کچھ نہ سنئے نہ کچھ کہا کیجےKuchh na suniye na kuchh kaha kijiye

کچھ نہ سنئے نہ کچھ کہا کیجے بس مرے سامنے رہا کیجے

kuchh na suniye na kuchh kaha kijiye bas mere samne raha kijiye

کینچووں سے کوئی نہیں ڈرتا اپنے جذبوں کو اژدہا کیجے

keenchuon se koi nahin darta apne jazbon ko azhdaha kijiye

آسمانی عذاب سے پہلے شوق سے کار ابرہا کیجے

aasmani azab se pehle shauq se kar-e-Abraha kijiye

سوچنا آدمی کی فطرت ہے کچھ نہ کچھ سوچتے رہا کیجے

sochna aadmi ki fitrat hai kuchh na kuchh sochte raha kijiye

زخم خود اعتذار کرنے لگیں درد کچھ اس طرح سہا کیجے

zakhm khud etizar karne lagein dard kuchh is tarah saha kijiye

سب کی تعریف ہو جہاں کا اصول ایسی محفل میں چپ رہا کیجے

sab ki tareef ho jahan ka usool aisi mehfil mein chup raha kijiye

جستجو ہے اگر سمندر کی ندیوں کی طرح بہا کیجے

justuju hai agar samundar ki nadiyon ki tarah baha kijiye