اندھیرا جب سے خود سر ہوگیا ہےAndhera jab se khud-sar ho gaya hai

اندھیرا جب سے خود سر ہو گیا ہے چراغ آپے سے باہر ہو گیاہے

andhera jab se khud-sar ho gaya hai chiragh aape se bahar ho gaya hai

غلاموں کی خوشامد، توبہ توبہ تمھیں کیا بندہ پرور ہو گیا ہے

ghulamon ki khushamad, tauba tauba tumhein kya banda-parwar ho gaya hai

سمٹ کر ان دنوں میرا تخیل حویلی کا کبوتر ہوگیا ہے

simat kar in dinon mera takhayyul haweli ka kabootar ho gaya hai

سراہا تم نے مجھ کو میں نے تم کو حساب اپنا برابر ہوگیا ہے

saraha tum ne mujh ko main ne tum ko hisab apna barabar ho gaya hai

غرض کیا اس کو بزم دوستاں سے وہ تنہائی کا خوگر ہوگیا ہے

gharaz kya us ko bazm-e-dostan se wo tanhai ka khoogar ho gaya hai

وہی تم ہو جو غم دیتے ہو پیہم وہی دل ہے جو پتھر ہو گیا ہے

wohi tum ho jo gham dete ho paiham wohi dil hai jo pathar ho gaya hai

ریاضؔ اہل سیاست کی بدولت لہو آشام منظر ہو گیا ہے

Riyaz ahl-e-siyasat ki badaulat lahu-aasham manzar ho gaya hai