خود کو ذرا جھنجھوڑو بھیKhud ko zara jhanjhodo bhi

خود کو ذرا جھنجھوڑو بھی نیند سے رشتہ توڑو بھی

khud ko zara jhanjhodo bhi neend se rishta todo bhi

رحم دلی کے درس بھی دو شاخ سے کلیاں توڑو بھی

reham-dili ke dars bhi do shakh se kaliyan todo bhi

ہائے تمھارا یہ کہنا میرا پیچھا چھوڑو بھی

haye tumhara yeh kehna mera peechha chhodo bhi

جیون کے ہر اک پل کو دھوؤ اور نچوڑو بھی

jeevan ke har ik pal ko dhoo aur nichodo bhi

لیلیٰ سے بھی ہمدردی مجنوں کا سر پھوڑو بھی

Laila se bhi hamdardi Majnu ka sar phodo bhi

کتنے نشانے باندھو گے تیر کماں سے چھوڑو بھی

kitne nishane bandhoge teer kaman se chhodo bhi

پیار کا دھاگہ تم نے ریاضؔ توڑا ہے تو جوڑو بھی

pyar ka dhaga tum ne Riyaz toda hai to jodo bhi