خواب و آرزوKhwab o Aarzu

مل نہ پایا ہمیں وحشت کا سہارا ورنہ ہم بھی صحرا کی طرف جھومتے گاتے جاتے

mil na paya hamein wahshat ka sahara warna ham bhi sahra ki taraf jhoomte gate jate

کاش ایسا ہو کبھی گاؤں کے میلے میں ریاضؔ ہم بھی بچوں کی طرح دھول اُڑاتے جاتے

kash aisa ho kabhi gaon ke mele mein Riyaz ham bhi bachchon ki tarah dhool udate jate

جل گئے خواب تو ہوا احساس میرا دشمن تھا خود مرا احساس

jal gaye khwab to hua ehsas mera dushman tha khud mera ehsas

منزلوں کا سراغ کیا ملتا بے یقینی سے جا ملا احساس

manzilon ka suragh kya milta be-yaqeeni se ja mila ehsas

مجھ کو پاگل بنائے رہتا ہے ایک خوش رنگ خوشنما احساس

mujh ko pagal banaye rehta hai ek khush-rang khushnuma ehsas

ہو قلق نامرادی کی کیونکر مجھے میں نے امیدِ تکمیلِ خواہش نہ کی

ho qalaq namuradi ki kyunkar mujhe main ne umeed-e-takmeel-e-khwahish na ki

کیسی امید، کیسی طلب، کیسی آرزو ہم نے بجھائے سارے دئے اور مر گئے

kaisi umeed, kaisi talab, kaisi aarzu ham ne bujhaye sare diye aur mar gaye

ہر حسیں چیز کی تمنا ہے نا سمجھ کون تجھ کو سمجھائے

har haseen cheez ki tamanna hai na-samajh kaun tujh ko samjhaye

کب کسی کی گرفت میں آئے روشنی، خواب، زندگی، دنیا

kab kisi ki girift mein aaye roshni, khwab, zindagi, duniya

بوڑھی آنکھوں میں کچھ شکستہ خواب ہے یہی اک غریب کی دنیا

boodhi aankhon mein kuchh shikasta khwab hai yahi ik ghareeb ki duniya

آرزو احساس کو چھوتے ہوئے دھڑکنوں سے دھڑکنوں تک آگئی

aarzu ehsas ko chhoote hue dhadkanon se dhadkanon tak aa gai

اپنی آزادی کی خاطر سو جتن اس نے کئے آج بھی لیکن مقید آسماں پانی میں ہے

apni azadi ki khatir sau jatan us ne kiye aaj bhi lekin muqayyad aasman pani mein hai

نقشِ دیوار و در تمام ہوا میرے سپنوں کا گھر تمام ہوا

naqsh-e-deewar o dar tamam hua mere sapnon ka ghar tamam hua

ندیاں، نہریں ، کنویں تالاب کیا مجھ کو کر پائیں گے یہ سیراب کیا

nadiyan, nahrein, kuen talab kya mujh ko kar payenge yeh serab kya

ظالموں کو اب سزادی جائے گی تم بھی دن میں دیکھتے ہو خواب کیا

zalimon ko ab saza di jayegi tum bhi din mein dekhte ho khwab kya

جانے کیا بات ہے کوئی تتلی شاخ امید پر نہیں آتی

jane kya baat hai koi titli shakh-e-umeed par nahin aati

کیوں ان دنوں کمیاب ہو تم کون ہو تم نیند ہو یا خواب ہو تم کون ہو

kyon in dinon kam-yaab ho tum kaun ho tum neend ho ya khwab ho tum kaun ho

طلب ہرخوبصورت چیز کی ہوتی ہے سب کو غلط ہے کیا دلوں میں آرزوئے حور ہونا

talab har khoobsurat cheez ki hoti hai sab ko ghalat hai kya dilon mein aarzu-e-hoor hona

