جل گئے خواب تو ہوا احساسJal gaye khwab to hua ehsas

جل گئے خواب تو ہوا احساس میرا دشمن تھا خود مرا احساس

jal gaye khwab to hua ehsas mera dushman tha khud mera ehsas

بے حسی کام کر گئی اپنا اس سے پہلے کہ جاگتا احساس

be-hisi kaam kar gai apna is se pehle ke jagta ehsas

منزلوں کا سراغ کیا ملتا بے یقینی سے جا ملا احساس

manzilon ka suragh kya milta be-yaqeeni se ja mila ehsas

وقت بے رحم حکمراں جیسے اور خاموش التجا احساس

waqt be-rahm hukmaran jaise aur khamosh iltija ehsas

الجھنوں کا حصار ٹوٹتے ہی اوڑھ کر جسم سو گیا احساس

uljhanon ka hisar tootte hi odh kar jism so gaya ehsas

ہے خوشی کی خوشی نہ غم کا غم ایسا لگتا ہے مر گیا احساس

hai khushi ki khushi na gham ka gham aisa lagta hai mar gaya ehsas

مجھ کو پاگل بنائے رہتا ہے ایک خوش رنگ خوشنما احساس

mujh ko pagal banaye rehta hai ek khush-rang khushnuma ehsas

میں نے پوچھا جب اس کا نام ریاضؔ اس نے چپکے سے کہہ دیا احساس

main ne poochha jab us ka nam Riyaz us ne chupke se keh diya ehsas