فطرت و ماحولFitrat o Mahaul

ریاضؔ پانی کی جستجو میں میں آج کل ریگذار میں ہوں

Riyaz pani ki justuju mein main aaj kal regzar mein hoon

کاش تم بھی میری آنکھوں سے کسی دن دیکھتے دھند میں ڈوبا ہوا ساحل سمندر بے چراغ

kash tum bhi meri aankhon se kisi din dekhte dhund mein dooba hua sahil samundar be-chiragh

ابر کا چھوٹا سا اک ٹکڑا تھا وہ لیکن ریاضؔ لکھ گیا مغرور سورج کی جبیں پر بے چراغ

abr ka chhota sa ik tukda tha wo lekin Riyaz likh gaya maghroor suraj ki jabeen par be-chiragh

خزاں بھی چاہتی ہے بہاریں ہوں چمن میں

khizan bhi chahti hai baharein hon chaman mein

عشق نے کر لیا طلب ورنہ سوئے دریا ندی نہیں جاتی

ishq ne kar liya talab warna su-e-darya nadi nahin jati

گلوں کی تازگی ہے میرے ذمّہ بظاہر میں ردائے شبنمی ہوں

gulon ki tazgi hai mere zimma bazahir main rida-e-shabnami hoon

سنا ہے آندھیوں کی بے بسی پر شجر کا پتہ پتہ رو رہا تھا

suna hai aandhiyon ki be-basi par shajar ka patta patta ro raha tha

دشت و صحرا کی طرف جاؤ ںمیں کس طرح ریاض راستہ روک رہے ہیں گل ولالہ میرا

dasht o sahra ki taraf jaoon main kis tarah Riyaz rasta rok rahe hain gul o lala mera

جھک گئی ہوں گی ڈالیاں ساری باغ میں آم پک گئے ہوں گے

jhuk gai hongi daliyan sari bagh mein aam pak gaye honge

شہر کی آلودہ سڑکوں کی ہوا گاؤں کی پگڈنڈیوں تک آگئی

shahar ki aaloodah sadkon ki hawa gaon ki pagdandiyon tak aa gai

کیا شکایت کرے آدمی دھوپ کی شام ہی تک تو ہے زندگی دھوپ کی

kya shikayat kare aadmi dhoop ki sham hi tak to hai zindagi dhoop ki

سب گھروں میں دبکنے پہ مجبور ہیں بڑھ گئی کس قدر شعلگی دھوپ کی

sab gharon mein dabakne pe majboor hain badh gai kis qadar sholagi dhoop ki

اب درختوں کے نیچے بھی سایہ نہیں دیکھئے تو ذرا دل لگی دھوپ کی

ab darakhton ke neeche bhi saya nahin dekhiye to zara dil-lagi dhoop ki

سرد جھونکوں سے لرزاں ہیں جن کے بدن اہمیت جانتے ہیں وہی دھوپ کی

sard jhonkon se larzan hain jin ke badan ahmiyat jante hain wohi dhoop ki

چاند سورج کی دہلیز پر جھک گیا رات کرنے لگی پیروی دھوپ کی

chand suraj ki dahleez par jhuk gaya raat karne lagi pairavi dhoop ki

کیا کرے گی ریاضؔ اب مخالف ہوا بادلوں نے چمک لوٹ لی دھوپ کی

kya karegi Riyaz ab mukhalif hawa badalon ne chamak loot li dhoop ki

ہمیں آتی ہے فطرت سے بغاوت زمیں کروٹ بدلنا جانتی ہے

hamein aati hai fitrat se baghawat zameen karwat badalna janti hai

میں بینر سا بندھا ہوں راستوں پر اذیت موسموں کی جھیلنی ہے

main banner sa bandha hoon raston par aziyat mausamon ki jhelni hai

جھلملاتے چاند کا ایسا سماں پانی میں ہے یہ گماں ہوتا ہے شیشے کا مکاں پانی میں ہے

jhilmilate chand ka aisa saman pani mein hai yeh guman hota hai sheeshe ka makan pani mein hai

بے سبب اٹھتا نہیں سطح سمندر سے دھواں ایسا لگتا ہے کوئی آتش فشاں پانی میں ہے

be-sabab uthta nahin sath-e-samundar se dhuan aisa lagta hai koi aatish-fishan pani mein hai

ندیاں، نہریں ، کنویں تالاب کیا مجھ کو کر پائیں گے یہ سیراب کیا

nadiyan, nahrein, kuen talab kya mujh ko kar payenge yeh serab kya

رات بھر شبنمی جھرنے میں نہاتی ہے ہوا صبح دم روز نئے روپ میں آتی ہے ہوا

raat bhar shabnami jharne mein nahati hai hawa subh-dam roz naye roop mein aati hai hawa

برگ و گل رقص کیا کرتے ہیں ہولے ہولے پیار کے گیت نئے، دھن میں سناتی ہے ہوا

barg o gul raqs kiya karte hain haule haule pyar ke geet naye, dhun mein sunati hai hawa

کرتی رہتی ہے وہ اٹھکھیلیاں غنچوں سے کبھی اور صحرا میں کبھی خاک اڑاتی ہے ہوا

karti rehti hai wo athkheliyan ghunchon se kabhi aur sahra mein kabhi khak udati hai hawa

تنگ گلیوں سے گزرتے ہوئے تھک جاتی ہے میرے کمرے میں بہت گھوم کے آتی ہے ہوا

tang galiyon se guzarte hue thak jati hai mere kamre mein bahut ghoom ke aati hai hawa

