تنہائی و کربTanhai o Karb

مل نہ پایا ہمیں وحشت کا سہارا ورنہ ہم بھی صحرا کی طرف جھومتے گاتے جاتے

mil na paya hamein wahshat ka sahara warna ham bhi sahra ki taraf jhoomte gate jate

ہجرت کرنا مرنے کے مترادف ہے اس سے پوچھو جو اپنا گھر چھوڑ گیا

hijrat karna marne ke mutaradif hai is se poochho jo apna ghar chhod gaya

مجھے بتایا مصیبتوں نے میں کیا ہوں اور کس شمار میں ہوں

mujhe bataya musibaton ne main kya hoon aur kis shumar mein hoon

ریاضؔ پانی کی جستجو میں میں آج کل ریگذار میں ہوں

Riyaz pani ki justuju mein main aaj kal regzar mein hoon

کاش تم بھی میری آنکھوں سے کسی دن دیکھتے دھند میں ڈوبا ہوا ساحل سمندر بے چراغ

kash tum bhi meri aankhon se kisi din dekhte dhund mein dooba hua sahil samundar be-chiragh

ہمیں اک غیر ٹھہرے تمھاری انجمن میں

hamein ik ghair thehre tumhari anjuman mein

الجھنوں کا حصار ٹوٹتے ہی اوڑھ کر جسم سو گیا احساس

uljhanon ka hisar tootte hi odh kar jism so gaya ehsas

ہے خوشی کی خوشی نہ غم کا غم ایسا لگتا ہے مر گیا احساس

hai khushi ki khushi na gham ka gham aisa lagta hai mar gaya ehsas

دھوپ میں سایۂ دیوار سے ملتا جلتا کوئی تو ملتا مرے یار سے ملتا جلتا

dhoop mein saya-e-deewar se milta julta koi to milta mere yar se milta julta

آج بھی میں پریشان ہوں، کس لئے اس نے تسلیم میری گزارش نہ کی

aaj bhi main pareshan hoon, kis liye us ne tasleem meri guzarish na ki

کیسے ملتی ہمیں اس کی ہمدردیاں اپنے زخموں کی ہم نے نمائش نہ کی

kaise milti hamein us ki hamdardiyan apne zakhmon ki ham ne numaish na ki

ٹھکانہ شہر سے باہر بنائیں چلو صحرا میں کوئی گھر بنائیں

thikana shahar se bahar banaen chalo sahra mein koi ghar banaen

بہت آسان ہو جائے گا جینا دلوں کو درد کا خوگر بنائیں

bahut aasan ho jayega jeena dilon ko dard ka khoogar banaen

رشتے غموں سے جوڑ لئے اور مر گئے تا عمر دل کے زخم سئے اور مر گئے

rishte ghamon se jod liye aur mar gaye ta-umr dil ke zakhm siye aur mar gaye

پلکوں پہ آنسوؤں کو سجایا نہیں کبھی زہراب لمحہ لمحہ پئے اور مر گئے

palkon pe aansuon ko sajaya nahin kabhi zahrab lamha lamha piye aur mar gaye

جو ہیں خود بے کسی کے نرغے میں ان سے فریاد کی نہیں جاتی

jo hain khud be-kasi ke narghe mein un se faryad ki nahin jati

ہم اسی داستاں کے ہیں کردار جو کہ لکھی پڑھی نہیں جاتی

ham isi dastan ke hain kirdar jo ke likhi padhi nahin jati

ہے ازل سے مسابقت پھر بھی غم سے آگے خوشی نہیں جاتی

hai azal se musabaqat phir bhi gham se aage khushi nahin jati

اس کے آنے کے باوجود ریاضؔ جانے کیوں بے کلی نہیں جاتی

us ke aane ke bawajood Riyaz jane kyon be-kali nahin jati

کون رکھتا ریاضؔ میرا خیال وہ توکہئے مزاج داں ہے تو

kaun rakhta Riyaz mera khayal wo to kahiye mizaj-dan hai tu

