خودی و خود شناسیKhudi o Khud-Shanasi

اس سے پہلے کہ جھلس جاتی مری عزتِ نفس لوٹ آیا تری دہلیز پہ جاتے جاتے

is se pehle ke jhulas jati meri izzat-e-nafs laut aaya teri dahleez pe jate jate

کیسے کر پاتے عقیدت کے تقاضے پورے ہاتھ گر ہر کس و ناکس سے ملاتے جاتے

kaise kar pate aqeedat ke taqaze poore hath gar har kas o nakas se milate jate

متصادم ہمیشہ رہتے ہیں وہم کے نیولے یقین کے سانپ

mutasadim hamesha rehte hain wahm ke neole yaqeen ke sanp

مجھے بتایا مصیبتوں نے میں کیا ہوں اور کس شمار میں ہوں

mujhe bataya musibaton ne main kya hoon aur kis shumar mein hoon

نہ پڑھ حالات کا نوحہ، اٹھا سر تجھے کرنا ہے خود ہی معر کہ سر

na padh halat ka nauha, utha sar tujhe karna hai khud hi maarka sar

خدا جانے وہ کیسے جی رہا ہے بنا آنکھیں، بنا چہرہ ، بنا سر

khuda jane wo kaise ji raha hai bina aankhein, bina chehra, bina sar

سلامت ہے ریاضؔ ایمان اپنا بلا سے ہو گیا تن سے جدا سر

salamat hai Riyaz iman apna bala se ho gaya tan se juda sar

جل گئے خواب تو ہوا احساس میرا دشمن تھا خود مرا احساس

jal gaye khwab to hua ehsas mera dushman tha khud mera ehsas

بے حسی کام کر گئی اپنا اس سے پہلے کہ جاگتا احساس

be-hisi kaam kar gai apna is se pehle ke jagta ehsas

منزلوں کا سراغ کیا ملتا بے یقینی سے جا ملا احساس

manzilon ka suragh kya milta be-yaqeeni se ja mila ehsas

الجھنوں کا حصار ٹوٹتے ہی اوڑھ کر جسم سو گیا احساس

uljhanon ka hisar tootte hi odh kar jism so gaya ehsas

ہے خوشی کی خوشی نہ غم کا غم ایسا لگتا ہے مر گیا احساس

hai khushi ki khushi na gham ka gham aisa lagta hai mar gaya ehsas

ظرف اپنوں کا پرکھنا ہے اگرتجھ کو ریاضؔ سچ بتا کیوں نہیں اغیار ملتا جلتا

zarf apnon ka parakhna hai agar tujh ko Riyaz sach bata kyon nahin aghyar milta julta

