashr kar deta hai aksar miyan, jab sone wala jagta hai

کوئی کسی کے دباؤ میں کب تلک رہے گا دل احتجاجاً دھڑک رہا ہے مجھے پتہ ہے

koi kisi ke dabao mein kab talak rahega dil ehtijajan dhadak raha hai mujhe pata hai

تری انا کا حصار ٹوٹے گا اک نہ اک دن تو سنگ ہو کر بھی آئنہ ہے مجھے پتہ ہے

teri ana ka hisar tootega ik na ik din tu sang ho kar bhi aaina hai mujhe pata hai

حالات سے لڑنے کا ہنر تو نے سکھایا اے گردش ایام تجھے کیوں نہ سرا ہوں

halat se ladne ka hunar tu ne sikhaya ai gardish-e-ayyam tujhe kyon na saraha hoon

پھولوں میں نظر آنے لگا عکسِ بغاوت غنچوں میں شراروں کی لپک دیکھ رہا ہوں

phoolon mein nazar aane laga aks-e-baghawat ghunchon mein shararon ki lapak dekh raha hoon

وہ مجھ سے الجھنے کی حماقت نہ کرے گا طوفان سمجھتا ہے کہ میں کون ہوں کیا ہوں

wo mujh se uljhne ki hamaqat na karega toofan samajhta hai ke main kaun hoon kya hoon

سمندر کے تھپیڑے سہتے سہتے کنارے آلگے ہم بہتے بہتے

samundar ke thapede sehte sehte kinare aa lage ham behte behte

ٹکی ہے میرے شانوں کے سہارے کوئی دیوار جیسے ڈھہتے ڈھہتے

tiki hai mere shanon ke sahare koi deewar jaise dhahte dhahte

دامن میں انتظار کے آنسو سمیٹ لے آئیں گے تیرے کام یہ جگنو سمیٹ لے

daman mein intezar ke aansu sameit le aayenge tere kam yeh jugnu sameit le

تنگی میں بھی ملیں گی فراخی کی لذتیں اپنی ضرورتوں کو اگر تو سمیٹ لے

tangi mein bhi milengi farakhi ki lazzatein apni zaroorton ko agar tu sameit le

دنیا جھلس رہی ہے تعصب کی آنچ سے بن جا ریاضؔ سرد ہوا لو سمیٹ لے

duniya jhulas rahi hai taassub ki aanch se ban ja Riyaz sard hawa lau sameit le

بغاوت کا بگل بجنے سے پہلے ہمیں دے دیجئے حصہ ہمارا

baghawat ka bigul bajne se pehle hamein de dijiye hissa hamara

تم اگر آسرا دئیے ہوتے اور کچھ روز جی لئے ہوتے

tum agar aasra diye hote aur kuchh roz ji liye hote

جب آنکھوں میں جل اٹھتے ہیں آشاؤں کے دیپ سونی رات آوارہ سڑکیں اچھی لگتی ہیں

jab aankhon mein jal uthte hain aashaon ke deep sooni raat aawara sadkein achchhi lagti hain