حسن و منظرHusn o Manzar

گھٹا ہو، دھنک ہو، کہ ہو کہکشاں سمٹ جائیں گے خود بکھرنے تو دو

ghata ho, dhanak ho, ke ho kahkashan simat jayenge khud bikharne to do

تری یادوں کے صدقے کھلے ہیں پھول بن میں

teri yadon ke sadqe khile hain phool ban mein

کوششیں کرتی رہی رات مگر لا نہ سکی پھول کوئی ترے رخسار سے ملتا جلتا

koshishein karti rahi raat magar la na saki phool koi tere rukhsar se milta julta

کوئی ثابت کرے تو کیسے کرے عشق میرا ترا جمال غلط

koi sabit kare to kaise kare ishq mera tera jamal ghalat

کوئی کہتا ہے تجھ کو ماہ مبیں کوئی کہتا ہے کہکشاں ہے تو

koi kehta hai tujh ko mah-e-mubeen koi kehta hai kahkashan hai tu

گلوں کی تازگی ہے میرے ذمّہ بظاہر میں ردائے شبنمی ہوں

gulon ki tazgi hai mere zimma bazahir main rida-e-shabnami hoon

حسن کی بھیک دیجئے صاحب کچھ عطا کیجئے خزانے سے

husn ki bheek dijiye sahib kuchh ata kijiye khazane se

دشت و صحرا کی طرف جاؤ ںمیں کس طرح ریاض راستہ روک رہے ہیں گل ولالہ میرا

dasht o sahra ki taraf jaoon main kis tarah Riyaz rasta rok rahe hain gul o lala mera

پھول کے ساتھ رہ کے کانٹے بھی کچھ نہ کچھ تو مہک گئے ہوں گے

phool ke sath reh ke kante bhi kuchh na kuchh to mehak gaye honge

جھک گئی ہوں گی ڈالیاں ساری باغ میں آم پک گئے ہوں گے

jhuk gai hongi daliyan sari bagh mein aam pak gaye honge

اشک میرے نہیں ریاضؔ اگر پھر چمکتے ہیں آسمان میں کیا

ashk mere nahin Riyaz agar phir chamakte hain aasman mein kya

جھلملاتے چاند کا ایسا سماں پانی میں ہے یہ گماں ہوتا ہے شیشے کا مکاں پانی میں ہے

jhilmilate chand ka aisa saman pani mein hai yeh guman hota hai sheeshe ka makan pani mein hai

معتبر دعویٰ نہیں ہوتا دلائل کے بغیر کون مانے گا کہ سورج ضو فشاں پانی میں ہے

motabar dawa nahin hota dalail ke baghair kaun manega ke suraj zau-fishan pani mein hai

رات بھر شبنمی جھرنے میں نہاتی ہے ہوا صبح دم روز نئے روپ میں آتی ہے ہوا

raat bhar shabnami jharne mein nahati hai hawa subh-dam roz naye roop mein aati hai hawa

برگ و گل رقص کیا کرتے ہیں ہولے ہولے پیار کے گیت نئے، دھن میں سناتی ہے ہوا

barg o gul raqs kiya karte hain haule haule pyar ke geet naye, dhun mein sunati hai hawa

کرتی رہتی ہے وہ اٹھکھیلیاں غنچوں سے کبھی اور صحرا میں کبھی خاک اڑاتی ہے ہوا

karti rehti hai wo athkheliyan ghunchon se kabhi aur sahra mein kabhi khak udati hai hawa

کچھ تو کہو تم دھوپ ہو یا چاندنی خورشید ہو مہتاب ہو تم کون ہو

kuchh to kaho tum dhoop ho ya chandni khursheed ho mahtab ho tum kaun ho

طلب ہرخوبصورت چیز کی ہوتی ہے سب کو غلط ہے کیا دلوں میں آرزوئے حور ہونا

talab har khoobsurat cheez ki hoti hai sab ko ghalat hai kya dilon mein aarzu-e-hoor hona

شبنم ہے ، دھنک ہے ، کہ گھٹا ہے کہ غزل ہے کہتے ہیں جسے عشق سنا ہے کہ غزل ہے

shabnam hai, dhanak hai, ke ghata hai ke ghazal hai kehte hain jise ishq suna hai ke ghazal hai

پھولوں کی گرانی سے لچکتی ہوئی شاخیں مہکی ہوئی رنگین فضا ہے کہ غزل ہے

phoolon ki girani se lachakti hui shakhein mehki hui rangeen faza hai ke ghazal hai

بکھری ہے تری زلف کہ بادل ہیں گھنیرے ہاتھوں پہ ترے رنگ حنا ہے کہ غزل ہے

bikhri hai teri zulf ke badal hain ghanere hathon pe tere rang-e-hina hai ke ghazal hai

اس درجہ کشش ہے کہ طبیعت نہیں بھرتی سوبار اسے میں نے سنا ہے کہ غزل ہے

is darja kashish hai ke tabiyat nahin bharti sau bar use main ne suna hai ke ghazal hai

سرخ ہونٹوں کی ، چھلکتے جام کی آئیے باتیں کریں کچھ کام کی

surkh honton ki, chhalakte jam ki aaiye baatein karein kuchh kam ki

کبھی میں دیکھتا ہوں ان کی جانب کبھی ماہِ منور دیکھتا ہوں

kabhi main dekhta hoon un ki janib kabhi mah-e-munawwar dekhta hoon

نہیں ہے تاب نظّارہ لہٰذا اسے نظریں جھکا کر دیکھتا ہوں

nahin hai tab-e-nazzara lihaza use nazrein jhuka kar dekhta hoon

گلوں کی سیج ستاروں کا شامیانہ لگے وہ میہماں ہو تو جنت غریب خانہ لگے

gulon ki sej sitaron ka shamiyana lage wo mehman ho to jannat ghareeb-khana lage

چاند کو آوارگی راس آگئی چاندنی جلتی رہی تالاب میں

chand ko aawargi ras aa gai chandni jalti rahi talab mein

خدایا تیری صناعی کے صدقے زمیں روشن منور آسماں ہے

khudaya teri sanai ke sadqe zameen roshan munawwar aasman hai

ہجر میں تیری دل ربا یادیں دھوپ میں جیسے چاندنی برسے

hijr mein teri dil-ruba yadein dhoop mein jaise chandni barse

بوئے وفا سے خالی ہوں گے دل کیوں کر پھولوں میں مہکار ابھی تک زندہ ہے

boo-e-wafa se khali honge dil kyunkar phoolon mein mehkar abhi tak zinda hai

رقصاں ہیں دھوپ چھاؤں کی پریاں چہار سو بکھرے ہیں تجربات کے گھنگرو سمیٹ لے

raqsan hain dhoop chhaon ki pariyan chahar-soo bikhre hain tajribat ke ghunghru sameit le

پھر میرے انتشار کے بارے میں سوچنا پہلے تو اپنے شانے سے گیسو سمیٹ لے

phir mere intishar ke bare mein sochna pehle to apne shane se gesu sameit le

شاخ غزل پہ لفظوں کے گل ہیں کھلے ہوئے پیراہنِ خیال میں خوشبو سمیٹ لے

shakh-e-ghazal pe lafzon ke gul hain khile hue pairahan-e-khayal mein khushbu sameit le

تیری آنکھوں کا فیض ہے ورنہ آج تک ہم بھی بن پئے ہوتے

teri aankhon ka faiz hai warna aaj tak ham bhi bin piye hote