میں غلط ہوں نہ میری چال غلط ناصحا! ہے ترا خیال غلط

main ghalat hoon na meri chal ghalat nasiha! hai tera khayal ghalat

میں کہ بادل نہیں پرندہ ہوں مجھ پہ مت تھونپئے مثال غلط

main ke badal nahin parinda hoon mujh pe mat thonpiye misal ghalat

تیری منطق ریاضؔ خوب مگر ہے غلط کام کا مآل غلط

teri mantiq Riyaz khoob magar hai ghalat kam ka maal ghalat

مجھ کو آئی نہیں اداکاری جو تھا گھر میں وہی دکان میں تھا

mujh ko aai nahin adakari jo tha ghar mein wohi dukan mein tha

جب تلک راہِ راست پر تھا ریاضؔ غلغلہ تیرا کُل جہان میں تھا

jab talak rah-e-rast par tha Riyaz ghulghula tera kul jahan mein tha

میرے فن کی کسی نے ستائش نہ کی میری غیرت نے پھر بھی گزارش نہ کی

mere fan ki kisi ne sitaish na ki meri ghairat ne phir bhi guzarish na ki

کیا عجب اس کا مدفن بھی ہو قید میں جس نے باہر نکلنے کی کوشش نہ کی

kya ajab us ka madfan bhi ho qaid mein jis ne bahar nikalne ki koshish na ki

کیسے ملتی ہمیں اس کی ہمدردیاں اپنے زخموں کی ہم نے نمائش نہ کی

kaise milti hamein us ki hamdardiyan apne zakhmon ki ham ne numaish na ki

ہو قلق نامرادی کی کیونکر مجھے میں نے امیدِ تکمیلِ خواہش نہ کی

ho qalaq namuradi ki kyunkar mujhe main ne umeed-e-takmeel-e-khwahish na ki

ہر پل ہر دم منفی سوچ یار بدل لے اپنی سوچ

har pal har dam manfi soch yar badal le apni soch

ذہن کو مثبت رکھ ورنہ لے ڈوبے گی منفی سوچ

zehn ko musbat rakh warna le doobegi manfi soch

من سنکوچ مٹے کیسے میں بھی سوچوں تو بھی سوچ

man sankoch mite kaise main bhi sochoon tu bhi soch

اوروں کی طرح جی نہیں پائے پسِ گناہ سوخود کو سنگسار کئے اور مر گئے

auron ki tarah ji nahin paye pas-e-gunah so khud ko sangsar kiye aur mar gaye

پلکوں پہ آنسوؤں کو سجایا نہیں کبھی زہراب لمحہ لمحہ پئے اور مر گئے

palkon pe aansuon ko sajaya nahin kabhi zahrab lamha lamha piye aur mar gaye

آخر فریب دے کے رہی اپنی سادگی سانسوں پہ اعتبار کئے اور مر گئے

aakhir fareb de ke rahi apni sadgi sanson pe etibar kiye aur mar gaye

اک عام آدمی کی طرح تم بھی اے ریاضؔ یہ کیا کہ اپنی عمر جئے اور مر گئے

ik aam aadmi ki tarah tum bhi ai Riyaz yeh kya ke apni umr jiye aur mar gaye

مرے دم سے ہی تیرے دم میں دم ہے مری تعظیم کر، میں زندگی ہوں

mere dam se hi tere dam mein dam hai meri taazeem kar, main zindagi hoon

جو اپنا مدعا تک کہہ نہ پایا ریاضؔ الدین میں وہ مدعی ہوں

jo apna mudda tak keh na paya Riyazuddin main wo muddai hoon

خود کو ذرا جھنجھوڑو بھی نیند سے رشتہ توڑو بھی

khud ko zara jhanjhodo bhi neend se rishta todo bhi

کتنے نشانے باندھو گے تیر کماں سے چھوڑو بھی

kitne nishane bandhoge teer kaman se chhodo bhi

مری دیوانگی کی کیا خطا ہے کچھ بتاؤ تو اگر تم کو مرا دیوانہ پن اچھا نہیں لگتا

meri deewangi ki kya khata hai kuchh batao to agar tum ko mera deewanapan achchha nahin lagta

