نقشِ دیوار و درتمام ہواNaqsh-e-deewar o dar tamam hua

نقشِ دیوار و در تمام ہوا میرے سپنوں کا گھر تمام ہوا

naqsh-e-deewar o dar tamam hua mere sapnon ka ghar tamam hua

نسخۂ جاں فضا تھا جس کا وجود حیف! وہ چارہ گر تمام ہوا

nuskha-e-jaan-faza tha jis ka wujood haif! wo chara-gar tamam hua

ہے مقدس وہی جگہ کہ جہاں فرق زیر و زبر تمام ہوا

hai muqaddas wohi jagah ke jahan farq-e-zer o zabar tamam hua

آگیا اشتعال پر سورج انتظارِ سحر تمام ہوا

aa gaya ishteal par suraj intezar-e-sahar tamam hua

وقت کے ساتھ اچھے اچھوں کا جلوۂ کرّوفر تمام ہوا

waqt ke sath achchhe achchhon ka jalwa-e-karr o farr tamam hua

ہے بلندی کی تاک میں پستی جو چڑھا عرش پر تمام ہوا

hai bulandi ki tak mein pasti jo chadha arsh par tamam hua

میرے دل کو کہاں ملیگا قرار لطف تیرا اگر تمام ہوا

mere dil ko kahan milega qarar lutf tera agar tamam hua

ختم ہونا تھا ایک دن سو ریاضؔ چند روزہ سفر تمام ہوا

khatm hona tha ek din so Riyaz chand roza safar tamam hua