فن و شاعریFan o Shayari

مجھے ان کی تعریف کرنے تو دو کہ تصویر میں رنگ بھرنے تو دو

mujhe un ki tareef karne to do ke tasveer mein rang bharne to do

اس کی نکتہ چینیوں پر خوش ہوں میں یہ سوچ کر روشنی پر تبصرہ کرتے ہیں اکثر بے چراغ

us ki nukta-cheeniyon par khush hoon main yeh soch kar roshni par tabsira karte hain aksar be-chiragh

فقط اک شعر ہو جائے مثالی فکر و فن میں

faqat ik sher ho jaye misali fikr o fan mein

میں نے پوچھا جب اس کا نام ریاضؔ اس نے چپکے سے کہہ دیا احساس

main ne poochha jab us ka nam Riyaz us ne chupke se keh diya ehsas

اصل کے بھاؤ میں بک جاتی ہے نقلی شئے بھی نام رکھ لے کسی فنکار سے ملتا جلتا

asl ke bhao mein bik jati hai naqli shai bhi nam rakh le kisi fankar se milta julta

جب تلک راہِ راست پر تھا ریاضؔ غلغلہ تیرا کُل جہان میں تھا

jab talak rah-e-rast par tha Riyaz ghulghula tera kul jahan mein tha

میرے فن کی کسی نے ستائش نہ کی میری غیرت نے پھر بھی گزارش نہ کی

mere fan ki kisi ne sitaish na ki meri ghairat ne phir bhi guzarish na ki

یہ بھی کوئی شعر ہوا بھاری تلفظ ہلکی سوچ

yeh bhi koi sher hua bhari talaffuz halki soch

راہِ سخن پر دوڑ پڑی آخر میری لنگڑی سوچ

rah-e-sukhan par daud padi aakhir meri langdi soch

قلم میں ان کے جادو ہے بلا کا جو جی چاہے ہمیں افسر بنائیں

qalam mein un ke jadu hai bala ka jo ji chahe hamein afsar banaen

کھپت بازار میں جس کی نہیں ہے ہم ایسا مال ہی کیو نکر بنائیں

khapat bazar mein jis ki nahin hai ham aisa maal hi kyunkar banaen

اک عام آدمی کی طرح تم بھی اے ریاضؔ یہ کیا کہ اپنی عمر جئے اور مر گئے

ik aam aadmi ki tarah tum bhi ai Riyaz yeh kya ke apni umr jiye aur mar gaye

ہم اسی داستاں کے ہیں کردار جو کہ لکھی پڑھی نہیں جاتی

ham isi dastan ke hain kirdar jo ke likhi padhi nahin jati

بہت مربوط ہے رشتہ ہمارا تو نغمہ ہے میں تیری نغمگی ہوں

bahut marboot hai rishta hamara tu naghma hai main teri naghmagi hoon

جو اپنا مدعا تک کہہ نہ پایا ریاضؔ الدین میں وہ مدعی ہوں

jo apna mudda tak keh na paya Riyazuddin main wo muddai hoon

قلم ناقص تھا، کاغذ کھر درا تھا مگر لہجہ غزل کا بولتا تھا

qalam naqis tha, kaghaz khurdura tha magar lahja ghazal ka bolta tha

کسی نے کہہ دیا کیا تم کو، شاعر پکڑ کر کس لئے بیٹھے ہو ماتھا

kisi ne keh diya kya tum ko, shayar pakad kar kis liye baithe ho matha

مرے ہر لفظ کو وہ نقد کے عینک سے دیکھے گا مبصر کو مرا طرزِ سخن اچھا نہیں لگتا

mere har lafz ko wo naqd ke ainak se dekhega mubassir ko mera tarz-e-sukhan achchha nahin lagta