درد سہنے سے مسکرانے سے کیا ملا جوڑنے گھٹانے سے

dard sehne se muskurane se kya mila jodne ghatane se

وہ مرے خوف سے خاموش کھڑا ہے، یعنی اپنے ہونٹوں پہ لگا رکھا ہے تالا میرا

wo mere khauf se khamosh khada hai, yani apne honton pe laga rakha hai tala mera

خود ستائی سے نہیں کوئی سروکار مجھے میں نہیں کہتا کہ ہے رنگ نرالا میرا

khud-satai se nahin koi sarokar mujhe main nahin kehta ke hai rang nirala mera

زور موجود ہے بیان میں کیا تیر بھی ہے ترے کمان میں کیا

zor maujood hai bayan mein kya teer bhi hai tere kaman mein kya

چپ رہوں، عرض مدعا نہ کروں یہ بھی شامل ہے امتحان میں کیا

chup rahoon, arz-e-mudda na karoon yeh bhi shamil hai imtihan mein kya

وسوسے سر اٹھانے لگتے ہیں کوئی آسیب ہے مکان میں کیا

waswase sar uthane lagte hain koi aaseb hai makan mein kya

میں اپنے آپ سے نا آشنا ہوں مگر دنیا مجھے پہچانتی ہے

main apne aap se na-aashna hoon magar duniya mujhe pehchanti hai

کسی کو وقف کر دے اپنی ہستی ریاضؔ! اللہ کی مرضی یہی ہے

kisi ko waqf kar de apni hasti Riyaz! Allah ki marzi yahi hai

تو نے سر گوشیوں میں کہی تھی کبھی پھر وہی بات بارِ دگر بولنا

tu ne sargoshiyon mein kahi thi kabhi phir wohi baat bar-e-digar bolna

تم کہو تو کہو میری فطرت نہیں گھپ اندھیرے کو نورِ سحر بولنا

tum kaho to kaho meri fitrat nahin ghup andhere ko noor-e-sahar bolna

پیٹھ پیچھے برائی بری بات ہے بولنا جو بھی پیش نظر بولنا

peeth peechhe burai buri baat hai bolna jo bhi pesh-e-nazar bolna

ڈراتے رہیں گے ہمیں سنگ پارے جو ہم یوں ہی مٹی کے ڈھیلے رہیں گے

darate rahenge hamein sang-pare jo ham yoon hi mitti ke dhele rahenge

مت پلا ساقی فقط اتنا بتا میکدے میں ہے شرابِ ناب کیا

mat pila saqi faqat itna bata maikade mein hai sharab-e-nab kya

عزم و عمل سے دور کھڑا دوراہے پر ہاتھ جسے ملنا ہے ملتا رہتا ہے

azm o amal se door khada dorahe par hath jise milna hai milta rehta hai

اگر شائستگی سے سن، تو میں اک بات بولوں مجھے اچھا نہیں لگتا، ترا مغرور ہونا

agar shaistagi se sun, to main ik baat boloon mujhe achchha nahin lagta, tera maghroor hona

تیرا ایمان شیطان کی زد پہ ہے کچھ خبر ہے تجھے بے خبر آدمی

tera iman shaitan ki zad pe hai kuchh khabar hai tujhe be-khabar aadmi

اس کو سجدے کریں فرشتے بھی آدمی ہو تو ، آدمی کی طرح

us ko sajde karein farishte bhi aadmi ho to, aadmi ki tarah

میں ہوں اپنی مثال آپ ریاضؔ میرا لہجہ کہاں کسی کی طرح

main hoon apni misal aap Riyaz mera lahja kahan kisi ki tarah

یہی بہت ہے کہ میرے مخالفین مجھے گناہ گار نہیں ، بے خطا سمجھتے ہیں

yahi bahut hai ke mere mukhalifeen mujhe gunahgar nahin, be-khata samajhte hain

اسی اکھاڑے کے ہیں پہلوان ہم جو ترا ہر ایک داؤ ہر ایک پیترہ سمجھتے ہیں

isi akhade ke hain pehlwan ham jo tera har ek dao har ek paintra samajhte hain

ہم اہل دل بھی ہیں اہل تمیز بھی ہیں ریاضؔ تمھاری چال تمہاری ادا سمجھتے ہیں

ham ahl-e-dil bhi hain ahl-e-tameez bhi hain Riyaz tumhari chal tumhari ada samajhte hain

مال و دولت تو نہیں پاس ہمارے پھر بھی کچھ نہ کچھ دستِ طلبگار پہ رکھ دیتے ہیں

maal o daulat to nahin pas hamare phir bhi kuchh na kuchh dast-e-talabgar pe rakh dete hain

مہربانی کی نظر ڈالنے والے اکثر بارِ احساں دلِ خوددار پہ رکھ دیتے ہیں

mehrbani ki nazar dalne wale aksar bar-e-ehsan dil-e-khuddar pe rakh dete hain

ظالم مرے ضمیر کا مت مول بھاؤ کر ہاں تیرے بس میں ہو تو مرا سر خرید لے

zalim mere zameer ka mat mol-bhao kar han tere bas mein ho to mera sar khareed le

تم نہ سمجھاؤ مجھے معلوم ہے حیثیت کیا ہے شکستہ جام کی

tum na samjhao mujhe maloom hai haisiyat kya hai shikasta jam ki

وہ شیشہ ہے کہ پتھر دیکھتا ہوں ذرا نزدیک جاکر دیکھتا ہوں

wo sheesha hai ke pathar dekhta hoon zara nazdeek ja kar dekhta hoon

نظر آتے نہیں ساحل پہ موتی سمندر میں اتر کر دیکھتا ہوں

nazar aate nahin sahil pe moti samundar mein utar kar dekhta hoon

مجھے اوروں کی قامت سے غرض کیا قد اپنا، اپنی چادر دیکھتا ہوں

mujhe auron ki qamat se gharaz kya qad apna, apni chadar dekhta hoon

حصارِ خود فریبی سے نکلنا بھی نہیں آتا اسے اڑنے کی ضد ہے جسکو چلنا بھی نہیں آتا

hisar-e-khud-farebi se nikalna bhi nahin aata use udne ki zid hai jis ko chalna bhi nahin aata

مجھ کو خوش کرنا ہے تو کچھ اور حربہ آزما میرے دشمن کی برائی کر نہ میرے سامنے

mujh ko khush karna hai to kuchh aur harba aazma mere dushman ki burai kar na mere samne

