نا سے ہاں تک آ پہنچی ہےNa se han tak aa pahunchi hai

نا سے ہاں تک آپہنچی ہے بات یہاں تک آپہنچی ہے

na se han tak aa pahunchi hai baat yahan tak aa pahunchi hai

تیرے لمس کی خوشبو آخر جسم سے جاں تک آپہنچی ہے

tere lams ki khushbu aakhir jism se jaan tak aa pahunchi hai

دھیرے دھیرے اپنی کہانی عام زباں تک آپہنچی ہے

dheere dheere apni kahani aam zaban tak aa pahunchi hai

ظلم و استبداد کی آندھی جائے اماں تک آپہنچی ہے

zulm o istebdad ki aandhi jaye-aman tak aa pahunchi hai

شکر کرو ایماں کی تجلی کوئے بتاں تک آپہنچی ہے

shukr karo iman ki tajalli koo-e-butan tak aa pahunchi hai

ہمت دیکھو ایک ندی کی کوہ گراں تک آپہنچی ہے

himmat dekho ek nadi ki koh-e-giran tak aa pahunchi hai

لگتا ہے اب عمر کی کشتی اپنے نشاں تک آپہنچی ہے

lagta hai ab umr ki kashti apne nishan tak aa pahunchi hai