مسائل کے دن رات ریلے رہیں گےMasail ke din raat rele rahenge

مسائل کے دن رات ریلے رہیں گے اگر زندگی ہے جھمیلے رہیں گے

masail ke din raat rele rahenge agar zindagi hai jhamele rahenge

ڈراتے رہیں گے ہمیں سنگ پارے جو ہم یوں ہی مٹی کے ڈھیلے رہیں گے

darate rahenge hamein sang-pare jo ham yoon hi mitti ke dhele rahenge

بنا لیجئے اپنا ساتھی کسی کو کہاں تک اکیلے اکیلے رہیں گے

bana lijiye apna sathi kisi ko kahan tak akele akele rahenge

غزل بھی حلاوت سے محروم ہوگی اگر لفظ کڑوے کسیلے رہیں گے

ghazal bhi halawat se mehroom hogi agar lafz kadwe kaseele rahenge

حقیقت یہی ہے کہ بابِ لحد تک ترے ساتھ دنیا کے میلے رہیں گے

haqeeqat yahi hai ke bab-e-lahad tak tere sath duniya ke mele rahenge

سبھی اپنے نمبر سے ہوں گے روانہ نہ استاد ہوگا نہ چیلے رہیں گے

sabhi apne number se honge rawana na ustad hoga na chele rahenge

پئیں گے اگر تشنگانِ ادب تو خمِ شاعری ہم انڈیلے رہیں گے

piyenge agar tishnagan-e-adab to khum-e-shayari ham undele rahenge