پیش قدمی کی توقع اس سے مت رکھیو ریاضؔ ابتدا ہی سے ڈرایا ہے جسے انجام نے

pesh-qadmi ki tawaqqo us se mat rakhiyo Riyaz ibtida hi se daraya hai jise anjam ne

ریاضؔ تجھ کو سخنور کہیں تو کیسے کہیں نہ تیرا نام نہ انداز شاعرانہ لگے

Riyaz tujh ko sukhanwar kahein to kaise kahein na tera nam na andaz shairana lage

کینچووں سے کوئی نہیں ڈرتا اپنے جذبوں کو اژدہا کیجے

keenchuon se koi nahin darta apne jazbon ko azhdaha kijiye

سوچنا آدمی کی فطرت ہے کچھ نہ کچھ سوچتے رہا کیجے

sochna aadmi ki fitrat hai kuchh na kuchh sochte raha kijiye

سب کی تعریف ہو جہاں کا اصول ایسی محفل میں چپ رہا کیجے

sab ki tareef ho jahan ka usool aisi mehfil mein chup raha kijiye

تم شکایات پر اتر آئے اپنی اوقات پر اتر آئے

tum shikayaat par utar aaye apni auqat par utar aaye

تم کہاں جاؤگے جو ہم اپنے اختیارات پر اتر آئے

tum kahan jaoge jo ham apne ikhtiyarat par utar aaye

پوچھ خود سے کہ میرے ہاتھ کے زخم کیوں ترے ہات پر اتر آئے

poochh khud se ke mere hath ke zakhm kyon tere hath par utar aaye

فکر کی لو میں دل نے جلنا سیکھ لیا جذبوں نے اشعار میں ڈھلنا سیکھ لیا

fikr ki lau mein dil ne jalna seekh liya jazbon ne ashaar mein dhalna seekh liya

جلنے سے پہلے تک یہ خوش فہمی تھی میں نے انگاروں پر چلنا سیکھ لیا

jalne se pehle tak yeh khush-fahmi thi main ne angaron par chalna seekh liya

رفتہ رفتہ ہر بیساکھی چھوٹ گئی دھیرے دھیرے میں نے چلنا سیکھ لیا

rafta rafta har baisakhi chhoot gai dheere dheere main ne chalna seekh liya

ہم ابھی تک ہیں تذبذب کے شکار آسماں پر اڑنے والے اڑ گئے

ham abhi tak hain tazabzab ke shikar aasman par udne wale ud gaye

ہم نے وہ پنچھی بھی دیکھے ہیں ریاضؔ لیکے اپنے ساتھ پنجرے اڑ گئے

ham ne wo panchhi bhi dekhe hain Riyaz le ke apne sath pinjre ud gaye

شعور و فکر کے سانچے میں ڈھل کے دیکھ ذرا بہت حسین ہیں تیور غزل کے دیکھ ذرا

shuoor o fikr ke sanche mein dhal ke dekh zara bahut haseen hain tewar ghazal ke dekh zara

تری شکست میں تیرا قصور کتنا ہے ابھی ہے وقت سنبھل، اور سنبھل کے دیکھ ذرا

teri shikast mein tera qusoor kitna hai abhi hai waqt sambhal, aur sambhal ke dekh zara