کھول کر آرزؤں کے پر آدمی اڑ رہا ہے اِدھر سے اُدھر آدمی

khol kar aarzuon ke par aadmi ud raha hai idhar se udhar aadmi

ہم کہاں جائیں امیدوں کا جنازہ لے کر آپ تو جمعہ کو اتوار پہ رکھ دیتے ہیں

ham kahan jayen umeedon ka janaza le kar aap to juma ko itwar pe rakh dete hain

مٹ جائے تشنگی یہ ضروری نہیں ریاضؔ چاہے خرید نے کو سمندر خرید لے

mit jaye tishnagi yeh zaroori nahin Riyaz chahe khareedne ko samundar khareed le

ریاضؔ میں نے سنا ہے کہ اپنی آنکھوں میں پرندے رکھتے ہیں تصویر دانے دانے کی

Riyaz main ne suna hai ke apni aankhon mein parinde rakhte hain tasweer dane dane ki

نامرادی کے کچھ پر ندے بھی شاخ حالات پر اتر آئے

namuradi ke kuchh parinde bhi shakh-e-halat par utar aaye

مفلس کے دل میں بھی ہیں ارمان ریاضؔ غنچوں نے، کانٹوں میں پلنا سیکھ لیا

muflis ke dil mein bhi hain arman Riyaz ghunchon ne, kanton mein palna seekh liya

ضرب سچائی کی اتنی سخت تھی میرے خوابوں کے پرخچے اڑ گئے

zarb sachchai ki itni sakht thi mere khwabon ke parkhache ud gaye

خشک دریا دیکھتے تھے خواب میں بہ گئے دیوار و در سیلاب میں

khushk darya dekhte the khwab mein bah gaye deewar o dar sailab mein

تو سوئچ آن تو کر عہد گزشتہ کی ریاضؔ پھر نظر آئیں گے چلتے ہوئے چہرے کتنے

tu switch on to kar ahd-e-guzishta ki Riyaz phir nazar aayenge chalte hue chehre kitne

جو شگاف کر دے چٹان میں مری پیاس میں وہ طلب نہیں

jo shigaf kar de chatan mein meri pyas mein wo talab nahin

نئے وعدے، نئی قسمیں، نئے غم کھلونے دیکے بہلایا گیا ہوں

naye wade, nai qasmein, naye gham khilaune de ke behlaya gaya hoon

خدایا میں تری دنیا میں اکثر حسیں چیزوں کو ترسایا گیا ہوں

khudaya main teri duniya mein aksar haseen cheezon ko tarsaya gaya hoon

خرد کی قید میں ارمان رہ گئے گھٹ کے کہ بے زبان پر ندے کسی سے کیا کہتے

khirad ki qaid mein arman reh gaye ghut ke ke be-zaban parinde kisi se kya kehte

کونپلیں جس میں نکلتیں مرے خوابوں کی ریاضؔ اتنی زرخیز کوئی شام نہیں ہے شاید

konplein jis mein nikaltin mere khwabon ki Riyaz itni zarkhez koi sham nahin hai shayad

حالانکہ وہ میرے لئے بے سود ہے پھر بھی ہر روز مجھے خواب دکھاتا ہے کوئی اور

halanke wo mere liye be-sood hai phir bhi har roz mujhe khwab dikhata hai koi aur

سجا کر خوابِ دنیا جاگتا ہے وہ بستر پر اکیلا جاگتا ہے

saja kar khwab-e-duniya jagta hai wo bistar par akela jagta hai

صحرا، دشت، سمندر ڈھونڈتی رہتی ہیں اندھی آنکھیں منظر ڈھونڈتی رہتی ہیں

sahra, dasht, samundar dhoondti rehti hain andhi aankhein manzar dhoondti rehti hain

ان متلاشی آنکھوں کا تو حال نہ پوچھ ایک خیالی پیکر ڈھونڈتی رہتی ہیں

in mutalashi aankhon ka to hal na poochh ek khayali paikar dhoondti rehti hain

دشمنِ جاں بن جاتی ہے زخمی ناگن روندی، کچلی خواہش سے ڈر لگتا ہے

dushman-e-jaan ban jati hai zakhmi nagan rondi, kuchli khwahish se dar lagta hai

میرے خوابوں سے دور جا نکلا تو بھی اے دوست بے وفا نکلا

mere khwabon se door ja nikla tu bhi ai dost be-wafa nikla

شامِ تنہائی میں ریاض کبھی چاکِ نومید ہی سئے یوتے

sham-e-tanhai mein Riyaz kabhi chak-e-naumeed hi siye hote