اچھی باتیں کشید کرتے ہیں کچھ حقیقت سے کچھ فسانے سے

achchhi baatein kasheed karte hain kuchh haqeeqat se kuchh fasane se

جس کو جدت طراز کہتے تھے وہ بھی لگنے لگے پرانے سے

jis ko jiddat-taraz kehte the wo bhi lagne lage purane se

خود ستائی سے نہیں کوئی سروکار مجھے میں نہیں کہتا کہ ہے رنگ نرالا میرا

khud-satai se nahin koi sarokar mujhe main nahin kehta ke hai rang nirala mera

اہل دانش سنگ گئے ہوں گے راستے سے بھٹک گئے ہوں گے

ahl-e-danish sanak gaye honge raste se bhatak gaye honge

زور موجود ہے بیان میں کیا تیر بھی ہے ترے کمان میں کیا

zor maujood hai bayan mein kya teer bhi hai tere kaman mein kya

میرا تیکھا سوال سنتے ہی آبلے پڑ گئے زبان میں کیا

mera teekha sawal sunte hi aable pad gaye zaban mein kya

میری تائید کیوں نہیں کرتے کچھ کمی ہے مرے بیان میں کیا

meri taeed kyon nahin karte kuchh kami hai mere bayan mein kya

اصل موضوع سے وہ بھٹکنے لگا اس کو آتا نہیں مختصر بولنا

asl mauzu se wo bhatakne laga us ko aata nahin mukhtasar bolna

سمٹ کر ان دنوں میرا تخیل حویلی کا کبوتر ہوگیا ہے

simat kar in dinon mera takhayyul haweli ka kabootar ho gaya hai

سراہا تم نے مجھ کو میں نے تم کو حساب اپنا برابر ہوگیا ہے

saraha tum ne mujh ko main ne tum ko hisab apna barabar ho gaya hai

غزل بھی حلاوت سے محروم ہوگی اگر لفظ کڑوے کسیلے رہیں گے

ghazal bhi halawat se mehroom hogi agar lafz kadwe kaseele rahenge

پئیں گے اگر تشنگانِ ادب تو خمِ شاعری ہم انڈیلے رہیں گے

piyenge agar tishnagan-e-adab to khum-e-shayari ham undele rahenge

تو گمنامی کے قید و بند سے نکلے گا کیسے تری قسمت میں لکھا ہی نہیں مشہور ہونا

tu gumnami ke qaid o band se niklega kaise teri qismat mein likha hi nahin mash-hoor hona

شبنم ہے ، دھنک ہے ، کہ گھٹا ہے کہ غزل ہے کہتے ہیں جسے عشق سنا ہے کہ غزل ہے

shabnam hai, dhanak hai, ke ghata hai ke ghazal hai kehte hain jise ishq suna hai ke ghazal hai

پھولوں کی گرانی سے لچکتی ہوئی شاخیں مہکی ہوئی رنگین فضا ہے کہ غزل ہے

phoolon ki girani se lachakti hui shakhein mehki hui rangeen faza hai ke ghazal hai

میںنے تو فقط حسن ترا نظم کیا تھا لوگوں نے سرِ عام کہا ہے کہ غزل ہے

main ne to faqat husn tera nazm kiya tha logon ne sar-e-aam kaha hai ke ghazal hai

اس درجہ کشش ہے کہ طبیعت نہیں بھرتی سوبار اسے میں نے سنا ہے کہ غزل ہے

is darja kashish hai ke tabiyat nahin bharti sau bar use main ne suna hai ke ghazal hai

تو نے کبھی شاعر کی نظر سے نہیں دیکھا میں نے اسے لاکھوں میں چنا ہے کہ غزل ہے

tu ne kabhi shayar ki nazar se nahin dekha main ne use lakhon mein chuna hai ke ghazal hai

شک ہے تو ریاضؔ آؤ چلیں اس سے ہی پوچھیں لہراتی ہوئی باد صبا ہے کہ غزل ہے

shak hai to Riyaz aao chalein us se hi poochhein lehrati hui bad-e-saba hai ke ghazal hai

دھیرے دھیرے اپنی کہانی عام زباں تک آپہنچی ہے

dheere dheere apni kahani aam zaban tak aa pahunchi hai

تم مرے ذہن و دل پہ چھائے ہو میر و غالب کی شاعری کی طرح

tum mere zehn o dil pe chhaye ho Meer o Ghalib ki shayari ki tarah

میں ہوں اپنی مثال آپ ریاضؔ میرا لہجہ کہاں کسی کی طرح

main hoon apni misal aap Riyaz mera lahja kahan kisi ki tarah

یہی بہت ہے کہ میرے مخالفین مجھے گناہ گار نہیں ، بے خطا سمجھتے ہیں

yahi bahut hai ke mere mukhalifeen mujhe gunahgar nahin, be-khata samajhte hain

اہل فن تقلید کرتے ہیں ریاضؔ میر و غالب ، رومی و خیام کی

ahl-e-fan taqleed karte hain Riyaz Meer o Ghalib, Rumi o Khayyam ki

ریاضؔ تجھ کو سخنور کہیں تو کیسے کہیں نہ تیرا نام نہ انداز شاعرانہ لگے

Riyaz tujh ko sukhanwar kahein to kaise kahein na tera nam na andaz shairana lage

فکر کی لو میں دل نے جلنا سیکھ لیا جذبوں نے اشعار میں ڈھلنا سیکھ لیا

fikr ki lau mein dil ne jalna seekh liya jazbon ne ashaar mein dhalna seekh liya

شعور و فکر کے سانچے میں ڈھل کے دیکھ ذرا بہت حسین ہیں تیور غزل کے دیکھ ذرا

shuoor o fikr ke sanche mein dhal ke dekh zara bahut haseen hain tewar ghazal ke dekh zara

وسوسے لاکھوں جنم لینے لگے قدر جب بڑھنے لگی احباب میں

waswase lakhon janam lene lage qadr jab badhne lagi ahbab mein

اپنی پہچان بنانے میں ہیں مصروف ابھی میرے اشعار میں ڈھلتے ہوئے چہرے کتنے

apni pehchan banane mein hain masroof abhi mere ashaar mein dhalte hue chehre kitne

