وہ شیشہ ہے کہ پتھر دیکھتا ہوںWo sheesha hai ke pathar dekhta hoon

وہ شیشہ ہے کہ پتھر دیکھتا ہوں ذرا نزدیک جاکر دیکھتا ہوں

wo sheesha hai ke pathar dekhta hoon zara nazdeek ja kar dekhta hoon

نظر آتے نہیں ساحل پہ موتی سمندر میں اتر کر دیکھتا ہوں

nazar aate nahin sahil pe moti samundar mein utar kar dekhta hoon

مجھے اوروں کی قامت سے غرض کیا قد اپنا، اپنی چادر دیکھتا ہوں

mujhe auron ki qamat se gharaz kya qad apna, apni chadar dekhta hoon

کبھی میں دیکھتا ہوں ان کی جانب کبھی ماہِ منور دیکھتا ہوں

kabhi main dekhta hoon un ki janib kabhi mah-e-munawwar dekhta hoon

شکایت کچھ نہ کچھ ہے سب کو سب سے تماشہ میں یہ گھر گھر دیکھتا ہوں

shikayat kuchh na kuchh hai sab ko sab se tamasha main yeh ghar ghar dekhta hoon

نہیں ہے تاب نظّارہ لہٰذا اسے نظریں جھکا کر دیکھتا ہوں

nahin hai tab-e-nazzara lihaza use nazrein jhuka kar dekhta hoon

ریاضؔ اک ننھا سا دیپک جلا کر مزاج باد صرصر دیکھتا ہوں

Riyaz ik nanha sa deepak jala kar mizaj-e-bad-e-sarsar dekhta hoon