دوائے تلخ سہی مشورے عزیزوں کے خلش مٹے گی یقینا نگل کے دیکھ ذرا

dawa-e-talkh sahi mashware azeezon ke khalish mitegi yaqeenan nigal ke dekh zara

دکھائی دیں گے تجھے باکمال لوگ ریاضؔ حصار ذات سے باہر نکل کے دیکھ ذرا

dikhai denge tujhe ba-kamal log Riyaz hisar-e-zat se bahar nikal ke dekh zara

ہو مبارک تم کو ساحل کا سکون مطمئن ہیں ہم بہت گرداب میں

ho mubarak tum ko sahil ka sukoon mutmain hain ham bahut girdab mein

وہی سرکشی کی مثال ہے جسے اعتبار غضب نہیں

wohi sarkashi ki misal hai jise etibar-e-ghazab nahin

جو شگاف کر دے چٹان میں مری پیاس میں وہ طلب نہیں

jo shigaf kar de chatan mein meri pyas mein wo talab nahin

ہم بھلے بوند بوند کو ترسے بھیک مانگی نہیں سمندر سے

ham bhale boond boond ko tarse bheek mangi nahin samundar se

اک زمیں بوس کو اٹھانے میں میری دستار گرگئی سر سے

ik zameen-bos ko uthane mein meri dastar gir gai sar se

مدتوں خود پہ ظلم کرتا رہا بھائیوں میں نفاق کے ڈر سے

muddaton khud pe zulm karta raha bhaiyon mein nifaq ke dar se

کون دے گا ریاضؔ تیرے سوا آئنے کی مثال پتھر سے

kaun dega Riyaz tere siwa aaine ki misal pathar se

جہاں تہذیب نے آواز دی ہے لٹا کر سارا سرمایہ گیا ہوں

jahan tehzeeb ne aawaz di hai luta kar sara sarmaya gaya hoon

نہیں، میں مشتعل پہلے نہیں تھا لگا کر آگ دہکایا گیا ہوں

nahin, main mushtail pehle nahin tha laga kar aag dahkaya gaya hoon

جم گئی کائی در و دیوار پر اپنی غفلت کا نتیجہ دیکھ لے

jam gai kai dar o deewar par apni ghaflat ka nateeja dekh le

ریاضؔ کیا ترے اوسان کھو گئے ہیں کہیں خلوص ڈھونڈنے والوں میں تیرا نام بھی ہے

Riyaz kya tere ausan kho gaye hain kahin khuloos dhoondne walon mein tera nam bhi hai

ہمیں عزیز تھی ہر حال میں خودی اپنی لگے تھے ہونٹوں پہ تالے کسی سے کیا کہتے

hamein azeez thi har hal mein khudi apni lage the honton pe tale kisi se kya kehte

یہ جہانِ عاشقی ہے یہاں ضبط لازمی ہے کہ خلا میں پاؤںرکھنا مرے دوستو! سنبھل کے

yeh jahan-e-aashiqi hai yahan zabt lazmi hai ke khala mein paon rakhna mere dosto! sambhal ke

اب بھی کرتے ہیں مجھے لوگ شریفوں میں شمار معتبر آپ کا الزام نہیں ہے شاید

ab bhi karte hain mujhe log shareefon mein shumar motabar aap ka ilzam nahin hai shayad

آخرش کر ہی لیا غیر کا احسان قبول تیرے نزدیک یہ دشنام نہیں ہے شاید

aakhirash kar hi liya ghair ka ehsan qubool tere nazdeek yeh dushnam nahin hai shayad

سوال اس نے اچھالا تھا سنگ کی صورت جواب سن کے مرا تلملا گیا وہ بھی

sawal us ne uchhala tha sang ki soorat jawab sun ke mera tilmila gaya wo bhi

ضرور مجھ میں کوئی بات اس کی جیسی تھی اسی لئے تو مرے ساتھ آ گیا وہ بھی

zaroor mujh mein koi baat us ki jaisi thi isi liye to mere sath aa gaya wo bhi

کئی دن سے مرے دل کا رویّہ حاکمانہ ہے

kai din se mere dil ka rawayya hakimana hai

تفکر ہے، مگر لہجہ سراسر عامیانہ ہے

tafakkur hai, magar lahja sarasar aamiyana hai

چبھوتے رہتے ہیں نشتر سے دل میں بڑے ظالم ہیں احساسات میرے

chubhote rehte hain nashtar se dil mein bade zalim hain ehsasat mere

یہ میری ذات پر احسان ہوگا بھلا دے سارے احسانات میرے

yeh meri zat par ehsan hoga bhula de sare ehsanat mere

مجھے تسلیم میں اچھا نہیں ہوں برا کیا ہے اگر تجھ سا نہیں ہوں

mujhe tasleem main achchha nahin hoon bura kya hai agar tujh sa nahin hoon

اشارے پر مر ے سب ناچتے ہیں گو میں اسٹیج کا حصہ نہیں ہوں

ishare par mere sab nachte hain go main stage ka hissa nahin hoon

جو آئے سال بھر میں ایک دن کو تمھارے گاؤں کا میلہ نہیں ہوں

jo aaye sal bhar mein ek din ko tumhare gaon ka mela nahin hoon

شعور و عقل بھی ہے ساتھ میرے میں ایسا ویسا دیوانہ نہیں ہوں

shuoor o aql bhi hai sath mere main aisa waisa deewana nahin hoon

عجب بکھراؤ در آیا ہے مجھ میں مسلّم ہوں مگر یکجا نہیں ہوں

ajab bikhrao dar aaya hai mujh mein musallam hoon magar yakja nahin hoon

بدلتی رہتی ہے جو اپنی ہیئت کسی دیوار کا سایہ نہیں ہوں

badalti rehti hai jo apni haiat kisi deewar ka saya nahin hoon

ریاضؔ الدین شہرت کی طلب میں خدا کا شکر ہے رسوا نہیں ہوں

Riyazuddin shohrat ki talab mein khuda ka shukr hai ruswa nahin hoon

اس درجہ مخالف مرا چہرہ تو نہیں تھا آئینے میں مجھ کو نظر آتا ہے کوئی اور

is darja mukhalif mera chehra to nahin tha aaine mein mujh ko nazar aata hai koi aur