بہت کم لوگ مجھ سے مطمئن ہیں خلش ہوں، مفلسی ہوں، بے کسی ہوں

bahut kam log mujh se mutmain hain khalish hoon, muflisi hoon, be-kasi hoon

فضا میں ماتمی دھن بج رہی تھی مرے غم میں زمانہ غم زدہ تھا

faza mein matami dhun baj rahi thi mere gham mein zamana gham-zada tha

ریاضؔ اک خوف تھا سینے میں گویا مرا قاتل مرے گھر میں چھپاتھا

Riyaz ik khauf tha seene mein goya mera qatil mere ghar mein chhupa tha

یہ مانا تم بہت غمگین ہو رنجور ہو لیکن خوشی کی بزم میں ذکر محن اچھا نہیں لگتا

yeh mana tum bahut ghamgeen ho ranjoor ho lekin khushi ki bazm mein zikr-e-mihan achchha nahin lagta

دھوپ سے بھی شدید ہیں سائے بے کسی جائے تو کہاں جائے

dhoop se bhi shadeed hain saye be-kasi jaye to kahan jaye

تم نے بھی پھیر لیں ریاضؔ آنکھیں زندگی بوجھ بن گئی ہائے

tum ne bhi pher leen Riyaz aankhein zindagi bojh ban gai haye

درد سہنے سے مسکرانے سے کیا ملا جوڑنے گھٹانے سے

dard sehne se muskurane se kya mila jodne ghatane se

آج پرساں نہیں ریاضؔ کوئی کل تلک میرے ساتھ تھی دنیا

aaj pursan nahin Riyaz koi kal talak mere sath thi duniya

وسوسے سر اٹھانے لگتے ہیں کوئی آسیب ہے مکان میں کیا

waswase sar uthane lagte hain koi aaseb hai makan mein kya

میری تائید کیوں نہیں کرتے کچھ کمی ہے مرے بیان میں کیا

meri taeed kyon nahin karte kuchh kami hai mere bayan mein kya

اشک میرے نہیں ریاضؔ اگر پھر چمکتے ہیں آسمان میں کیا

ashk mere nahin Riyaz agar phir chamakte hain aasman mein kya

دئیے غم کے نہ آہوں کے پرندے حویلی ان دنوں سونی پڑی ہے

diye gham ke na aahon ke parinde haweli in dinon sooni padi hai

میں بینر سا بندھا ہوں راستوں پر اذیت موسموں کی جھیلنی ہے

main banner sa bandha hoon raston par aziyat mausamon ki jhelni hai

نسخۂ جاں فضا تھا جس کا وجود حیف! وہ چارہ گر تمام ہوا

nuskha-e-jaan-faza tha jis ka wujood haif! wo chara-gar tamam hua

سمٹ کر ان دنوں میرا تخیل حویلی کا کبوتر ہوگیا ہے

simat kar in dinon mera takhayyul haweli ka kabootar ho gaya hai

غرض کیا اس کو بزم دوستاں سے وہ تنہائی کا خوگر ہوگیا ہے

gharaz kya us ko bazm-e-dostan se wo tanhai ka khoogar ho gaya hai

وہی تم ہو جو غم دیتے ہو پیہم وہی دل ہے جو پتھر ہو گیا ہے

wohi tum ho jo gham dete ho paiham wohi dil hai jo pathar ho gaya hai

بنا لیجئے اپنا ساتھی کسی کو کہاں تک اکیلے اکیلے رہیں گے

bana lijiye apna sathi kisi ko kahan tak akele akele rahenge

بڑھ گیا ہے زندگی کا اعتبار پی رہے ہو آجکل زہراب کیا

badh gaya hai zindagi ka etibar pi rahe ho aajkal zahrab kya

تنگ گلیوں سے گزرتے ہوئے تھک جاتی ہے میرے کمرے میں بہت گھوم کے آتی ہے ہوا

tang galiyon se guzarte hue thak jati hai mere kamre mein bahut ghoom ke aati hai hawa

