زندگی کے دن سہانے اڑ گئےZindagi ke din suhane ud gaye

زندگی کے دن سہانے اڑ گئے باغ سونا ہے پرندے اڑ گئے

zindagi ke din suhane ud gaye bagh soona hai parinde ud gaye

ضرب سچائی کی اتنی سخت تھی میرے خوابوں کے پرخچے اڑ گئے

zarb sachchai ki itni sakht thi mere khwabon ke parkhache ud gaye

ہم ابھی تک ہیں تذبذب کے شکار آسماں پر اڑنے والے اڑ گئے

ham abhi tak hain tazabzab ke shikar aasman par udne wale ud gaye

کیا طنابیں کیا طنابوں کی گرفت یوں چلی آندھی کے خیمے اڑ گئے

kya tanabein kya tanabon ki girift yoon chali aandhi ke khaime ud gaye

چل نہیں سکتے تھے جو گھٹنوں کے بل لوگ حیراں ہے وہ کیسے اڑ گئے

chal nahin sakte the jo ghutnon ke bal log hairan hai wo kaise ud gaye

ہم نے وہ پنچھی بھی دیکھے ہیں ریاضؔ لیکے اپنے ساتھ پنجرے اڑ گئے

ham ne wo panchhi bhi dekhe hain Riyaz le ke apne sath pinjre ud gaye