لاکھ مخفی سہی عیاں ہے توLakh makhfi sahi ayan hai tu

لاکھ مخفی سہی ، عیاں ہے تو مجھ کو معلوم ہے کہاں ہے تو

lakh makhfi sahi, ayan hai tu mujh ko maloom hai kahan hai tu

کوئی کہتا ہے تجھ کو ماہ مبیں کوئی کہتا ہے کہکشاں ہے تو

koi kehta hai tujh ko mah-e-mubeen koi kehta hai kahkashan hai tu

دھوپ میں جل گیا وجود مرا میں سمجھتا تھا سائباں ہے تو

dhoop mein jal gaya wujood mera main samajhta tha saiban hai tu

اپنی اوقات بھولنے والے چند لمحوں کی داستاں ہے تو

apni auqat bhoolne wale chand lamhon ki dastan hai tu

میں سمجھ ہی نہیں سکا اب تک ممتحن ہے کہ امتحاں ہے تو

main samajh hi nahin saka ab tak mumtahin hai ke imtihan hai tu

کون رکھتا ریاضؔ میرا خیال وہ توکہئے مزاج داں ہے تو

kaun rakhta Riyaz mera khayal wo to kahiye mizaj-dan hai tu