منتظر ہوں مگر نہیں آتی اب خوشی میرے گھر نہیں آتی

muntazir hoon magar nahin aati ab khushi mere ghar nahin aati

طول شب دردو غم تو آتے ہیں بس نویدِ سحر نہیں آتی

tool-e-shab dard o gham to aate hain bas naweed-e-sahar nahin aati

کون کہتا ہے زندگی اپنی غم کے زیر اثر نہیں آتی

kaun kehta hai zindagi apni gham ke zer-e-asar nahin aati

کسی رستے کسی ذریعے سے کوئی اچھی خبر نہیں آتی

kisi raste kisi zariye se koi achchhi khabar nahin aati

جانے کیا بات ہے کوئی تتلی شاخ امید پر نہیں آتی

jane kya baat hai koi titli shakh-e-umeed par nahin aati

کہاں تک صبر کرتا وہ کہاں تک ضبط کرتا ضروری ہوگیا تھا زخم کا ناسور ہونا

kahan tak sabr karta wo kahan tak zabt karta zaroori ho gaya tha zakhm ka nasoor hona

تو گمنامی کے قید و بند سے نکلے گا کیسے تری قسمت میں لکھا ہی نہیں مشہور ہونا

tu gumnami ke qaid o band se niklega kaise teri qismat mein likha hi nahin mash-hoor hona

وقت میری ہنسی اڑاتا ہے میں ہوں بگڑی ہوئی گھڑی کی طرح

waqt meri hansi udata hai main hoon bigdi hui ghadi ki tarah

دشمنوں کا تو خیر ذکر ہی کیا دوست ملتے ہیں اجنبی کی طرح

dushmanon ka to khair zikr hi kya dost milte hain ajnabi ki tarah

تم نہ سمجھاؤ مجھے معلوم ہے حیثیت کیا ہے شکستہ جام کی

tum na samjhao mujhe maloom hai haisiyat kya hai shikasta jam ki

کوئی تو دادرسی کو مرے قریب آئے کوئی تو وجہ میسر ہو مسکرانے کی

koi to dad-rasi ko mere qareeb aaye koi to wajh muyassar ho muskurane ki

میں اپنے حال پہ روتا رہا بلکتا رہا کسی نے کی نہیں زحمت گلے لگا نے کی

main apne hal pe rota raha bilakta raha kisi ne ki nahin zehmat gale lagane ki

مری کراہ وہاں تک پہنچ نہیں پائی بڑی دبیز تھی دیوار سرد خانے کی

meri karah wahan tak pahunch nahin pai badi dabeez thi deewar sard-khane ki

زخم خود اعتذار کرنے لگیں درد کچھ اس طرح سہا کیجے

zakhm khud etizar karne lagein dard kuchh is tarah saha kijiye

نامرادی کے کچھ پر ندے بھی شاخ حالات پر اتر آئے

namuradi ke kuchh parinde bhi shakh-e-halat par utar aaye

درد نے آنسوؤں کا روپ لیا ابر برسات پر اتر آئے

dard ne aansuon ka roop liya abr barsaat par utar aaye

جلنے سے پہلے تک یہ خوش فہمی تھی میں نے انگاروں پر چلنا سیکھ لیا

jalne se pehle tak yeh khush-fahmi thi main ne angaron par chalna seekh liya

باتیں کرنا سیکھ لیا سناٹوں نے تصویروں نے رنگ بدلنا سیکھ لیا

baatein karna seekh liya sannaton ne tasweeron ne rang badalna seekh liya

زندگی کے دن سہانے اڑ گئے باغ سونا ہے پرندے اڑ گئے

zindagi ke din suhane ud gaye bagh soona hai parinde ud gaye

ضرب سچائی کی اتنی سخت تھی میرے خوابوں کے پرخچے اڑ گئے

zarb sachchai ki itni sakht thi mere khwabon ke parkhache ud gaye

کیفیت دل کی سمجھنا ہے اگر پھینکئے پتھر کوئی تالاب میں

kaifiyat dil ki samajhna hai agar phenkiye pathar koi talab mein

چاند کو آوارگی راس آگئی چاندنی جلتی رہی تالاب میں

chand ko aawargi ras aa gai chandni jalti rahi talab mein

چھاؤں کی بھیک نہیں جائے اماں چاہتے ہیں کرب کی دھوپ میں جلتے ہوئے چہرے کتنے

chhaon ki bheek nahin jaye-aman chahte hain karb ki dhoop mein jalte hue chehre kitne