پہلے اپنی فکر میں بالیدگی پیدا تو کر شعر کی دہلیز تک خود استعارے جائیں گے

pehle apni fikr mein balidagi paida to kar sher ki dahleez tak khud istiare jayenge

وہاں علم و فن کا سوال کیا جہاں اہتمامِ ادب نہیں

wahan ilm o fan ka sawal kya jahan ehtimam-e-adab nahin

ریاضؔ الدین جیسی چاہیے تھی ادب میں ویسی سرگرمی کہاں ہے

Riyazuddin jaisi chahiye thi adab mein waisi sargarmi kahan hai

کون دے گا ریاضؔ تیرے سوا آئنے کی مثال پتھر سے

kaun dega Riyaz tere siwa aaine ki misal pathar se

ناقدِ فن تجھ کو ہے یہ اختیار میرے شعروں کو کوئی مفہوم دے

naqid-e-fan tujh ko hai yeh ikhtiyar mere sheron ko koi mafhoom de

کسی نے کوئی تاثر نہیں لیا، گویا مرے جمود کی صورت ترا کلام بھی ہے

kisi ne koi tassur nahin liya, goya mere jamood ki soorat tera kalam bhi hai

سوال اس نے اچھالا تھا سنگ کی صورت جواب سن کے مرا تلملا گیا وہ بھی

sawal us ne uchhala tha sang ki soorat jawab sun ke mera tilmila gaya wo bhi

مری غزل کو کئی زاویوں سے دیکھا گیا لکھا نہیں تھا جو میں نے پڑھا گیا وہ بھی

meri ghazal ko kai zawiyon se dekha gaya likha nahin tha jo main ne padha gaya wo bhi

جسے کہئے غزل گوئی مرض برسوں پرانا ہے

jise kahiye ghazal-goi marz barson purana hai

تفکر ہے، مگر لہجہ سراسر عامیانہ ہے

tafakkur hai, magar lahja sarasar aamiyana hai

رفتہ رفتہ ختم ہوئے سارے کردار اور کہانی کار ابھی تک زندہ ہے

rafta rafta khatm hue sare kirdar aur kahani-kar abhi tak zinda hai

اپنے فن کے بل بوتے پر دیکھ ریاضؔ صدیوں سے فنکار ابھی تک زندہ ہے

apne fan ke bal-boote par dekh Riyaz sadiyon se fankar abhi tak zinda hai

وہ اپنی داستاں کہنے سے پہلے سناتا ہے مجھے نغمات میرے

wo apni dastan kehne se pehle sunata hai mujhe naghmat mere

ریاضؔ الدین میں تنہا نہیں ہوں مری دیوانگی ہے سات میرے

Riyazuddin main tanha nahin hoon meri deewangi hai sath mere

اشارے پر مر ے سب ناچتے ہیں گو میں اسٹیج کا حصہ نہیں ہوں

ishare par mere sab nachte hain go main stage ka hissa nahin hoon

ریاضؔ الدین شہرت کی طلب میں خدا کا شکر ہے رسوا نہیں ہوں

Riyazuddin shohrat ki talab mein khuda ka shukr hai ruswa nahin hoon

اپنی فکریں سورج کی مانند ریاضؔ منظر کاپس منظر ڈھونڈتی رہتی ہیں

apni fikrein suraj ki manind Riyaz manzar ka pas-manzar dhoondti rehti hain

شاعر سے گانے کی توقع رکھتے ہیں لوگوں کی فرمائش سے ڈر لگتا ہے

shayar se gane ki tawaqqo rakhte hain logon ki farmaish se dar lagta hai

شاعری میں جلائے خون جگر اور انجام اس کا کیا نکلا

shayari mein jalaye khoon-e-jigar aur anjam us ka kya nikla

شاخ غزل پہ لفظوں کے گل ہیں کھلے ہوئے پیراہنِ خیال میں خوشبو سمیٹ لے

shakh-e-ghazal pe lafzon ke gul hain khile hue pairahan-e-khayal mein khushbu sameit le

کہیں ہوتا نہیں چرچا ہمارا ہمیں معلوم ہے رتبہ ہمارا

kahin hota nahin charcha hamara hamein maloom hai rutba hamara

نظم کرتے جو ہم بھی حرف روی تنگ اتنے نہ قافیے ہوتے

nazm karte jo ham bhi harf-e-rawi tang itne na qafiye hote

کچھ الگ میری شاعری ہوتی کچھ الگ تیرے تجزیے ہوتے

kuchh alag meri shayari hoti kuchh alag tere tajziye hote

مہلتیں ختم ہو گئیں ورنہ اور کچھ تجربے کئے ہوتے

mohlatein khatm ho gain warna aur kuchh tajribe kiye hote

بھاری بھرکم لفظ نہیں ہیں وجہ کمال ریاضؔ اچھے ہوں اشعار تو غزلیں اچھی لگتی ہیں

bhari bharkam lafz nahin hain wajh-e-kamal Riyaz achchhe hon ashaar to ghazlein achchhi lagti hain