ہجر و انتظارHijr o Intezaar

کیا خطا مجھ سے ہوئی ہے یہ بتاتے جاتے اتنا احسان تو کر سکتے تھے جاتے جاتے

kya khata mujh se hui hai yeh batate jate itna ehsan to kar sakte the jate jate

اس سے پہلے کہ جھلس جاتی مری عزتِ نفس لوٹ آیا تری دہلیز پہ جاتے جاتے

is se pehle ke jhulas jati meri izzat-e-nafs laut aaya teri dahleez pe jate jate

سیاہ شب کے حصار میں ہوں میں چاند کے انتظار میں ہوں

siyah shab ke hisar mein hoon main chand ke intezar mein hoon

وہ ہوگیا خود فرار، اور میں اسیر قول و قرار میں ہوں

wo ho gaya khud farar, aur main aseer-e-qaul o qarar mein hoon

دھوپ میں سایۂ دیوار سے ملتا جلتا کوئی تو ملتا مرے یار سے ملتا جلتا

dhoop mein saya-e-deewar se milta julta koi to milta mere yar se milta julta

کاش آئے وہ اپنے وعدے پر کاش ہو میرا احتمال غلط

kash aaye wo apne wade par kash ho mera ehtimal ghalat

تھا حقیقت، مگر گمان میں تھا وہ جو اک شخص درمیان میں تھا

tha haqeeqat, magar guman mein tha wo jo ik shakhs darmiyan mein tha

آج بھی میں پریشان ہوں، کس لئے اس نے تسلیم میری گزارش نہ کی

aaj bhi main pareshan hoon, kis liye us ne tasleem meri guzarish na ki

دھوپ میں جل گیا وجود مرا میں سمجھتا تھا سائباں ہے تو

dhoop mein jal gaya wujood mera main samajhta tha saiban hai tu

ہائے تمھارا یہ کہنا میرا پیچھا چھوڑو بھی

haye tumhara yeh kehna mera peechha chhodo bhi

میرے دل کو کہاں ملیگا قرار لطف تیرا اگر تمام ہوا

mere dil ko kahan milega qarar lutf tera agar tamam hua

ترا بچھڑنا قیامت سہی مگر اے دوست ترے بغیر بھی جینے کا اہتمام ہوا

tera bichhadna qayamat sahi magar ai dost tere baghair bhi jeene ka ehtimam hua

منتظر ہوں مگر نہیں آتی اب خوشی میرے گھر نہیں آتی

muntazir hoon magar nahin aati ab khushi mere ghar nahin aati

کسی رستے کسی ذریعے سے کوئی اچھی خبر نہیں آتی

kisi raste kisi zariye se koi achchhi khabar nahin aati

کیوں ان دنوں کمیاب ہو تم کون ہو تم نیند ہو یا خواب ہو تم کون ہو

kyon in dinon kam-yaab ho tum kaun ho tum neend ho ya khwab ho tum kaun ho

کیوں جارہے ہو روٹھ کر منہ موڑ کر تہذیب ہو آداب ہو تم کون ہو

kyon ja rahe ho rooth kar munh mod kar tehzeeb ho aadab ho tum kaun ho

میں تو کسی کے ہجر میں بے چین ہوں تم کس لئے بیتاب ہو تم کون ہو

main to kisi ke hijr mein be-chain hoon tum kis liye betab ho tum kaun ho

وہ جس کا قرب لازم ہے اسی سے دور ہونا یہ شیشہ چاہتا ہے پھر سے چکنا چور ہونا

wo jis ka qurb lazim hai usi se door hona yeh sheesha chahta hai phir se chakna-choor hona

مرے سوال پہ اس درجہ بے رخی کیوں ہے اگر حضور مرا مدعا سمجھتے ہیں

mere sawal pe is darja be-rukhi kyon hai agar huzoor mera mudda samajhte hain

تو نہیں آیا تو اس نے اپنی آنکھیں پھوڑ لیں تیرے استقبال کی قیمت چکائی شام نے

tu nahin aaya to us ne apni aankhein phod leen tere istiqbal ki qeemat chukai sham ne

