مجھے ان کی تعریف کرنے تو دوMujhe un ki tareef karne to do

مجھے ان کی تعریف کرنے تو دو کہ تصویر میں رنگ بھرنے تو دو

mujhe un ki tareef karne to do ke tasveer mein rang bharne to do

وراثت کی تقسیم سے پیشتر ذرا چین سے مجھ کو مرنے تو دو

wirasat ki taqseem se peshtar zara chain se mujh ko marne to do

مظالم اندھیروں کے اپنی جگہ سمندر سے سورج ابھرنے تو دو

mazalim andheron ke apni jagah samundar se suraj ubharne to do

گھٹا ہو، دھنک ہو، کہ ہو کہکشاں سمٹ جائیں گے خود بکھرنے تو دو

ghata ho, dhanak ho, ke ho kahkashan simat jayenge khud bikharne to do

زمیں خیر مقدم کو تیار ہے اسے آسماں سے اترنے تو دو

zameen khair-maqdam ko taiyar hai use aasman se utarne to do

تمھیں حق ہے انکار و اقرار کا محبت کا اظہار کرنے تو دو

tumhein haq hai inkar o iqrar ka mohabbat ka izhar karne to do

سرِ بام آجائے گا چاند بھی اندھیرا گلی میں پسرنے تو دو

sar-e-bam aa jayega chand bhi andhera gali mein pasarne to do