عہدِ پیری میں بھی نہیں جاتیAhd-e-peeri mein bhi nahin jati

عہد پیری میں بھی نہیں جاتی خصلتِ آدمی نہیں جاتی

ahd-e-peeri mein bhi nahin jati khaslat-e-aadmi nahin jati

جو ہیں خود بے کسی کے نرغے میں ان سے فریاد کی نہیں جاتی

jo hain khud be-kasi ke narghe mein un se faryad ki nahin jati

ہم اسی داستاں کے ہیں کردار جو کہ لکھی پڑھی نہیں جاتی

ham isi dastan ke hain kirdar jo ke likhi padhi nahin jati

عشق نے کر لیا طلب ورنہ سوئے دریا ندی نہیں جاتی

ishq ne kar liya talab warna su-e-darya nadi nahin jati

ہے ازل سے مسابقت پھر بھی غم سے آگے خوشی نہیں جاتی

hai azal se musabaqat phir bhi gham se aage khushi nahin jati

اس کے آنے کے باوجود ریاضؔ جانے کیوں بے کلی نہیں جاتی

us ke aane ke bawajood Riyaz jane kyon be-kali nahin jati