چھوڑ کر وہ ہم کو فرقت کے سہارے جائیںگے کیا خبر تھی ایسے ظالم دن گزارے جائیں گے

chhod kar wo ham ko furqat ke sahare jayenge kya khabar thi aise zalim din guzare jayenge

کوئی شام شامِ طرب نہیں یہی رنج تھا مگر اب نہیں

koi sham sham-e-tarab nahin yahi ranj tha magar ab nahin

نہ رہبر ہے ، نہ کوئی کارواں ہے مرے ذوقِ سفر کا امتحاں ہے

na rahbar hai, na koi karwan hai mere zauq-e-safar ka imtihan hai

دیار غیر میں پایا گیا ہوں میں اکثر ڈھونڈ کر لایا گیا ہوں

dayar-e-ghair mein paya gaya hoon main aksar dhoond kar laya gaya hoon

کریدو اب نہ میری خاک یارو بڑی مشکل سے دفنایا گیا ہوں

kuredo ab na meri khak yaro badi mushkil se dafnaya gaya hoon

کرب، آنسو، بیقراری، رتجگے عشق میں لازم ہیں ایسے حادثے

karb, aansu, be-qarari, ratjage ishq mein lazim hain aise hadse

کسی نے کوئی تاثر نہیں لیا، گویا مرے جمود کی صورت ترا کلام بھی ہے

kisi ne koi tassur nahin liya, goya mere jamood ki soorat tera kalam bhi hai

سبھی خلاف تھے اپنے کسی سے کیا کہتے قصور وار ہمیں تھے کسی سے کیا کہتے

sabhi khilaf the apne kisi se kya kehte qusoorwar hamein the kisi se kya kehte

تمھیں کہو کہ جہاں قہقہوں کی بارش ہو ہم آنسوؤں کی زباں سے کسی سے کیا کہتے

tumhein kaho ke jahan qahqahon ki barish ho ham aansuon ki zaban se kisi se kya kehte

وطن سے دور کوئی ہم مزاج ہی نہ ملا دل و نظر کے تقاضے کسی سے کیا کہتے

watan se door koi ham-mizaj hi na mila dil o nazar ke taqaze kisi se kya kehte

ہمیں عزیز تھی ہر حال میں خودی اپنی لگے تھے ہونٹوں پہ تالے کسی سے کیا کہتے

hamein azeez thi har hal mein khudi apni lage the honton pe tale kisi se kya kehte

خرد کی قید میں ارمان رہ گئے گھٹ کے کہ بے زبان پر ندے کسی سے کیا کہتے

khirad ki qaid mein arman reh gaye ghut ke ke be-zaban parinde kisi se kya kehte

سلگتی دھوپ میں اپنا بچاؤ مشکل تھا ریاضؔ موم کے پتلے کسی سے کیا کہتے

sulagti dhoop mein apna bachao mushkil tha Riyaz mom ke putle kisi se kya kehte

کاسئہ درد لئے اشک چلے آتے ہیں ان فقیروں کو کوئی کام نہیں ہے شاید

kasa-e-dard liye ashk chale aate hain in faqeeron ko koi kam nahin hai shayad

قہقہے میری تباہی پہ لگانے والے تو ابھی واقف آلام نہیں ہے شاید

qahqahe meri tabahi pe lagane wale tu abhi waqif-e-aalam nahin hai shayad

کونپلیں جس میں نکلتیں مرے خوابوں کی ریاضؔ اتنی زرخیز کوئی شام نہیں ہے شاید

konplein jis mein nikaltin mere khwabon ki Riyaz itni zarkhez koi sham nahin hai shayad

برے دنوں میں تعلق نبھا گیا وہ بھی بھنور میں چھوڑ کے آخر چلا گیا وہ بھی

bure dinon mein talluq nibha gaya wo bhi bhanwar mein chhod ke aakhir chala gaya wo bhi