جانتے بھی ہو اختتام کا درد کیوں شروعات پر اتر آئے

jante bhi ho ikhtitam ka dard kyon shuruaat par utar aaye

چھوڑ کر وہ ہم کو فرقت کے سہارے جائیںگے کیا خبر تھی ایسے ظالم دن گزارے جائیں گے

chhod kar wo ham ko furqat ke sahare jayenge kya khabar thi aise zalim din guzare jayenge

کب تلک ہوں گی صدائیں چشم پوشی کی شکار آپ آئیں یا نہ آئیں ہم پکارے جائیں گے

kab talak hongi sadayein chashm-poshi ki shikar aap aayein ya na aayein ham pukare jayenge

ہجر میں تیری دل ربا یادیں دھوپ میں جیسے چاندنی برسے

hijr mein teri dil-ruba yadein dhoop mein jaise chandni barse

دلِ خوش گماں کی شہ پر مرے جسم و جاں میں ڈھل کے ترے غم نے رکھ دیا ہے مری زندگی بدل کے

dil-e-khush-guman ki shah par mere jism o jaan mein dhal ke tere gham ne rakh diya hai meri zindagi badal ke

میں تمھیں بھلا چکا ہوں مگر اب یہ سوچتا ہوں یہ نہ ہو تمھارا چہرا مرے آنسوؤں میں جھلکے

main tumhein bhula chuka hoon magar ab yeh sochta hoon yeh na ho tumhara chehra mere aansuon mein jhalke

کبھی جگمگا دے آکر مرے پیار کا مقدر تری راہ دیکھتے ہیں مری شام کے دھندلکے

kabhi jagmaga de aa kar mere pyar ka muqaddar teri rah dekhte hain meri sham ke dhundhalke

محرومی کی قبر میں ہے مدفون مگر دل میں کسی کا پیار ابھی تک زندہ ہے

mehroomi ki qabr mein hai madfoon magar dil mein kisi ka pyar abhi tak zinda hai

تو دیکھ تو پھولوں سے نظر اپنی ہٹا کر آنکھیں تری راہوں میں بچھاتا ہے کوئی اور

tu dekh to phoolon se nazar apni hata kar aankhein teri rahon mein bichhata hai koi aur

یہ کس کی راہ تکتا ہے کہ شب بھر مرے دل کا پرندہ جاگتا ہے

yeh kis ki rah takta hai ke shab bhar mere dil ka parinda jagta hai

جن کے ملنے کی کوئی امید نہیں ان کو نظریں اکثر ڈھونڈتی رہتی ہیں

jin ke milne ki koi umeed nahin un ko nazrein aksar dhoondti rehti hain

یوں صحرا نوردی کا مجھے شوق نہیں تھا شاید میں ترے گھر کا پتہ بھول گیا ہوں

yoon sahra-nawardi ka mujhe shauq nahin tha shayad main tere ghar ka pata bhool gaya hoon

میرے فگاں پر، اشکِ رواں پر، دنیا کوشک ہو تو ہو تجھ سے بچھڑ کر خوش رہتا ہوں تو نے کیسے سوچ لیا

mere fughan par, ashk-e-rawan par, duniya ko shak ho to ho tujh se bichhad kar khush rehta hoon tu ne kaise soch liya

مری آنکھوں میں آکر جم گیا ہے تری آنکھوں کا دریا بہتے بہتے

meri aankhon mein aa kar jam gaya hai teri aankhon ka darya behte behte

تجزیہ جب کیا محبت میں دل کے مابین فاصلہ نکلا

tajziya jab kiya mohabbat mein dil ke mabain fasla nikla

دامن میں انتظار کے آنسو سمیٹ لے آئیں گے تیرے کام یہ جگنو سمیٹ لے

daman mein intezar ke aansu sameit le aayenge tere kam yeh jugnu sameit le

ہے مشکل ساتھ رہ پائیں سفر میں جدا ہے آپ سے رستہ ہمارا

hai mushkil sath reh payein safar mein juda hai aap se rasta hamara

تم اگر آسرا دئیے ہوتے اور کچھ روز جی لئے ہوتے

tum agar aasra diye hote aur kuchh roz ji liye hote