خشک دریا دیکھتے تھے خواب میںKhushk darya dekhte the khwab mein

خشک دریا دیکھتے تھے خواب میں بہ گئے دیوار و در سیلاب میں

khushk darya dekhte the khwab mein bah gaye deewar o dar sailab mein

کیفیت دل کی سمجھنا ہے اگر پھینکئے پتھر کوئی تالاب میں

kaifiyat dil ki samajhna hai agar phenkiye pathar koi talab mein

وسوسے لاکھوں جنم لینے لگے قدر جب بڑھنے لگی احباب میں

waswase lakhon janam lene lage qadr jab badhne lagi ahbab mein

ہو مبارک تم کو ساحل کا سکون مطمئن ہیں ہم بہت گرداب میں

ho mubarak tum ko sahil ka sukoon mutmain hain ham bahut girdab mein

چاند کو آوارگی راس آگئی چاندنی جلتی رہی تالاب میں

chand ko aawargi ras aa gai chandni jalti rahi talab mein

یوں لگے تحریر اخبارات کی جیسے ڈوبے ہوں قلم تیزاب میں

yoon lage tehreer akhbarat ki jaise doobe hon qalam tezab mein

اصل مقصد بھول بیٹھے ہیں ریاضؔ ایسے الجھے منبر و محراب میں

asl maqsad bhool baithe hain Riyaz aise uljhe mimbar o mehrab mein