آبرو اہل چمن کی ہے بڑی مشکل میں کوئی سنتا ہی نہیں لاکھ بتاتی ہے ہوا

aabroo ahl-e-chaman ki hai badi mushkil mein koi sunta hi nahin lakh batati hai hawa

یہ کسی سے کوئی تفریق کہاں کرتی ہے تازگی ہر کس ونا کس پہ لٹاتی ہے ہوا

yeh kisi se koi tafreeq kahan karti hai tazgi har kas o nakas pe lutati hai hawa

جیسے حالات ہوں ویسی ہی یہ لگتی ہے ریاضؔ گدگداتی ہے کبھی خوف دلاتی ہے ہوا

jaise halat hon waisi hi yeh lagti hai Riyaz gudgudati hai kabhi khauf dilati hai hawa

وقت کا چکر ہر دم چلتا رہتا ہے موسم کا انداز بدلتا رہتا ہے

waqt ka chakkar har dam chalta rehta hai mausam ka andaz badalta rehta hai

دھوپ، ہوا اور بارش کی نگرانی میں خود رو پودا پھولتا پھلتا رہتا ہے

dhoop, hawa aur barish ki nigrani mein khud-rau paudha phoolta phalta rehta hai

جس شہر میں رکھا قدم ویراں ہوا طوفان ہو سیلاب تم کون ہو

jis shahar mein rakha qadam veeran hua toofan ho sailab tum kaun ho

شک ہے تو ریاضؔ آؤ چلیں اس سے ہی پوچھیں لہراتی ہوئی باد صبا ہے کہ غزل ہے

shak hai to Riyaz aao chalein us se hi poochhein lehrati hui bad-e-saba hai ke ghazal hai

ہمت دیکھو ایک ندی کی کوہ گراں تک آپہنچی ہے

himmat dekho ek nadi ki koh-e-giran tak aa pahunchi hai

اگل رہی ہے زمیں آگ ایسی حالت میں کہیں جو اذن سفر ہوگیا تو کیا ہوگا

ugal rahi hai zameen aag aisi halat mein kahin jo izn-e-safar ho gaya to kya hoga

سنہرے شبنمی قطروں سے کھیلنے والو شروع رقص شرر ہوگیا تو کیا ہوگا

sunehre shabnami qatron se khelne walo shuru raqs-e-sharar ho gaya to kya hoga

تھا آشیانہ پرندوںکا جس کی شاخیں وہی زمین بوس شجر ہوگیا تو کیا ہوگا

tha aashiyana parindon ka jis ki shakhein wohi zameen-bos shajar ho gaya to kya hoga

ریاضؔ میں نے سنا ہے کہ اپنی آنکھوں میں پرندے رکھتے ہیں تصویر دانے دانے کی

Riyaz main ne suna hai ke apni aankhon mein parinde rakhte hain tasweer dane dane ki

باغباں کی مستقل پابندیوں کے باوجود تتلیوں کا رقص جاری ہے گلوں کے سامنے

baghban ki mustaqil pabandiyon ke bawajood titliyon ka raqs jari hai gulon ke samne

جستجو ہے اگر سمندر کی ندیوں کی طرح بہا کیجے

justuju hai agar samundar ki nadiyon ki tarah baha kijiye

درد نے آنسوؤں کا روپ لیا ابر برسات پر اتر آئے

dard ne aansuon ka roop liya abr barsaat par utar aaye

کیا طنابیں کیا طنابوں کی گرفت یوں چلی آندھی کے خیمے اڑ گئے

kya tanabein kya tanabon ki girift yoon chali aandhi ke khaime ud gaye

خشک دریا دیکھتے تھے خواب میں بہ گئے دیوار و در سیلاب میں

khushk darya dekhte the khwab mein bah gaye deewar o dar sailab mein

اتنے ذمہ دار ہیں یہ اپنی خدمت کے تئیں آئے گا سورج فلک پر تب ستارے جائیں گے

itne zimmedar hain yeh apni khidmat ke taeen aayega suraj falak par tab sitare jayenge

ہم بھلے بوند بوند کو ترسے بھیک مانگی نہیں سمندر سے

ham bhale boond boond ko tarse bheek mangi nahin samundar se

لے اڑا سورج ردائے آب بھی پتھروں کے جسم ننگے ہو گئے

le uda suraj rida-e-aab bhi patharon ke jism nange ho gaye

سلگتی دھوپ میں اپنا بچاؤ مشکل تھا ریاضؔ موم کے پتلے کسی سے کیا کہتے

sulagti dhoop mein apna bachao mushkil tha Riyaz mom ke putle kisi se kya kehte

ہواؤ! کوشش شب خوں نہ کرنا شجر کا پتا پتا جاگتا ہے

hawao! koshish-e-shab-khoon na karna shajar ka patta patta jagta hai

جگاتی رہتی ہیں لہریں مسلسل سو مجبوراً کنارا جاگتا ہے

jagati rehti hain lehrein musalsal so majbooran kinara jagta hai

سورج سے گھٹاؤں کا طلبگار رہا ہوں اک عمر ہوئی دھوپ کے صحرا میں کھڑا ہوں

suraj se ghataon ka talabgar raha hoon ik umr hui dhoop ke sahra mein khada hoon

آب و ہوا کی سازش سے ڈر لگتا ہے بے موسم کی بارش سے ڈر لگتا ہے

aab o hawa ki sazish se dar lagta hai be-mausam ki barish se dar lagta hai