اندھیری رات کرے گی اب اپنی من مانی تھا ایک چاند نبردآزما، گیا وہ بھی

andheri raat karegi ab apni man-mani tha ek chand nabard-aazma, gaya wo bhi

یہ کس کا شاخسانہ ہے کہ صحرا میں دِوانہ ہے

yeh kis ka shakhsana hai ke sahra mein diwana hai

تکلّف ہے تعلق میں تعارف غائبانہ ہے

takalluf hai talluq mein taaruf ghaibana hai

چبھوتے رہتے ہیں نشتر سے دل میں بڑے ظالم ہیں احساسات میرے

chubhote rehte hain nashtar se dil mein bade zalim hain ehsasat mere

ریاضؔ الدین میں تنہا نہیں ہوں مری دیوانگی ہے سات میرے

Riyazuddin main tanha nahin hoon meri deewangi hai sath mere

عجب بکھراؤ در آیا ہے مجھ میں مسلّم ہوں مگر یکجا نہیں ہوں

ajab bikhrao dar aaya hai mujh mein musallam hoon magar yakja nahin hoon

منظر سے پرے جشن مناتا ہے کوئی اور پلکوں کے تلے اشک چھپاتا ہے کوئی اور

manzar se pare jashn manata hai koi aur palkon ke tale ashk chhupata hai koi aur

سجا کر خوابِ دنیا جاگتا ہے وہ بستر پر اکیلا جاگتا ہے

saja kar khwab-e-duniya jagta hai wo bistar par akela jagta hai

جگاتی رہتی ہیں لہریں مسلسل سو مجبوراً کنارا جاگتا ہے

jagati rehti hain lehrein musalsal so majbooran kinara jagta hai

صحرا، دشت، سمندر ڈھونڈتی رہتی ہیں اندھی آنکھیں منظر ڈھونڈتی رہتی ہیں

sahra, dasht, samundar dhoondti rehti hain andhi aankhein manzar dhoondti rehti hain

وقت مسلسل چلنے کی ضد کرتا ہے اور تھکانیں بستر ڈھونڈتی رہتی ہیں

waqt musalsal chalne ki zid karta hai aur thakanein bistar dhoondti rehti hain

جن کے ملنے کی کوئی امید نہیں ان کو نظریں اکثر ڈھونڈتی رہتی ہیں

jin ke milne ki koi umeed nahin un ko nazrein aksar dhoondti rehti hain

سورج سے گھٹاؤں کا طلبگار رہا ہوں اک عمر ہوئی دھوپ کے صحرا میں کھڑا ہوں

suraj se ghataon ka talabgar raha hoon ik umr hui dhoop ke sahra mein khada hoon

پیش نظر ہے ٹوٹے ہوئے رشتوں کی لاش چھوٹی چھوٹی رنجش سے ڈر لگتا ہے

pesh-e-nazar hai toote hue rishton ki lash chhoti chhoti ranjish se dar lagta hai

خرمنِ ہستی خاک ہی کر ڈالے نہ ریاضؔ آتشِ غم کی سوزش سے ڈر لگتا ہے

khirman-e-hasti khak hi kar dale na Riyaz aatish-e-gham ki sozish se dar lagta hai

نہ جانے کتنے ٹکڑوں میں بٹے گی عمارت زندگی کی ڈھہتے ڈھہتے

na jane kitne tukdon mein bategi imarat zindagi ki dhahte dhahte

پتھروں کی دھمک سے ٹوٹ گیا کتنا حساس آئنہ نکلا

patharon ki dhamak se toot gaya kitna hassas aaina nikla

شاعری میں جلائے خون جگر اور انجام اس کا کیا نکلا

shayari mein jalaye khoon-e-jigar aur anjam us ka kya nikla

ہمیں تنہا سفر کرنے دے ظالم خدارا چھوڑ دے پیچھا ہمارا

hamein tanha safar karne de zalim khudara chhod de peechha hamara

شامِ تنہائی میں ریاض کبھی چاکِ نومید ہی سئے یوتے

sham-e-tanhai mein Riyaz kabhi chak-e-naumeed hi siye hote

تیری خاطر دنیا کے دکھ جھیلے ہیں ورنہ آئینوں کو کب چٹانیں اچھی لگتی ہیں

teri khatir duniya ke dukh jhele hain warna aainon ko kab chatanein achchhi lagti hain