دیتا ہے در دل پہ کوئی اور صدائیں ادراک کے پردے کو ہلاتا ہے کوئی اور

deta hai dar-e-dil pe koi aur sadayein idrak ke parde ko hilata hai koi aur

سیاہ شب کیوں چراغ پا ہے مجھے پتہ ہے اے چاند تیرا قصور کیاہے مجھے پتہ ہے

siyah shab kyon chiragh-pa hai mujhe pata hai ai chand tera qusoor kya hai mujhe pata hai

میں روز و شب کے بدلتے منظر سے آشنا ہوں عروج کیا ہے زوال کیا ہے مجھے پتہ ہے

main roz o shab ke badalte manzar se aashna hoon urooj kya hai zawal kya hai mujhe pata hai

تری انا کا حصار ٹوٹے گا اک نہ اک دن تو سنگ ہو کر بھی آئنہ ہے مجھے پتہ ہے

teri ana ka hisar tootega ik na ik din tu sang ho kar bhi aaina hai mujhe pata hai

اپنی فکریں سورج کی مانند ریاضؔ منظر کاپس منظر ڈھونڈتی رہتی ہیں

apni fikrein suraj ki manind Riyaz manzar ka pas-manzar dhoondti rehti hain

وہ مجھ سے الجھنے کی حماقت نہ کرے گا طوفان سمجھتا ہے کہ میں کون ہوں کیا ہوں

wo mujh se uljhne ki hamaqat na karega toofan samajhta hai ke main kaun hoon kya hoon

مقناطیسی چہروں سے بچ کر رہنا اے دل تیری لغزش سے ڈر لگتا ہے

maqnatisi chehron se bach kar rehna ai dil teri laghzish se dar lagta hai

اپنے ہوٹ سئے بیٹھا ہوں تو نے کیسے سوچ لیا یعنی میں راضی بہ رضا ہوں تو نے کیسے سوچ لیا

apne hont siye baitha hoon tu ne kaise soch liya yani main razi-ba-raza hoon tu ne kaise soch liya

میں احسان فراموشی کو کفر کا درجہ دیتا ہوں تیری جفائیں بھول گیا ہوں تو نے کیسے سوچ لیا

main ehsan-faramoshi ko kufr ka darja deta hoon teri jafaein bhool gaya hoon tu ne kaise soch liya

تو نے جو کچھ سوچ رکھا ہے عشق و وفا کے بارے میں میں بھی وہی سوچاکرتا ہوں تو نے کیسے سوچ لیا

tu ne jo kuchh soch rakha hai ishq o wafa ke bare mein main bhi wohi socha karta hoon tu ne kaise soch liya

یہ ہے میری اعلیٰ ظرفی خود کو کمتر کہتا ہوں میں انسان گیا گزرا ہوں تو نے کیسے سوچ لیا

yeh hai meri aala-zarfi khud ko kamtar kehta hoon main insan gaya guzra hoon tu ne kaise soch liya

پتھروں کی دھمک سے ٹوٹ گیا کتنا حساس آئنہ نکلا

patharon ki dhamak se toot gaya kitna hassas aaina nikla

تنگی میں بھی ملیں گی فراخی کی لذتیں اپنی ضرورتوں کو اگر تو سمیٹ لے

tangi mein bhi milengi farakhi ki lazzatein apni zaroorton ko agar tu sameit le

کہیں ہوتا نہیں چرچا ہمارا ہمیں معلوم ہے رتبہ ہمارا

kahin hota nahin charcha hamara hamein maloom hai rutba hamara

ہے مشکل ساتھ رہ پائیں سفر میں جدا ہے آپ سے رستہ ہمارا

hai mushkil sath reh payein safar mein juda hai aap se rasta hamara

رشک ہماری قسمت پر اوروں کو آتا ہے ہم کو غیروں کی تقدیریں اچھی لگتی ہیں

rashk hamari qismat par auron ko aata hai ham ko ghairon ki taqdeerein achchhi lagti hain