صحرا ،دشت ، سمندر ڈھونڈتی رہتی ہیںSahra dasht samundar dhoondti rehti hain

صحرا، دشت، سمندر ڈھونڈتی رہتی ہیں اندھی آنکھیں منظر ڈھونڈتی رہتی ہیں

sahra, dasht, samundar dhoondti rehti hain andhi aankhein manzar dhoondti rehti hain

کچھ لوگوں کو دکھ دے کر سکھ ملتا ہے تیز ہوائیں چھپر ڈھونڈتی رہتی ہیں

kuchh logon ko dukh de kar sukh milta hai tez hawaein chhappar dhoondti rehti hain

وقت مسلسل چلنے کی ضد کرتا ہے اور تھکانیں بستر ڈھونڈتی رہتی ہیں

waqt musalsal chalne ki zid karta hai aur thakanein bistar dhoondti rehti hain

ان متلاشی آنکھوں کا تو حال نہ پوچھ ایک خیالی پیکر ڈھونڈتی رہتی ہیں

in mutalashi aankhon ka to hal na poochh ek khayali paikar dhoondti rehti hain

جن کے ملنے کی کوئی امید نہیں ان کو نظریں اکثر ڈھونڈتی رہتی ہیں

jin ke milne ki koi umeed nahin un ko nazrein aksar dhoondti rehti hain

اپنی فکریں سورج کی مانند ریاضؔ منظر کاپس منظر ڈھونڈتی رہتی ہیں

apni fikrein suraj ki manind Riyaz manzar ka pas-manzar dhoondti rehti hain